Flóra: tímarit um íslenzka grasafræði - 01.05.1967, Side 97

starfsmaður Atvinnudeildar Háskólans, þar sem hann vinnur enn, þrátt fyrir hinn
háa aldur.
Frá barnæsku hefur Ingimar safnað plöntum og fengi/.t við greiningar á þeim,
og á árunum 1925—50 ferðaðist hann víða um landið til athugana á flóru og gróðri
ýmissa landshluta. Hefur hann birt um þetta fjölda ritgerða, og eina slíka getur
að líta í þessu hefti Flóru.
A síðari árum hefur Ingimar gefið sig mest að undafíflarannsóknum, og farið
víða um landið til að safna þeim, auk þess sem hann hefur athugað íslenzka unda-
fífla í söfnum innanlands og erlendis. Hefur hann nýlega birt mikið rit um þessar
rannsóknir. (Sbr. Ritfregnir í þessu hefti).
Ekki hefur Ingimar látið sér nægja grösin ein, heldur hefur hann lagt sig nokk-
uð eftir nafngreiningum á dýrum, aðallega skeldýrum, og er nú eini sérfræðingur-
inn hérlendis í þeirri grein. Hefur hann gefið út alþýðlegar bækur um það efni
(Skeldýrafána íslands I og II).
Flóra óskar Ingimar til hamingju og þakkar samskiftin.
HELGI JÓNASSON BÓNDI OG GRASAFRÆÐINGUR, GVENDARSTÖÐUM,
ÁTTRÆÐUR.
Þann 26. september í haust átti Helgi Jónasson á Gvendarstöðum 80 ára af-
mæli. Helga þarf naumast að kynna fyrir lesendum Flóru, svo mjög sem hann hef-
ur komið við sögu grasafræðinnar í landinu.
Þess má geta, að Helgi er ennþá ern og við sæmilega heilsu, en þó var þetta
síðastliðna sumar hið fyrsta um árabil, sem hann hefur ekki komist í grasaferð til
Vestfjarða, og það þótti honum ekki gott, sem nærri má geta, enda hafði hann
ætlað sér að ganga í Látrabjarg og vita hvað þar fyndist af sjaldgæfum jurtum.
Flóra óskar Helga til hamingju með þetta merkisafmæli og vonar að hann
eigi enn eftir að auka talsverðum skerf í þekkingarforðann um íslenzka grasafræði.
STEINDÓR STEINDÓRSSON GRASAFRÆÐINGUR 65 ÁRA.
Þann 12. ágúst í sumar (1967) varð Steindór Steindórsson yfirkennari og grasa-
fræðingur 65 ára. Enginn hefur verið mikilvirkari í íslenzkri grasafræði en hann,
og þó hygg ég að hann eigi enn eftir margt óritað. Við meðritstjórar hans óskurn
honum gengis á þessum tímamótum.
HÁKON BJARNASON SKÓGRÆKTARSTJÓRI SEXTUGUR.
Hákon er fæddur í Reykjavík 13. júlí 1907. Hann nam skógræktarfræði við
danska landbúnaðarháskólann, og var skipaður skógræktarstjóri árið 1935. Um
störf Hákonar þarf ekki að fjölyrða, til þess eru þau of kunn, en hitt er kannske
á fárra vitorði, að hann er mikill áhugamaður um grasafræðileg efni og hefur að
því leyti sérstöðu, að hann hefur auðgað íslenzku flóruna af nokkrum merkum
plöntutegundum, sem líklegar eru til að verða góðir borgarar landsins er fram líða
stundir.
TÍMARIT UM ÍSLENZKA GRASAFRÆÐI - FlÓm 95