Sveitarstjórnarmál - 01.06.2001, Blaðsíða 61

Fulltrúaráðsfundir
þá óvissu sem ríkti um fjárhagshlið málsins. Hann
gerði grein fyrir efni þeirrar tillögu sem lögð hafði
verið fyrir fundinn sem gerði ráð fyrir að frum-
varpið til nýrra félagsþjónustulaga yrði afgreitt frá
Alþingi á haustþingi 2001 með gildistöku 1. janúar
2003. Samtímis yrði lögum um tekjustofna sveitar-
félaga breytt og gerður samningur milli ríkis og
sveitarfélaga með ákvæðum um árlega endurskoð-
un gjalda og tekna.
Niðurstaða Karls var sú að með réttum undirbún-
ingi og með faglegri framkvæmd muni sveitarfé-
lögin standa undir þeirri ábyrgð sem þeim yrði fal-
in með flutningi málefna fatlaðra frá ríki til sveit-
arfélaga. Við flutninginn muni sveitarstjórnarstigið
eflast. Sterk sveitarfélög séu besta byggðastefnan,
sagði Karl að lokum.
í umræðum sem á eftir fóru taldi Páll Pétursson
félagsmálaráðherra nauðsynlegt að afgreiða félags-
þjónustufrumvarpið á vorþinginu svo unnt yrði að
kostnaðarmeta málaflokkinn á komandi haustþingi
á grundvelli laga sem þá hefðu öðlast gildi. Meðal
þeirra sem tóku þátt í umræðunum voru Ingibjörg
Sólrún Gísladóttir borgarstjóri, sem hvatti til þess
að samtímis yfirfærslunni færi fram gagnger um-
ræða um samskipti ríkis og sveitarfélaga, Helga
Þorbergsdóttir, sem benti á vissa skörun á málefn-
um fatlaðra og heilbrigðisþjónustunnar, Soffia Lár-
usdóttir, bæjarfulltrúi í Austur-Héraði, sem taldi
tímabært að ljúka málinu sem fyrst, og Valgarður
Hilmarsson, sem lagði áherslu á að sveitarfélögin
yrðu stækkuð svo þeim sé kleift að takast á við
fleiri verkefni. Inga Sigurðardóttir, bæjarfulltrúi á
Akranesi, taldi tímana breytta varðandi þjónustu
við fatlaða, Jóhannes Sigfusson, oddviti Svalbarðs-
hrepps, tók í sama streng og Bjarni Þór Einarsson,
framkvæmdastjóri SSNV, skýrði frá reynslunni í
Norðurlandskjördæmi vestra af málefnum fatlaðra
sem hafa verið á höndum sveitarfélaganna þar
samkvæmt sérstökum samningi við félagsmála-
ráðuneytið.
Störf byggðanefndar
Annað meginmál fulltrúaráðsfundarins var að
kynna störf byggðanefndar sambandsins. Haraldur
L. Haraldsson, ráðgjafi hjá Nýsi hf., sem var
starfsmaður nefndarinnar, flutti erindi þar sem
hann gerði grein fyrir byggðarþróun síðustu ára.
„Þingsályktun Alþingis 1999 um byggðamál nær
ekki til þess mikla vanda sem uppi hefur verið á
landsbyggðinni hin síðari ár,“ sagði Haraldur. Þrátt
Sigurgeir Sigurðsson skýrði Haraldur L. Haraldsson gerði
frá starfi byggðanefndar grein fyrir byggðarþróun.
fyrir að ályktuninni hafi að mestu verið hrint í
framkvæmd og mikilvægar framkvæmdir sem
stuðla að styrkingu byggða, s.s. vegaframkvæmdir,
séu að baki hafi það ekki haft merkjanleg áhrif á
þróun byggðarinnar í landinu.
Formaður byggðanefndarinnar, Sigurgeir Sig-
urðsson, bæjarstjóri á Seltjarnarnesi, gerði grein
fyrir störfum nefndarinnar og kvað hana ekki þá
vera reiðubúna til að leggja fram drög að ályktun
um byggðamál. Hann kynnti þó þær hugmyndir
sem uppi hefðu verið í nefndinni, s.s. um að leggja
til að stuðlað yrði að uppbyggingu 2-3 kjarna eða
byggðasvæða utan höfuðborgarsvæðisins, um að
sveitarfélögin yrðu stækkuð og þeim fækkað niður
40-50 í fyrsta skrefi, og stækka þarf skólana, sagði
Sigurgeir. Tillaga nefndarinnar hefur síðan verið
kynnt og er birt annars staðar í þessu tölublaði.
Um tillöguna urðu allmiklar umræður. M.a. tók
til máls Jóna Valgerður Kristjánsdóttir, sveitarstjóri
Reykhólahrepps, og taldi það eitt og sér stórt skref
að í nefndina skyldu hafa verið skipaðir fulltrúar af
höfuðborgarsvæðinu og landsbyggðinni. Hún vakti
athygli á að stjórnsýslan í landinu væri flókin,
sveitarfélög skarist í umdæmum heilsugæslu,
skattstjóra, sýslumanna o.s.frv. Lagði til að fyrir
utan stærri b- og c-kjarna kæmu jafnvel minni
d-kjarnar. Þá taldi hún að tillögur um stækkun
grunnskóla geti orðið að ásteytingarsteini í samein-
ingu sveitarfélaga.
Kjartan Magnússon, borgarfulltrúi í Reykjavík,
spurði hversu mikil áhrif sveitarstjórnarmenn ættu
að hafa á búsetu fólks og kvaðst draga í efa að op-
inberar aðgerðir hefðu þau áhrif sem af væri látið.
Kvaðst hann telja vænlegra að draga úr opinberum