Læknablaðið - 15.01.1991, Blaðsíða 57

LÆKNABLAÐIÐ
47
er hætt við að möguleikar landsmanna til
heilbrigðisþjónustu verði háðir því, hvort
þeir hafi ráð á þjónustunni eða ekki, nema
samtímis verði gerðar kerfisbreytingar á
fyrirkomulagi sjúkratrygginga og þeim breytt
í einstaklings- eða fjölskyldutryggingar
með iðgjaldagreiðslum. Þetta er atriði
sem þingmenn þurfa að taka sérstakt
tillit til þegar þeir taka afstöðu til
framvindu mála í heilbrigðisþjónustu og
almannatryggingamálum.
Hér er um að ræða mjög viðkvæm pólitísk
mál. En á þeim verður auðsjáanlega að
taka, því fáir vilja að framtíðin verði sú
að landsmönnum verði skipt upp í tvo
hópa, þá sem hafa efni á að kaupa sér
heilbrigðisþjónustu og hina sem ekki hafa efni
á því.
Islenska heilbrigðiskerfið er í raun ódýrt
miðað við þá þjónustu sem það veitir og
það öryggi sem það skapar landsmönnum.
Aframhaldandi uppbygging á þeirri braut
sem mörkuð hefur verið ætti því að vera
markmiðið á sviði íslenskra heilbrigðismála.