Sveitarstjórnarmál - 01.02.1981, Page 37

DAS Hrafnista fremst á myndinni milli Kleppsvegar og Brúnavegar í Reykjavík; Laugarásbíó lengst tll vinstri, en hitt eru
vistálmur. Um 400 manns búa á heimilinu. Handan þess er Norðurbrún 1, íbúðlr fyrir aldraða og félagsmiðstöð aldraðra,
sem Reykjavíkurborg rekur. í baksviði Elliðavogur, Kleppsspítali lengst til vinstri og loks áburðarverksmiðjan í Gufunesi.
sjúkrahúsum aðeins 452 dvalardagar. Á hinn bóginn
voru fjarvistir af fólkinu, sem dvelst á vistheimilinu,
tiltölulega meiri.
Til þess að gefa nokkra hugmynd um það, hvernig
skipting er á milli stétta með hliðsjón af því, að þetta
heimili var á sínum tíma. byggt fyrir aldraða sjó-
menn og sjómannskonur, má geta þess, að í árs-
byrjun 1979 voru 149 karlar, sem höfðu verið starf-
andi sjómenn meginhluta lífsstarfs síns, og 120
sjómannskonur, eða samtals 269. Er hluti sjómanna
stærri á vistdeildinni af augljósum ástæð-
um.
Happdrætti DAS
Auk þess, sem þegar hefur verið getið í sambandi
við fjármögnum bygginga Sjómannadagsins, ber að
geta þeirrar fjáröflunar, sem hefur reynzt hvað
drýgst til þeirra framkvæmda.
Á sjómannadaginn 1954, þegar hornsteinn
Hrafnistu í Reykjavík var lagður, hóf Happdrætti
DAS einnig starfsemi sína, skv. nýsamþykktum lög-
um Alþingis. Það náði strax öruggri fótfestu, þótt í
harðri samkeppni væri við tvö gróin landshapp-
drætti. Var það strax mikils virði fyrir uppbygging-
arstarfsemi Sjómannadagsins. Þótt happdrættisleyfi
hefði verið veitt á sínum tíma, m. a. til að bæta
samtökunum fjárhagsleg skakkaföll, sem þau urðu
fyrir, er þau lánuðu söfnunarfé sitt til uppbyggingar
fiskiskipastólsins um allt land, liðu ekki nema rúm 8
ár, unz það var gleymt. Árið 1963, eða eftir aðeins 9
ára starf, voru þær breytingar gerðar á lögum
happdrættisins, að 40% af tekjum þess var ráðstafað
í byggingarsjóð aldraðra. Af þeim peningum hafa
sjómannasamtökin aldrei fengið krónu að láni né
SVEITARSTJÓRNARMÁL
31