Læknablaðið

Árgangur

Læknablaðið - 15.06.1995, Blaðsíða 41

Læknablaðið - 15.06.1995, Blaðsíða 41
LÆKNABLAÐIÐ 1995; 81 485 ingur hans lækki (4). Síðasttalda kenningin hefur verið allnokkuð könnuð, en niðurstöður eru misvísandi þar sem LESP er ýmist sagður hækka (5-7), lækka (4) eða haldast óbreyttur (8) eftir kaffineyslu. Kaffi er efnafræðilega flókið. Það inniheldur mörg virk efni, ýmis næringarefni, ilmefni og beiskjuefni (alkaloid) eins og xantín (9). Helsta metýlxantínið er koffín sem í hreinu formi er sagt annað hvort auka (7) eða hafa óveruleg áhrif á LESP (5,10). Á hinn bóginn er talið að koffínsnautt kaffi, sem inniheldur metýlxantín önnur en koffín, auki (5) eða hafi engin áhrif á LESP (7). Ennfremur er sagt að súkkulaði, sem inniheldur koffín og teófylla- mín (sem einnig er í litlu magni í kaffi) lækki LESP (11-13). Þessar misvísandi og ólíku niðurstöður gætu að stórum hluta verið vegna aðferðarfræði- legra vandamála (14). Pær gætu líka tengst mis- munandi efnafræðilegri samsetningu kaffi- drykkjarins. Kaffibaunir eru mismunandi eftir því hvaðan þær koma, frá hvaða landi eða jafnvel landsvæði, auk þess sem brennsla þeirra og allur framleiðslumáti kaffis er breyti- legur (9). Markmið rannsóknarinnar var að athuga á ný áhrif algengra kaffi- og tedrykkja á starf- semi LES. LESP var mældur með ílöngum belg eða svokölluðum slíðurþrýstingsnema sem hefur ákveðna kosti ef mæla á LESP stöð- ugt (15). Slíkri aðferð hefur ekki verið beitt áður í rannsóknum á þessum drykkjum. Öfugt við fyrri rannsóknir mældum við samhliða sýrustig, pH, í neðsta hluta vélinda. Þessari viðurkenndu rannsóknaraðferð hefur lítt verið beitt á þessu sviði þó hún sé mjög næm og sértæk til greiningar á bakflæði (8,16). Við at- huguðum einnig áhrif tedrykkju, sem ekki hef- ur áður verið gert, en klínísk reynsla bendir til þess að te valdi síður bakflæðiseinkennum en kaffi. Aðferðir Þátttakendur: Tólf heilbrigðir sjálfboðaliðar (sjö konur, fimm karlar), 19-41 árs (meðalald- ur 29 ár) voru rannsakaðir. Þeir reyktu ekki, tóku engin lyf og höfðu ekki sögu um neina meltingarsjúkdóma. Rannsóknaráætlunin var samþykkt af siðanefnd Vermont háskóla. Skriflegt samþykki allra þátttakenda lá fyrir. Þrýstings- og pH mœling: Þátttakendur sneyddu hjá kaffi, tei, kakói, súkkulaði, kóla- drykkjum með koffíni og alkóhóli í 24 stundir og voru fastandi í að minnsta kosti fimm stund- ir fyrir hverja tilraun. Allir voru rannsakaðir fjórum sinnum með að minnsta kosti 48 stunda hvíld milli rannsókna. Til að mæla þrýsting var notuð grönn slanga með áföstum 6 cm löngum þrýstingsnema, svokölluðu Dent slíðri eða belg (þvermál 4,5 mm, Arndorfer Medical Special- ities Co., Greenfield, WI, USA). Slöngunni var rennt niður kokið og staðsett þannig, að op við efri brún slíðursins nam þrýsting í vélinda en op við neðri brún þrýsting í maga. Þannig var öruggt að slíðrið væri inni í LES. PH elekt- róða (þvermál 1,4 mm, Microelectrodes Inc., Londonderry, NH, USA) var fest við þrýst- ingsmælingarslönguna þannig að endinn var 3,5 cm ofan við slíðrið. Stöðugt vatnsrennsli var um þrýstingsnemann meðan á mælingum stóð, um það bil 0,6 ml/mín, stjórnað af sér- stakri dælu (Pneumo-hydraulic capillary infu- sion system, Arndorfer Medical Specialities Co.). LESP var numinn af ytri skynjara (P327-I; Bell and Howell, Pasadena, Ca, USA) og skráður stöðugt með fjölrása tæki (Gilson Medical Electronics Inc., Middleton, WI, USA). Samtímis og stöðugt var pH skráð af pH mæli (Beckman Instruments, Inc., Irvine, Ca, USA). Eftir 20 mínútna grunnmælingu var tilraunarlausninni dælt beint um slönguna inn í magann og síðan mælt stöðugt næstu 90 mínút- ur. Þrýstingur í maga var mældur í byrjun og í lok hverrar meðferðar. Tilraunarlausnirnar voru gefnar tilviljunarkennt samkvæmt a bal- anced latin design (17). Þátttakendur vissu aldrei hvaða blöndu þeir fengu hverju sinni. Heildarrúmmál tilraunarlausnanna var 350 ml. Helmingur þeirra var síaður appelsínu- drykkur (Minute Maid, Coca Cola Foods, Houston, TX, USA) en hinn helmingurinn einhver eftirtalinna lausna: 1) Vatn sem við- miðun (water=W), 2) venjulegt koffínríkt duftkaffi (instant), 5,0 gr. kyrnis (coffee=C), (Classic Nescafé, White Plains, NY, USA), 3) koffínsnautt duftkaffi, 5,0 gr. kyrnis (decaf- feinated coffee= D) (Decaf, Nescafé) og 4) venjulegt te, fjórir tepokar (tea=T) (T.J. Lipt- on Inc., Englewood Cliffs, NJ, USA). Teið var lagað þannig að það hafði svipað magn koffíns og venjulegt kaffi (C), 160 mg. Koffínmagnið var talið samsvara þremur kaffibollum. Lausn- irnar voru við stofuhita. Appelsínusafinn var
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76

x

Læknablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Læknablaðið
https://timarit.is/publication/986

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.