Sveitarstjórnarmál - 01.10.1993, Blaðsíða 5

FORUSTUGREIN
Yfirtaka sveitarfélaga á því verkefni að greiða laun til
kennara og skólastjórnenda leiðir enn frekar til þess að
hægt verður að endurskipuleggja yfirstjórn skólamála
og skólahverfi og auka á samvinnu skólanna til hags-
bóta fyrir nemendur. Slík hagræðing þarf ekki að leiða
til þess að kennslustöðum fækki þótt markmiðið sé í
sjálfu sér ekki fjöldi skóla heldur góðir skólar og
markvisst og faglegt skólastarf, sem börnin eiga auðvelt
með að nýta sér, m.a. með tilliti til fjarlægðar frá
heimili til skóla.
Breytt verkaskipting ríkis og sveitarfélaga varðandi
rekstur grunnskólanna er eitt stærsta verkefni er sveit-
arfélögin hafa staðið frammi fyrir í langan tíma. Málið
er vandasamt bæði hvað varðar samninga við ríkið og
stéttarfélög kennara og vegna misjafnra aðstæðna
sveitarfélaganna. Tekjutilfærsla frá ríki til sveitarfélaga
er forsenda þess að verkefnatilfærslan geti átt sér stað.
Ríkisstjórnin hefur nú lýst því yfir að tekjur verði fluttar
frá ríki til sveitarfélaga þannig að þau geti tryggilega
staðið undir kostnaði vegna nýrra verkefna. Jafnframt
er fyrirsjáanlegt að koma verður til víðtækra jöfnunar-
aðgerða til að tryggja skólastarf í fámennari sveitarfé-
lögum.
Sveitarstjórnarmönnum og foreldrum ásamt kennur-
um er best treystandi til þess að standa vörð um hag
barna varðandi skólastarf. Samband íslenskra sveitar-
félaga væntir þess að við þá vinnu, sem framundan er
við undirbúning þess að sveitarfélögin yfirtaki allan
rekstur grunnskólanna, geti þau átt góða samvinnu við
kennara, skólastjórnendur og foreldra.
Þórður Skúlason
ÞJÓÐHAGSSTOFNUN
vekur athygli á ritum síniun um sveitarstjómarmál og almenn efhahagsmál
Sveitarstj órnarmál
Þjóðhagsstofnun hefur nýlega gefið út ritið
Búskapur hins opinbera 1980-1991
í ritinu er meðal annars að finna yfirlit um tekjur, útgjöld og afkomu hins opinbera. Birt eru
sundurliðuð yfirlit fyrir ríkissjóð og sveitarfélögin í heild. Fjallað er um umfang hins opinbera í
þjóðarbúskapnum og í því skyni stuðst við mismunandi mælikvarða. Gerð er grein fyrir skuldum
og lánastarfsemi hins opinbera og sýndur samanburður á umsvifum hins opinbera á íslandi og í
öðrum aðildarríkjum OECD.
Ritið er gagnlegt fyrir alla sveitarstjórnarmenn, verðandi sveitarstjórnarmenn og áhugafólk um
sveitarstjórnarmál.
Almenn efnahagsmál
Á hverju vori gefur stofnunin út 50-60 síðna rit, Þjóöarbúskapinn, þar sem lýst er framvindu
efnahagsmála á liðnu ári og horfum á líðandi ári.
Sögulegt yfirlit hagtalna kemur út á nokkurra ára fresti þar sem hagþróuninni undanfarna ára-
tugi er lýst í tölum. Síðasta rit kom út í júní 1993. Efni ritsins er einnig fáanlegt á disklingi.
Annáll efnahagsmála lýsir í tímaröð helstu aðgerðum stjórnvalda og atburðum á sviði efna-
hagsmála. Þetta rit kom út í janúar 1993 og nær yfir tímabilið 1988-1992.
Þá gefur stofnunin út stutta Frétt 5 til 10 sinnum á ári um þaö sem efst er á baugi hverju sinni
og Hagvísa mánaðarlega.
Auk þess gefur stofnunin út ýmsar atvinnuvega- og þjóðhagsreikningaskýrslur.
Ritin eru til sölu hjá Þjóðhagsstofnun og í afgreiðslu Seðlabankans og er verð þeirra á bilinu 500
til 700 kr. hvert rit. Einnig stendur til boöa föst áskrift að öllum útgáfunum eða hluta þeirra.
ÞJOÐHAGSSTOFNUN
Kalkofnsvegi I 150 REYKJAVÍK Sími: 91-699500 Fax: 91-626540