Sveitarstjórnarmál - 01.02.1981, Side 16

Elli- og hjúkrunarheimilið í Borgarnesi. Að rekstri þess standa Mýra- og Borgarfjarðarsýsla, allir hreppar Mýrasýslu, nokkrir
hreppar Borgarfjarðarsýslu og Samband borgfirzkra kvenna.
10
þjónustustofnun, sem öldruðum hefur verið ætluð
hér á landi auk langlegudeilda á sjúkrahúsum.
Megin stefnubreyting í þessum málum er sú, að
auka beri þjónustu við aldraða í heimahúsum og
stuðla þannig að sem lengstri veru þeirra þar.
Þau almennu markmið þjónustunnar við aldraða,
sem telja verður eðlilegt að stefna að, eru eftirfar-
andi:
1. að tryggja, að þeir, sem þurfa aðstoðar við eða
þrotnir eru að kröftum, njóti viðunandi aðstoðar
og aðhlynningar.
2. að skapa þeim aðstöðu til vinnu og endurþjálf-
unar, svo þeir geti nýtt krafta sína, meðan þeir
endast, þeim sjálfum og samfélaginu til heilla.
3. að skapa þeim þannig aðstöðu, að sem minnst
röskun verði á högum þeirra og að þeir geti búið
sem lengst í átthögunum.
Gömul kona
í peysufötum.
4. að viðhalda möguleikum þeirra til sjálfstæðis og
óháðs lífernis.
Ekki verður þessum markmiðum náð, nema með
fjölþættri starfsemi, sem miðar að þvi að veita þjón-
ustu jafnt á stofnunum sem í heimahúsum.
I mesta dreifbýli er ekki auðvelt að ná þeim
markmiðum, sem hér'hafa verið nefnd, nema með
verulegum mannafla og miklum tilkostnaði.
Þeir þættir þjónustu við aldraða, sem ég tel að
þurfi að koma upp, svo framangreindum mark-
miðum verði náð, eru eftirtaldir:
1. Langlegudeildir í sjúkrahúsum, sem þjóni
ákveðnum svæðum, t.d. eins og sjúkrahúsin á
Akranesi og í Stykkishólmi, sem þjóna Vestur-
landi.
2. Dvalarheimili i tiltölulega litlum einingum, er
tengist heilsugæzlustöðvum og þjóni hverju
heilsugæzlusvæði.
3. Þjónustuhús í tengslum við dvalarheimili, er
annist heimilishjálp, vinnumiðlun, tómstunda-
störf og dagvistun.
4. íbúðir fyrir aldraða, einstakar eða í sambýli.
íbúðirnar geta verið í tengslum við dvalarheim-
ilin eða t.d. í þeim byggðarkjörnum, sem víða
hafa myndazt í sveitum.
5. Heimilishjálp í sveitum er vafalaust einn mikil-
vægasti þáttur þjónustu við aldraða, ekki sízt
vegna þess, hve aldurshlutfall þar er víða hátt.
Þessi þjónusta gæti verið skipulögð frá heilsu-
gæzlustöðvunum í samvinnu við viðkomandi
sveitarstjórnir og sýslufélög.
SVEITARSTJÖRNARMÁL