Sveitarstjórnarmál - 01.06.1975, Blaðsíða 55

TRÁ Q
REYKJA-
HREPPUR
Gjörbreytt viðhorf
Með lagningu Kísilvegarins
milli Húsavíkur og Mývatnssveitar
eftir endlöngum Reykjahreppi
gjörbreyttust viðhorf fólksins í
hreppnum að ýmsu leyti. Áður var
ófært meiri hluta vetrar á marga
bæi, en nú er nýja veginum alltaf
haldið opnum. Öll sveitabýli
hreppsins eru tengd Kísilveginum,
og er hvergi lengra en 1200 metrar
að bæ frá veginum. Fjærsti bær ei
um 20 km frá Húsavík, og hinn
næsti um 5 km leið.
Hitaveita á flestum
bæjum í hreppnum
Með lagningu hitaveitu frá
Hveravöllum í Reykjahreppi til
Húsavíkur á árinu 1970 opnuðust
möguleikar á því að tengja öll býli
í hreppnum við hitaveitulögnina.
Lögnin Iiggur nær samhliða vegin-
um, og innan við 1100 metrar til
allra býla. Þegar sainið var við
Húsavíkurkaupstað um hitaréttind-
in og lagningú veitunnar um jarð-
ir bænda, var jafnframt samið um
það, að hitaveita kaupstaðarins
legði hitaveitu á hvern bæ, í
hreppnum. Þetta skyldi gert fyrir
árslok 1975. Við byrjun þessa árs
voru aðeins þrú býli ótengd. í
hreppnum eru um 20 íbúðarhús
hituð upp með jarðvarma, og þyk-
ir að þessu mikill munur, frá því
sem áður var.
Fjölbreytt atvinnulíf
í Reykjahreppi eru hverir, svo
sem kunnugt er. Mestur hiti er á
Hveravöllum og þar i grennd. Þar
er garðyrkjustöð með ræktun bæði
úti og inni i einum 15 gróðurhús-
um, og stendur til að byggja eitt
til viðbótar næsta sumar. Þótt vatn
hafi verið tekið handa hitaveitu
Húsavíkur á Hveravöllum álíta
jarðfræðingar, að nógur varmi sé
í jörð á staðnum til að hita upp
Akureyri; og er nú verið að kanna
hvort tök séu á að leggja hitalögn
þangað.
Jarðvarminn er einnig notaður
til að hita upp ferskvatn fyrir seiði
í fiskeldisstöð, sem rekin er á
I.axamýri í 700 ferm. húsi. Heita
vatnið hefur einnig verið notað til
að hita upp loft til súgþurrkunar
í heyhlöðum og gefið góða raun.
Heykögglaverksmiðja
í Saltvík
Landnám ríkisins keypti jörðina
Saltvík á árinu 1972 með það fyrir
augum að reka þar heykögglaverk-
smiðju. Síðan hefur verið unnið að
undirbúningi þess verks með því
að brjóta land til ræktunar og girða
ræktunarlandið. Kögglaverksmiðj-
an mun verða rekin með innlendri
orku og á öll þurrkun að fara fram
með jarðhita. Fyrirtæki þetta ætti
að geta orðið mikil lyftistöng fyrir
landbúnaðinn á norðaustanverðu
landinu, því að engin kögglafram-
leiðsla á sér stað í þeim lands-
hluta.
í Saltvík eru talin hin ákjósan-
legustu hafnarskilyrði fyrir stærstu
úthafsskip, og má geta þess, að þar
er talinn æskilegur staður fyrir ál-
ver eða annan slíkan rekstur, þegar
stórfljótin í nágrenninu verða
\ irkjuð.
Aðild að skóla
á Hafralæk
Reykjahreppur stendur að skóla-
rekstri að Hafralæk, og er börnum
hreppsbúa ekið daglega í og úr
skóla. Akstur hefur gengið nokkuð
vel í þá þrjá vetur, síðan skólinn
tók til starfa. Menn eru yfirleitt
ánægðir með akstursformið, en ýms-
ir telja þó, að aksturstíminn, sem
er allt að tvær klukkustundir á
dag, það er klukkustund kvölds og
morguns, fyrir þau börn, sem lengst
eiga, sé of langur fyrir yngstu
börnin.
Austasti hreppur
Suður-Þingeyjarsýslu
Reykjahreppur er austasti hrepp-
ur Suður-Þingeyjarsýslu. Hann var
ásamt Tjörneshreppi hluti af Húsa-
SVEITARSTJÓRNARMÁL
157