Sveitarstjórnarmál - 01.02.1981, Side 56

svolítið um verðmæti trjáa eftir að hafa dvalizt svo aðar heitir frágangur lóðar (2,5%). Sá liðurer fólginn
lengi við virðingarleysi fyrir trjám. í 9 atriðum, sem ég leyfi mér að telja hér upp:
Trjágróður vanmetinn til fjár
Ég hef áður rakið lítillega kostnað við að gera
svæði byggileg. Allir sjá, að við slíkar framkvæmdir
eru tré i þéttbýli ekki mikils virði (30—40 ára eða
þaðan af yngri) metin i peningum. Því má skjóta hér
inn í, að víða erlendis, þar sem trjágróður er meiri og
algengari en hjá okkur, eru settar kvaðir, þar sem
byggingaraðilum er gert að greiða sektir, ef þeir
skemma tré eða fella þau, meðan á uppbyggingu
stendur. Þessi leið er þó talin nokkuð vafasöm til
verndunar trjám, þar sem það er oft ódýrara að fella
trén og greiða sektirnar heldur en að gera
kostnaðarsamar ráðstafanir til verndunar trjánum.
Mér hefur stundum dottið i hug að kanna, hvort
tré eða gróður ættu einhvern þátt í opinberu verð-
mætamati, hver sé þáttur gróðurs í byggingarvisi-
tölunni, hjá Fasteignamati ríkisins eða á hinum al-
menna fasteignamarkaði?
Byggingarkostnaður er mikilvægur þáttur i hag-
kerfi okkar. Það þarf því að vera tiltæk sem bezt
vitneskja um hann og samsetningu hans og um þær
breytingar, sem á honum verða. Það er eitt megin-
hlutverk vísitölu byggingarkostnaðar að fullnægja
þessum þörfum. Einn liður vísitölu byggingarkostn-
Einstök tré setja víða sterkan svip á umhverfi sitt, eins og
þetta reynitré við Hverfisgötu í Reykjavík.
1) gröftur 14.3%
2) fylling 16.1%
3) frárennslislagnir 2.2%
4) malbik m. jöfnunarlagi 25.6%
5) kantsteinn og hellulögn 10.8%
6) gróðurmold 12.3%
7) grasþakning 7.8%
8) girðing 7.6%
9) annað, t. d. trjágróður 3.3%
100.0%
Eins og fram kemur af þessari upptalningu, er
hlutur trjágróðurs lítill í því ágæta hagstjórnartæki
byggingarvísitölunni. Til frekari útskýringar skal
þess getið, að viðmiðunargrundvöllurinn í þessu til-
viki er fjölbýlishúsalóð í Breiðholtinu, valin af Hús-
næðismálastofnun ríkisins, og þær teikningar af
fyrirkomulagi lóðar, umhverfinu utandyra, sem
gengið er út frá, eru gerðar af verkfræðingum. Því
má bæta við hér, að ég grermslaðist eftir því hjá þeim
ágæta starfsmanni Hagstofunnar, sem veitti mér
þessar upplýsingar, hvort ekki væri reiknað með
vinnu fagmanna í þeim liðum, er að skrúðgarðyrkju
lúta. Skrúðgarðyrkja er nefnilega löggilt iðngrein, en
hann svaraði því neitandi. Fagþekking á þessu sviði
erekki mikils metin heldur.
Eg leitaði næst til Fasteignamats ríkisins og
spurðist fyrir um það, hvort trjágróður eða frágang-
ur lóða hefði einhver áhrif á verðmyndun hjá þeim
og fékk þau svör, að svo væri yfirleitt ekki. Þeirra
mat væri hreint fjárhagslegt mat, sem byggðist á
nýtingu lóðar og legu hennar; þó gæti hugsanlega
læðzt inn áhrif umhverfis við endurmat.
Á hinum almenna fasteignamarkaði eru sýnileg
áhrif trjágróðurs ekki miki.1, ef marka má sunnu-
dagssíðurnar í Morgunblaðinu frá fasteignasölun-
um. Ég spurðist fyrir um það hjá einum þeirra, hvort
tré eða gróður hefði áhrif á verð fasteigna. Hann
taldi, að gróður hefði ekki mikið að segja; íbúð með
tyrftri lóð væri á svipuðu verði og sambærileg íbúð,
þar sem mikill gróður væri á lóðinni. Kaupendur
létu a. m. k. umhverfið ekki skipta sig miklu máli, og
nefnt var, að mikinn hluta árs væru íbúðir skoðaðar,
SVEITARSTJÓRNARMÁL