Sveitarstjórnarmál - 01.06.1975, Blaðsíða 10

þrjú, og skal þá lækka útsvarið um 3000 krónur
fyrir hvert barn umfram þrjú í stað 2000 króna
áður.
Ennfremur er ákveðið, að fjárhæðir þessar
breytist í samræmi við skattvfsitölu eins og hún er
á hverjum tíma.
Lækkunarheimild útvíkkuð
Á 27. grein laganna er gerð sú breyting, að
sveitarstjórn er heimilt við ákvörðun á lækkun út-
svars hjá einstökum gjaldendum að taka tillit til
slysatryggingabóta til jafns við lífeyristrygginga-
bætur eins og ákveðið var í a-lið greinarinnar.
Dráttarvextir reiknast frá gjalddaga
Þá breytist útreikningur dráttarvaxta á þá leið,
að þeir eru reiknaðir á gjöld, sem ekki eru
greidd áður en tveir mánuðir eru Iiðnir frá gjald-
daga, H/2% fyrir hvern mánuð eða brot úr mán-
uði, sem líður, talið frd og með gjalddaga gjalds-
ins, í stað þess að áður mátti ekki reikna dráttar-
vexti tvo fyrstu mánuðina eftir gjalddaga.
Nýjar reglur um útreikning
dráttarvaxta frá næstu áramótum
Frá og með næstu áramótum gildir það ákvæði
um útreikning dráttarvaxta, að séu gjöld ekki
greidd innan mánaðar frá gjalddaga, skal greiða
dráttarvexti frá gjalddaga. Ákvæðið um li/>%
dráttarvexti á mánuði fellur niður frá næstu ára-
mótum, og í stað þess segir, að dráttarvextir
verði þeir sömu og hjá innlánsstofnunum sam-
kvæmt því er Seðlabanki Islands ákveður á hverj-
um tíma, og reiknast með sama hætti og hjá inn-
lánsstofnunum. Slíkir dráttarvextir eru nú 2%.
Heimilt að breyta gjöldum, sem
miðast við fasteignamat, til samræmis
við byggingarvísitölu
Þá eru í lögunum um ráðstafanir í efnahags-
málum o. fl. nr. 11 1975 ákvæði til bráðabirgða,
þar sem segir, að þar til nýtt fasteignamat hafi
tekið gildi, sé rdðherra heimilt að ákveða fyrir 15.
nóvember ár hvert, að gjöld næsta árs, sem reikn-
uð eru sem hlutfall af fasteignamati, megi breyt-
ast í hlutfalli við þá breytingu byggingarvísitölu,
sem orðið hefur frá 1. nóv. árið áður til 1. nóv.
ákvörðunarársins.
Breyttar forsendur fyrir
lækkun útsvara skv. 27. grein
Sambandið hefur með bréfi 26. maí vakið at-
hygli sveitarstjórna á breyttum forsendum til
lækkunar á útsvörum gjaldenda skv. 27. grein
tekjustofnalaga eftir tilkomu nýrra lagaákvæða
í B-lið 9. greinar umræddra laga um ráðstafanir
í efnahagsmálum o. fl. frá 28. apríl 1975. Persónu-
afsláttur frá tekjuskatti er þar ákveðinn 97.000
krónur fyrir einstaklinga, 145.000 krónur fyrir
hjón, sem eru samsköttuð, og sama fjárhæð fyrir
einstætt foreldri, sem heldur heimili og framfærir
þar barn sitt, sem ekki er fullra 16 ára í byrjun
gjaldársins. Nemi þessi persónuafsláttur hærri
fjárhæð en reiknaður skattur af skattgjaldstekjum,
skal ríkissj. leggja fram fé, sem getur numið allt
að þessum mun, og skal því ráðstafað fyrir hvern
mann til greiðslu útsvars gjaldársins. Sá hluti per-
sónuafsláttar mannsins, sem enn er óráðstafað,
fellur niður. Á því er vakin athygli í áðurgreindu
bréfi, að lækkun útsvara með sama hætti og tíðk-
azt hefur í mörgum sveitarfélögum samkvæmt
heimild í 27. grein tekjustofnalaganna, myndi í
flestum tilvikum ekki nýtast gjaldendum, t. d.
ekki öllum þorra þeirra, sem hafa ekki aðrar tekj-
ur en almennan elli- eða örorkulífeyri, heldur
aðeins vera í þágu ríkissjóðs, sem þá greiddi lægri
fjárhæð vegna ónotaðs persónuafsláttar en ella.
Bamabætur til greiðslu þinggjalda,
útsvars og aðstöðugjalds
Þá er rétt að vekja athygli sveitarstjórna á öðru
nýmæli, sem upp var tekið í sömu lögum. í stað-
inn fyrir fjölskyldubætur, sem nú eru lagðar nið-
ur, eru nú upp teknar svokallaðar barnabætur.
SVEITARSTJÓRNARMÁL