Morgunblaðið - 30.05.2012, Side 19

FRÉTTIR 19Erlent
MORGUNBLAÐIÐ MIÐVIKUDAGUR 30. MAÍ 2012
Kristján Jónsson
kjon@mbl.is
Mikil harka hefur færst í barátt-
una um forsetastólinn í Egypta-
landi. Aðfaranótt þriðjudags var
kveikt í kosningaskrifstofu for-
setaframbjóðandans Ahmed Shafik
og krafist hefur verið endurtaln-
ingar en fyrri umferð kosninganna
fór fram 23.-24. maí. Á mánudag
staðfesti kjörstjórn að Mohammed
Mursi, forsetaefni íslamista-
samtakanna Bræðralags múslíma,
hefði fengið 24,3% atkvæða en
Shafik 23,3%.
Þessir tveir urðu því efstir og
munu keppa í seinni umferðinni
16.-17. júní. Þriðji varð vinstrisinn-
inn Hamdeen Sabbahi, með
20,71% og kom árangur hans á
óvart. Kjörsókn var um 46%. Er-
lendir eftirlitsmenn segja að kosn-
ingarnar hafi farið að mestu vel og
lýðræðislega fram.
Vonbrigði
Niðurstöður kosninganna voru
áköfum byltingarmönnum sár von-
brigði. Þeir geta nú valið annars
vegar mann sem var náinn sam-
verkamaður Hosni Mubaraks, ein-
ráðs forseta sem var steypt í fyrra
og hins vegar íslamista sem marg-
ir óttast að muni reyna að afnema
í nafni íslams helstu mannréttindi.
Krefjast endurtalningar
í forsetakosningunum
Ólöglegur?
» Hinn 11. júní mun stjórn-
lagadómstóll úrskurða hvort
lög sem banna fyrrverandi
liðsmönnum Mubaraks að
bjóða sig fram standist. Geri
þau það er óvíst um framtíð
Shafiks.
» Talið er að þeir sem kveiktu
í skrifstofu Shafiks hafi að-
allega verið stuðningsmenn
Sabbahis sem var framarlega í
flokki byltingarmanna í fyrra.
AFP
Kátir Stuðningsmenn Shafiks fagna í bækistöð hans eftir að skýrt var opinberlega frá úrslitunum á mánudag.
 Kveikt í skrifstofu forsetaefnisins Shafiks í Kaíró í gær
Kristján Jónsson
kjon@mbl.is
Kofi Annan, friðarerindreki Araba-
bandalagsins og Sameinuðu þjóð-
anna, tjáði ráðamönnum í Sýrlandi í
gær þungar áhyggjur alþjóðasam-
félagsins af ofbeldinu í landinu.
Ódæðin í borginni Houla, skammt frá
Homs í Sýrlandi, á föstudag hafa vak-
ið viðbjóð um allan heim en þar féllu
108 óbreyttir borgarar, þar af 49
börn. Bandaríkin og önnur öflug ríki
Vesturlanda gáfu í gær æðstu sendi-
fulltrúum Sýrlands þriggja daga frest
til að hafa sig úr landi.
Vesturveldin hafa fram til þessa
vísað á bug hugmyndum um hernað-
aríhlutun í Sýrlandi eins og reyndin
varð í Líbýu. Bent er á að um sé að
ræða miklu fjölmennara ríki og þar
séu margar fylkingar af trúarlegum
og þjóðernislegum toga sem gætu
farið að berjast innbyrðis. Óljóst sé
hvað erlendur her fengi þá miklu
áorkað. Rússar munu einnig beita sér
af hörku gegn inngripi, en þeir eiga
hagsmuna að gæta í Sýrlandi.
Fulltrúar SÞ segja að af hinum
föllnu í Houla hafi um 20 fallið í árás
hersins með skriðdrekum og fall-
byssum enda þótt sýrlenskir ráða-
menn harðneiti því. Segja ráðamenn í
Damaskus að íslamskir hryðjuverka-
menn hafi staðið fyrir morðunum.
Íbúar í Houla hafa margir flúið
borgina, skelfingu lostnir. Þeir segja
að vígamenn úr shabbiha, samtökum
stuðningsmanna Bashars al-Assads
forseta og stjórnarflokks hans hafi
myrt flesta sem féllu. Þeir hafi ráðist
inn á mörg heimili og skotið alla til
bana, einnig lítil börn.
Sendimenn
Assads reknir
 Vesturveldin bregðast við ódæðum
Kofi Annan Bashar al-Assad
Íhlutun hugsanleg
» Guardian í Bretlandi segir
að á mánudag hafi Martin
Dempsey, forseti bandaríska
herráðsins, í sjónvarpsviðtali
varað Assad við.
» „Það er alltaf fyrir hendi sá
möguleiki að beita hernaði,“
sagði Dempsey.
Rauðagerði 25  108 Reykjavík  Sími 440 1800  kaelitaekni.is
Okkar þekking nýtist þéri i
Eigum til á lager gott úrval loftkælitækja.
Leigjum einnig tæki til lengri eða skemmri tíma.
Er heitt og þungt
loft á þínum
vinnustað eða í
tölvurýminu?
Loftkæling er þá svarið
Verð frá
kr. 187.932 m.vsk.