Sveitarstjórnarmál - 01.02.1981, Síða 41

til lækningastarfsemi og rannsókna á ákveðnum
augnsjúkdómi.
Samkvæmt lögum ber að byggja tvær heilsu-
gæslustöðvar fyrir Hafnarfjörð, Garðabæ, Vatns-
leysustrandarhrepp og Bessastaðahrepp. I byggingu
þeirra greiðir rikissjóður 85% kostnaðar og viðkom-
andi sveitarfélög 15%.
Stjórn Hrafnistu hreyfði þeirri hugmynd, að önn-
ur þessara stöðva yrði valinn staður á I. hæð
hjúkrunarheimilisins, bæði vegna þeirrar miklu
hjálpar, sem slík staðsetning yrði við byggingu
nauðsynlegrar aðstöðu fyrir aldraða fólkið (vegna
ríkisframlagsins), og af hagkvæmisástæðum. En á
hjúkrunarheimilinu verður að vera til staðar mest af
þeim búnaði, sem til þarf á heilsugæzlustöð.
Þessi hugmynd á ekki fylgi hjá viðkomandi
sveitarfélögum, og er hún því úr sögunni um sinn.
Engin lög kveða á um skylduframlag til
hjúkrunarheimila fyrir aldraða. Þessi þjónusta fer
fram um nær allt land á spítölunum, sem byggðir
voru samkvæmt lögum, sem þá giltu um 60% fram-
lag ríkis á móti 40% framlagi sveitarfélaga. Þessi
þjónusta er þokkaleg víðast hvar um landið, nema í
nokkrum undantekningartilfellum, og eru það þá
Grund og Hrafnista fyrst og fremst, sem þá hafa
komið til hjálpar.
Forystumenn heilbrigðismála, bæði embættis-
menn og stjórnmálamenn, hafa s. 1. tvö ár hver um
annan þveran lýst því yfir, að neyðarástand ríkti í
þessum málum á höfðuborgarsvæðinu. Jákvæðar
úrlausnir láta hins vegar standa á sér.
Um þriðja áfanga hefur enn ekki verið tekin
ákvörðun. Hægt er að koma þar fyrir hjúkrunar-
heimili af þyngri gerð, og möguleiki væri á að koma
þar upp heimili fyrir aldrað fólk með geðræn
vandamál. En þeir sjúklingar virðast eiga í fá hús að
leita hér á landi, og er þeim komið fyrir á hinum
ólíklegustu stöðum, þeim til niðurlægingar, en öðr-
um landsmönnum til vansæmdar.
MINNISVARÐI UM
DRUKKNAÐA MENN
FRÁ GRINDAVÍK
Á sjómannadaginn 1980 var i Grindavík afhjúpaður
minnisvarði um drukknaða menn frá Grindavik. Aðdrag-
anda að uppsetningu minnisvarðans má rekja allt aftur til
ársins 1952, er Kvenfélag Grindavíkur stofnaði minning-
arsjóð drukknaðra manna frá Grindavík, sem hlotið hefur
tekjur af sölu minningarkorta. Á 25 ára afmæli sjóðsins á
árinu 1977 óskaði félagið eftir samstarfi við bæjarfélagið
og sjómannafélagið um málefnið, og síðan gerðust út-
gerðarmenn aðilar að þvi. Sameiginleg nefnd þessara að-
ila vann síðan að framkvæmd hugmyndarinnar. Margir
hafa lagt henni lið fjárhagslega, en bæjarsjóður kostaði
minnisvarðann að hálfu. Kostnaður er um 20 millj.
gamlar krónur fyrir utan stöpul og frágang umhverfis.
Minnisvarðann gerði Ragnar Kjartansson, mynd-
höggvari. Varðinn nefrtist Von. Höggmyndin sjálf er 3.20
m á hæð, en stendur á stöpli, sem er 2.80 m á hæð. Myndin
sýnir móður, sem horfir út á hafið, og er með tvö börn með
sér, annað á handleggnum. Myndin var steypt i brons i
Englandi.
Minnisvarðinn þykir vel heppnaður og vekur mikla at-
hygli vegfarenda, og ríkir ánægja meðal bæjarbúa með
hann, að sögn Eiriks Alexanderssonar, bæjarstjóra.
Minnisvarðinn Von, eftir Ragnar Kjartansson, um drukkn-
aða menn frá Grindavík.
SVEITARSTJÓRNARMÁL