Sveitarstjórnarmál - 01.10.1993, Blaðsíða 43

FRÁ LANDSHLUTASAMTOKUNUM
Aðaljundur EYÞINGS á Akureyri 2. september:
„Vitund okkar fyrir því að styrkja
sveitarstjómarstigið er vakin“
Á aðalfundi EYÞINGS, Sambands
sveitarfélaga í Eyjafirði og í Þing-
eyjarsýslum, sem haldinn var á Hótel
KEA á Akureyri 2. september sl., var
kynning á tillögum umdæmanefndar
um sameiningu sveitarfélaga eitt
þriggja meginumræðuefna. Þegar
formaður EYÞINGS. Einar Njálsson,
bæjarstjóri á Húsavík, dró í fundar-
lok saman meginniðurstöður fundar-
ins sagði hann um það efni:
„Við höfum fjallað um sameiningu
sveitarfélaga, tillögu að nýrri skipt-
ingu landshlutans í sveitarfélög. Ég
vil taka undir þær óskir, sem menn
hafa sett hér fram, að umræðan á
næstunni verði jákvæð og málefna-
leg. Ég vil Iíka minna á að jafnvel þó
að árangurinn úr kosningunum verði
neikvæður eða - eins og sagt hefur
verið - jafnvel þó að þessar tillögur
verði kolfelldar, þá er samt ekki á
glæ kastað þeirri vinnu sem hér hefur
verið unnin. Við getum kannski ekki
sagt að ný hugsun sé vakin, en vitund
okkar fyrir því að styrkja sveitar-
stjórnarsdgið er vakin, vitund okkar
fyrir nauðsyn þess að færa verkefni
og tekjuöflun til sveitarfélaganna og
vitund okkar fyrir því að færa valdið
til að verja fjármunum nær fólkinu
sjálfu og draga með samsvarandi
hætti úr miðstýringu ríkisvaldsins.
Við eigum sjálfsagt eftir að ráða það
við okkur hvernig við náum þessu
marki. I mínum huga er það ekki
hvort heldur hvenær."
Formaður umdæmanefndar, Guð-
ný Sverrisdóttir, sveitarstjóri Grýtu-
bakkahrepps, kynnti tillögur og
greinargerð nefndarinnar í ítarlegri
framsöguræðu. Að henni lokinni
urðu miklar umræður um tillögurnar
og voru viðhorf ræðumanna til þeirra
mismunandi.
Eitt stærsta skref sem stigið
hefur verið til eflingar lands-
byggöinni um langa hríð
Annað meginmál fundarins var
kynning á Háskólanum á Akureyri.
Haraldur Bessason, rektor skólans,
kynnti starfsemi og skipulag skólans
og þakkaði dyggilegan stuðning við
skólann frá upphafi. Þorsteinn Sig-
urðsson, deildarstjóri rekstrardeildar,
ræddi síðan um uppbyggingu skólans
og tengsl hans við atvinnulífið.
Jón Þórðarson, deildarstjóri sjáv-
arútvegsdeildar og forstöðumaður
Rannsóknastofnunar Háskólans á
Akureyri, sagði frá einstökum verk-
efnum í þágu atvinnulífsins og flutti
síðan sérstakt erindi um nýsköpun í
sjávarútvegi.
Síðan töluðu Arnheiður Eyþórs-
dóttir frá Rannsóknastofnun fiskiðn-
aðarins, Öivind Kaasa frá Hafrann-
sóknastofnun, Kristján Björn
Garðarsson frá Iðntæknistofnun og
Sigurður Jóhannesson, sem vinnur
að sérstöku verkefni í gæðastjórnun
í samvinnu við Iðnþróunarfélag
Eyjafjarðar. Framsögumenn svöruðu
mörgum fyrirspurnum og fundar-
menn heimsóttu húsakynni skólans.
Um þetta umræðuefni sagði Einar
Njálsson í samantekt sinni um niður-
stöður fundarins:
„Heimsóknin í háskólann var af-
skaplega spennandi, fyrirlestrarnir
fræðandi og athygli mína vakti sá
gífurlegi metnaður sem kom alls
staðar fram hjá bæði kennurum og
nemendum þessa skóla. Ég er sann-
færður um að stofnun Háskólans á
Akureyri er eitt stærsta skref sem
stigið hefur verið til eflingar lands-
byggðinni um langa hríð og ég verð
að viðurkenna það að ég fékk það
hreinlega á tilfinninguna að vaxtar-
broddur akademískrar menntunar á
Islandi væri í Háskólanum á Akur-
eyri.“
Vandi landbúnaðarins ekki
leystur nema af þjóðinni allri
Valtýr Sigurbjarnarson, útibús-
stjóri Byggðastofnunar á Akureyri,
og Ari Teitsson, starfsmaður Búnað-
arsambands Suður-Þingeyinga, voru
málshefjendur um þriðja dagskrár-
mál fundarins, áhrif samdráttar í
landbúnaði á tekjur sveitarfélaga.
Miklar umræður urðu um þetta
mál eins og hin fyrri. Um það sagði
Einar Njálsson:
„Landbúnaðarmálin ræddum við
ítarlega og hlýddum á tvö fróðleg
erindi. Það á sér stað alvarleg þróun
í landbúnaðinum, sem hefur áhrif á
sveitarfélög og íbúa þeirra. Mér
virðist það vandamál vera svo yfir-
gripsmikið að það verði ekki leyst
nema sameiginlega af þjóðinni
allri.“
Vegamál á Norðausturlandi
Að tillögu fulltrúa Sauðanes-,
Þórshafnar- og Svalbarðshreppa
gerði fundurinn svofellda ályktun:
„Aðalfundur EYÞINGS 1993 sam-
þykkir að beina því til stjórnar að
289