Morgunblaðið - 30.05.2012, Page 18

18 FRÉTTIRErlent
MORGUNBLAÐIÐ MIÐVIKUDAGUR 30. MAÍ 2012
Kristján Jónsson
kjon@mbl.is
Harður jarðskjálfti, 5,8 stig, varð á
norðaustanverðri Ítalíu um klukkan
níu í gærmorgun að staðartíma og
var talið að 15 manns hefðu látið lífið
auk þess sem mikið tjón varð á hús-
um. Öflugur eftirskjálfti varð síðan
rétt fyrir hádegið. Níu dögum fyrr
varð annar skjálfti upp á sex stig á
svæðinu og fórust þá sex manns og
margar sögufrægar byggingar
hrundu eða skemmdust mikið. Hafa
um sjö þúsund manns, sem flúðu
heimili sín, síðan hafst við í tjöldum.
Miklar truflanir urðu sums
staðar á samgöngum, lestarferðum
var víða aflýst, símkerfi hrundu
vegna álags. „Allt hrundi, þetta er
ringulreið, hús um alla borgina eru
hrunin,“ sagði slökkviliðsmaður í
borginni Cavezzo í samtali við blaðið
Corriere della Sera. Upptök jarð-
hræringanna voru á 9,6 kílómetra
dýpi í 60 km fjarlægð frá borginni
Parma.
Frægar kapellur, kirkjur og
fleiri byggingar sem skemmdust í
skjálftanum fyrir rúmri viku hrundu
til grunna í gær. Styttur hrundu í
Feyneyjum og slasaðist vegfarandi
lítillega, skrifstofur í Písa, heima-
borg Skakka turnsins, voru rýmdar.
Voru nýkomin heim
Óttaslegið fólk á skjálftasvæð-
inu flúði yfir í almenningsgarða og
skólavelli þar sem tjöldin voru sett
upp á sínum tíma eftir fyrri hamfar-
irnar. Íbúi í Sant’ Agostino sagði að
fjölskyldan hefði einmitt verið flutt
aftur heim og verið búin að sofa þar í
eina nótt þegar seinni skjálftinn
skók héraðið í gærmorgun.
Þrír hinna látnu dóu í San Fe-
lice sul Panaro þegar verksmiðja
hrundi, tveir í Mirandola. Prestur
fannst látinn í Rovereto di Novi, ekki
var vitað hvort hann hafði dáið af
meiðslum eða fengið hjartaáfall.
Minnst 15 létu lífið
 Fjöldi sögufrægra bygginga hrundi í skjálftanum á Ítalíu
og óttaslegnir íbúar í norðausturhlutanum flýðu heimili sín
Jarðskjálftaland
» Jarðskjálftar eru tíðir á
Ítalíu og valda oft manntjóni
enda landið þéttbýlt.
» Árið 2009 varð jarð-
skjálfti upp á 6,3 stig nær 300
manns að bana í L’Aquila,
austan við Róm. Tugþúsundir
manna misstu þá heimili sín.
AFP
Hruninn Leifar af turni sem hrundi í gær í San Felice sul Panaro en hann skemmdist áður í skjálftanum 20. maí.
Oft er fullyrt að
þeir sem efist um
kenningarnar um
hlýnun af manna-
völdum séu fáfróð-
ari en annað fólk
um náttúruvísindi
og jafnvel á móti
vísindum. Fram
kemur í frétt
Fox-sjónvarpsstöðvarinnar banda-
rísku að málið hafi nýlega verið rann-
sakað að tilstuðlan Vísindastofnunar
Bandaríkjanna, NSF.
Dan Kahan, prófessor við Yale-
háskóla, stýrði könnun þar sem 1540
manns, valdir af handahófi, voru látn-
ir svara 22 spurningum. Var meðal
annars spurt hvort væri stærra, elek-
tróna eða atóm, hvort leysigeisli beisl-
aði hljóðbylgjur, hvort það tæki jörð-
ina eitt ár, einn mánuð eða einn
sólarhring að fara umhverfis sólu.
Niðurstaðan var nánast jafntefli,
þeir sem efuðust um hlýnun svöruðu
57% spurninga rétt, hinir sem höfðu
meiri áhyggjur af hlýnun, 56%.
„Því betur að sér um náttúruvísindi
sem fólkið var þeim mun minni voru
áhyggjurnar af hlýnun lofthjúpsins,“
segir í skýrslu um rannsóknina.
Kahan leggur áherslu á að niður-
stöðurnar segir ekkert um það hvort
kenningin um hlýnun sé rétt eða
röng. Athyglisvert sé að almenn af-
staða aðspurðra til lífsins, hvort þeir
væru einstaklingshyggjumenn eða
talsmenn jafnaðarmennsku, virtist
hafa mikil áhrif á það hvað þeim fynd-
ist um málið. Með öðrum orðum: póli-
tískar skoðanir hafa meiri áhrif á af-
stöðu margra til kenninga um hlýnun
en þekking þeirra á vísindum.
kjon@mbl.is
Pólitísk vísindi?
 Fáfræði um vísindi ekki ástæða
efasemda um hlýnun lofthjúpsins
Umdeildar kenningar
» Loftslagsvísindamenn sem
taka undir kenningar um að
mengun af mannavöldum valdi
hlýnandi loftslagi eru mun
fleiri en þeir sem efast. Margir
eru þó óákveðnir.
» Nefnd á vegum Sameinuðu
þjóðanna, ICCP, hefur með
nokkurra ára bili gefið út
skýrslur um loftslag.
» Hún hefur oft verið sökuð
um að fullyrða meira en efni
standa til um orsakir hlýnunar
og láta pólitísk sjónarmið ráða
gerðum sínum.
BÍLARAF
BÍLAVERKSTÆÐI
Bílaraf
www.bilaraf.is
Strandgötu 75 • 220 Hafnarfjörður • Sími 564 0400 • bilaraf.is
Allar almennar
bílaviðgerðir
Tímapantanir í síma 564 0400
Gott verð, góð þjónusta!
Startarar og alternatorar
í miklu úrvali
MJÓLKURÍS
GAMLI ÍSINN
Skalli • Ögurhvarfi 2 • 203 Kópavogi • Sími 567 1770 • Opið alla daga kl. 10 - 23