Læknablaðið - 15.06.1995, Blaðsíða 49

LÆKNABLAÐIÐ 1995; 81
491
Samþykkt stjórnar Félags íslenskra
heimilislækna frá 28. mars 1995
„Undanfarnar vikur hefur
verið háð hatrammt áróðurs-
stríð af hálfu Sérfræðingafélags
íslenskra lækna gegn tilvísana-
kerfi því, sem heilbrigðismála-
ráðherra hefur ákveðið að
koma á laggirnar. Áróðri sínum
hefur Sérfræðingafélagið beint
til almennings, en snúið honum
gegn heilbrigðismálaráðherra
og einnig starfssystkinum sín-
um, heimilislæknum og starfs-
vettvangi þeirra á sviði heilsu-
gæslu. Miklu hefur verið til
kostað bæði með auglýsingum í
fjölmiðlum og útgáfu flugu-
miða. Auk þess hafa talsmenn
Sérfræðingafélagsins verið iðnir
sem einstaklingar í blöðum og á
ljósvakanum og verið tíðir gest-
ir fjölmiðlunga með einhliða
málflutning sinn gegn tilvísana-
kerfinu.
Við þetta væri ekkert að at-
huga, ef rétt væri farið með
staðreyndir og Sérfræðingafé-
lagið gætti hófs og virðingar
sinnar og annarra í málflutningi
sínum. Itrekað er farið rangt
með kostnað við læknishjálp
heimilislækna og þann kostnað-
arauka, sem kann að hljótast af
tilvísanakerfinu í heilsugæsl-
unni. Einnig er veist að störfum
heimilislækna og meðal annars
fullyrt í auglýsingum, að sjúk-
lingar beri ekki traust til heimil-
islækna sinna og að þeir njóti
ekki læknishjálpar hjá þeim
læknum, sem gefa út tilvísanir
fyrir þá. Sérfræðingafélagið
hefur gengið svo langt að leggja
til, að uppbyggingu í heilsu-
gæslu í Reykjavík verði hætt og
að sérfræðingar taki að sér þá
þjónustu, sem á vantar.
Stjórn Félags íslenskra heim-
ilislækna fordæmir málflutning
af þessu tagi og telur, að hann sé
einungis til þess fallinn að drepa
á dreif málefnalegri umræðu um
tilvísanakerfið og sá ótta og tor-
tryggni í brjóst sjúklinga, sem
læknar ættu með réttu að hlífa.
Stjórn Félags íslenskra heim-
ilislækna telur, að Sérfræðinga-
félag íslenskra lækna hafi með
framgöngu sinni orðið sér til
minnkunar og skaðað heiður og
virðingu íslenskra lækna með
þeim hætti, að seint verði úr
bætt. Lýsir stjórn íslenskra
heimilislækna fullri ábyrgð á
hendur þeim læknum, sem leiða
þessa baráttu, vegna þeirra af-
leiðinga, sem af henni kunna að
hljótast."
Samþykkt félagsfundar Félags íslenskra
heimilislækna 20. maí 1995
„Almennur félagsfundur í
Félagi íslenskra heimilislækna
(FÍH) haldinn í Reykjavík 20.
maí 1995, fordæmir það,
hvernig Sérfræðingafélag ís-
lenskra lækna beindi áróðri sín-
um gegn tilvísanaskyldu að
heimilislæknum og heilsugæsl-
unni. Farið var rangt með stað-
reyndir og alið á tortryggni í
garð heimilislækna. Fundurinn
telur að áróðurinn hafi verið
öfgafullur og skaðað heiður og
virðingu íslenskra lækna.
Fundurinn harmar, að for-
maður Læknafélags íslands hef-
ur tekið þátt í þessum áróðri
með yfirlýsingum í fjölmiðlum,
bréfaskrifum til alþingismanna,
þar sem rangfærslur eru
ítrekaðar og með þátttöku í
auglýsingaherferð.
Hegðun formanns Læknafé-
lags íslands og meirihluta
stjórnar LI er ósamrýmanleg
því, að LÍ er hagsmunafélag
heimilislækna jafnt og annarra
lækna.
Fundurinn felur stjórn FÍH
að vinna að því, að heimilis-
læknar fái fullt og óskorað
sjálfsforræði yfir hagsmunamál-
um sínum, árgjöldum og fram-
kvæmdastjórn eigin mála.“