Læknablaðið - 15.12.1994, Page 72

578
LÆKNABLAÐIÐ 1994; 80
Læknafélag Akureyrar 60 ára
Læknafélag Akureyrar minntist 60 ára af-
mælis síns laugardaginn 5. nóvember síðastlið-
inn, en félagið var stofnað þann 6. nóvember
1934 á heimili Steingríms Matthíassonar, þá-
verandi læknis á Akureyri. Við stofnun
Læknafélags Akureyrar voru búsettir og starf-
andi átta læknar á Akureyri en eru nú 64.
Afmælisins var minnst með margvíslegum
hætti. Opið hús var í Deiglunni í Listagili og var
þar dagskrá undir yfirskriftinni Lœknislist. Þar
sýndu læknar ýmislegt viðkomandi starfi sínu
sem og áhugamálum utan daglegs erils. Meðal
þess er þar bar fyrir augu voru veggspjöld og
ljósmyndir þar sem gerð var grein fyrir starfi
innan einstakra sérgreina. Myndbönd voru
sýnd, meðal annars um sjálfspeglun maga og
skurðlækningar. Boðið var upp á augnþrýsti-
mælingu og hjartarit og sýnd lækningatæki og
tól, forn og ný.
Dagskráin hófst með ávarpi Péturs Péturs-
sonar formanns Læknafélags Akureyrar og af-
henti hann heiðursfélögum heiðursskjöl. Tók
Ólafur Sigurðsson við heiðursskjali sínu, en
Ingvar Þóroddsson læknir fyrir hönd föður síns
Þórodds Jónassonar sem er nýlátinn.
Hátt í 400 gestir mættu á Lœknislistina og var
sannarlega þröng á þingi. Hátíðarinnar verður
nánar getið í Fylgiriti Læknablaðsins sem út
mun koma í byrjun næsta árs og verður helgað
60 ára afmælinu.
Læknablaðið óskar Læknafélagi Akureyrar
til hamingju með afmælið og árnar því allra
heilla.
Pétur Pétursson og Sverrir Bergmann formaður LÍ Læknarnir Ólafur Oddsson, Nick Cariglia og Friðrik Vagn Guðjóns-
sem færði LA árnaðaróskir ásamt fundarhamri út- son.
skornum úr birki.
Starfsmannakór Heilsugæslustöðvarinnar á Akureyri söng nokkur iög við undirleik Guðjóns Pálssonar.