Sveitarstjórnarmál - 01.06.2001, Síða 77

Frá landshlutasamtökunum
Ávörp gesta
Valgerður Sverrisdóttir, iðnaðar- og viðskipta-
ráðherra, ávarpaði fundinn og gat þess að þrátt fyr-
ir að ástand þjóðarbúsins væri almennt gott þá væri
afkoma sveitarfélaga verri en áður. Þá ræddi hún
nokkur lög og reglugerðir sem væru til endurskoð-
unar og vörðuðu sveitarfélögin sérstaklega. Loks
ræddi hún stöðu mála varðandi flutning ríkisstofn-
ana út á land.
Þórður Skúlason, framkvæmdastjóri Sambands
íslenskra sveitarfélaga, flutti kveðjur sambandsins
og starfsfólks þess. Gott samstarf væri milli sam-
bandsins og landshlutasamtakanna, sem nú stæðu
á tímamótum vegna nýrrar skipunar kjördæma og
sameiningar sveitarfélaga. Þá ræddi hann íjármál
sveitarfélaga og skuldasöfnun á undanförnum
árum, sem orsakast að stórum hluta af auknum
lögbundnum verkefnum og kröfum án þess að
tekjur komi á móti.
Þorvaldur Jóhannsson, framkvæmdastjóri SSA,
flutti kveðjur að austan og skýrði frá þeim málum
sem eru efst á baugi hjá SSA. Einnig lýsti hann
ánægju með samstarfið við Eyþing og vilja til að
auka það.
Steingrímur J. Sigfússon alþingismaður taldi
róður þungan í byggðamálum vegna afbrigðilegs
ástands á SV-horni landsins. Taldi að jafnt þurfi að
gæta þess að störf séu ekki lögð niður á lands-
byggðinni eins og að vinna að flutningi verkefna
og starfa þangað. Þá ræddi hann nauðsyn þess að
setja niður formlegar samskiptareglur ríkis og
sveitarfélaga.
Tómas Ingi Olrich alþingismaður flutti fundinum
kveðjur frá Halldóri Blöndal, fyrsta þingmanni
kjördæmisins. Tómas drap á ýmis mál, s.s. upplýs-
ingaskipti milli hinna ýmsu aðila þjóðfélagsins. Þá
ræddi hann atvinnulíf á landsbyggðinni sem hann
taldi ekki veikt og ræddi einnig nauðsyn þess að
jafna kostnað við gagnaflutning til að skapa betri
grunn fyrir Ijarvinnsluverkefni. Loks ræddi hann
viðbrögð við breyttu ferðamunstri erlendra ferða-
manna sem kemur fram í styttri ferðum og því að
aukning í fjölda ferðamanna hefur ekki skilað sér
út á land.
Skýrsla stjórnar
Kristján Þór Júlíusson, formaður stjórnar
Eyþings, flutti skýrslu stjórnar og fór yfir verkefni
samtakanna á síðasta starfsári. Meðal annars gerði
hann grein íyrir ýmsum nefndum og starfshópum
Frá aðalfundinum. Magnús Már Þorvaldsson, sveitarstjóri á
Þórshöfn, gerir grein fyrir áliti samgöngunefndar. Við borðið
sitja Helga Erlingsdóttir, oddviti Ljósavatnshrepps, Kristján Þór
Júlíusson, formaður Eyþings, Jón Óskarsson, oddviti
Hálshrepps, og Helgi Þorsteinsson, ráðinn fundarritari.
sem Eyþing skipar fulltrúa í. Hann gerði sérstaka
grein fyrir niðurstöðu starfshóps um stofnun
Vatnajökulsþjóðgarðs, en framkvæmdastjóri sam-
takanna átti sæti í starfshópnum. í þeirri vinnu var
náið samráð haft við sveitarstjórnir Bárðdæla- og
Skútustaðahrepps sem eiga lögsögu að jöklinum.
Formaðurinn gat þess að endanlegu uppgjöri
vegna lokunar skólaþjónustu Eyþings væri lokið að
þvi frátöldu að eftir stæði skuld sveitarfélaganna í
formi lífeyrisskuldbindinga vegna íyrrum starfs-
manna hennar. Sveitarfélögin þurfi að taka afstöðu
til þess hvort gera eigi skuldbindinguna upp eða
láta standa áfram.
Gerð var sérstaklega grein fyrir nokkrum álykt-
unum stjórnarinnar um málefni sem varða hags-
muni landshlutans og stjórnin hefúr látið sig sér-
staklega varða. Má þar nefna ályktun um sjúkra-
flug, ályktun urn flutning verkefna ríkisins út á
land, bókun varðandi jarðgangaáætlun Vegagerðar-
innar og loks um málefni Kísiliðjunnar við Mý-
vatn.
Að lokum má geta umQöllunar um samstarf Ey-
þings og SSA en á aðalfúndum beggja samtakanna
árið 1999 var samþykkt samstarfsáætlun fyrir sam-
tökin og eftir henni hefúr verið unnið. Samstarfið
tekur mið af væntanlegum breytingum á kjör-
dæmaskipan. Samráðsnefnd samtakanna hefúr far-
ið yfir sameiginleg hagsmuna- og baráttumál og
telja menn samstarf samtakanna vera á réttri braut.
Skýrsla heilbrigðisnefndar Norðurlands eystra
Ólafur Hergill Oddsson, héraðslæknir og for-
maður heilbrigðisnefndar, gerði grein fyrir starfi
nefndarinnar og starfsemi heilbrigðiseftirlitsins.