Læknablaðið - 15.03.1997, Síða 41

LÆKNABLAÐIÐ 1997; 83
173
vandamálum sem upp hafa
komið í kennslunni. Álit félags-
ins er kynnt í kennslunefnd og
deildarráði og hefur þetta
stundum skilað árangri. Við
viljum geta veitt aðhald en al-
mennt tel ég kennsluna góða og
kennara hæfa þótt einstaka
svartur sauður sé þar innan um.
Kennarar eru yfirleitt duglegir
og áhugasamir. Pá finnst mér
nýútskrifaðir læknar hafa verið
mjög duglegir að hjálpa okkur
læknanemum á deildum sem
þeir vinna á.
Ingibjörg segir læknanámið á
margan hátt sérstakt: — Fyrstu
þrjú árin eru nokkurs konar
grunnnám þar sem við lærum
líffærafræði, lífeðlisfræði, lyfja-
fræði og veirufræði. í>au byggj-
ast að mestu á fyrirlestrum og
bóklegu námi. Seinni þrjú árin
er námið meira verklegt og fær-
ist að mestu inn á spítala þar
sem við förum á milli deilda.
Reynt er að koma því við að við
kynnumst sem flestum sviðum
læknisfræðinnar. Hluti námsins
fer jafnvel fram á heilsugæslu-
stöðvum og sjúkrahúsum á
landsbyggðinni. Jafnframt er-
um við í fyrirlestrum og tökum
próf. Þetta er því mjög lifandi
nám og skemmtilegt — ég sé
ekki eftir að hafa valið það, seg-
ir Ingibjörg. Hún segir að þetta
hafi ekki verið gamall æsku-
draumur, heldur þróast smám
saman þegar hún var langt kom-
in í menntaskólanum en hún er
úr náttúrufræðibraut M.R. sem
sé góður grunnur fyrir námið.
— Störf lækna eru fjölbreytt,
þau geta legið á sviði vísinda og
rannsókna, lækninga og mann-
legra samskipta og námið reynir
á sama hátt bæði á fræðilega
þáttinn og þann mannlega.
Mikilvæg
rannsóknarvinna
Ingibjörg minnist á nýjung
sem tekin var upp fyrir fáum ár-
um og hún telur mjög til fram-
fara: — Það er þriggja mánaða
rannsóknarvinnan sem við
stundum á fjórða ári og þar hafa
læknanemar tækifæri til að velja
verkefni sem þeir hafa áhuga á.
Forstöðulæknar eða kennarar
kynna læknanemum hugmyndir
um rannsóknarverkefni sem
þeir eiga að vinna undir hand-
leiðslu. Þetta hefur verið mikil-
vægur liður í að kenna okkur
sjálfstæð vinnubrögð við vís-
indalegar athuganir. Þarna get-
ur verið um að ræða grunnrann-
sóknir, faraldsfræðileg verkefni
og sumir hafa farið til útlanda í
þessu skyni. Sjálf vann ég að
verkefni á Rannsóknastofu há-
skólans í lyfjafræði sem snerist
um boðkerfi æðaþels.
Þið óttist ekki atvinnuleysi
þegar þið útskrifist?
— Nei, í raun ekki til að
byrja með, það eru nægar stöð-
ur fyrir aðstoðarlækna. Flestir
hyggja á framhaldsnám og þar
heyrist mér flestir ætla að velja
sérgrein eftir áhugasviði en ekki
því hvar helst séu atvinnumögu-
leikar. Enda er líka nokkuð erf-
itt fyrir okkur að sjá það fyrir
jafnvel þótt til séu einhverjar
upplýsingar um hversu margir
læknar séu starfandi eða í námi í
hverri sérgrein.
Síðari hluti læknanámsins
byggist að miklu leyti upp á
starfi og námi á hinum ýmsu
sviðum í heilbrigðisþjónust-
unni, spítaladeildum, rann-
sóknarstofum og heilsugæslu-
stöðvum og nemar á fimmta ári
fá yfirleitt sumarstarf við að
leysa af lækna. Ingibjörg er
spurð hvort niðurskurður og
lokanir hafi komið niður á nám-
inu:
— Það hefur ekki komið nið-
ur á námi okkar því þótt deild-
um sé lokað og sparnaður og
niðurskurður komi fram hér og
þar þá heldur fólk áfram að
veikjast og vandamálin hverfa
ekki — það verður eftir sem
áður að finna á þeim lausn.
Aðstaðan verður oft slæm bæði
fyrir starfsfólk og sjúklinga.