Morgunblaðið - 30.05.2012, Qupperneq 36

36 DÆGRADVÖL
MORGUNBLAÐIÐ MIÐVIKUDAGUR 30. MAÍ 2012
Stjörnuspá
21. mars - 19. apríl 
Hrútur Þegar þú veist hvað þú átt að gera
er ekki um annað að velja en að framkvæma
strax. Njóttu þess að tala við aðra, jafnvel þá
sem þú hittir úti á götu.
20. apríl - 20. maí 
Naut Ef samband á að haldast þurfa báðir
aðilar að leggja sig fram um að hlúa að því.
Hálfnað er verk, þá hafið er. Sambönd við
maka og aðra koma þér að gagni núna.
21. maí - 20. júní 
Tvíburar Það væri upplagt að fara út að
borða í hádeginu ásamt félögunum og ræða
málin. Ekki skuldbinda þig til neins.
21. júní - 22. júlí 
Krabbi Til þess að sambönd þín gangi upp
þarft þú að sýna jafn mikla fórnfýsi og aðrir
sýna þér. Njóttu tilbreytingarinnar sem fríið
skapar og komdu svo endurnærður heim og
til starfa á ný.
23. júlí - 22. ágúst 
Ljón Gættu þess að eigingirnin nái ekki um
of tökum á þér því það eru fleiri en þú sem
eiga hrósið skilið. Ef ástvinir eru hjá þér er
allt í þessu fína að þínu mati.
23. ágúst - 22. sept. 
Meyja Þú hefur lagt hart að þér að und-
anförnu og átt því skilið að eiga rólegan dag
og gera aðeins það sem þig langar til.
Undravert hvað lítil atvik reynast afdrifarík.
23. sept. - 22. okt. 
Vog Þar sem þú átt erfitt með að slappa af í
dag skalt þú ekki reyna það. Ekki halda
áfram að gera og segja hluti endurtekið ein-
ungis vegna venjunnar.
23. okt. - 21. nóv.
Sporðdreki Þetta er góður dagur til að
breyta og bæta í vinnunni. Með réttu hug-
arfari getur þú snúið málunum þér í hag.
Farðu nú í klippingu.
22. nóv. - 21. des.

Bogmaður Vinnuaðferðir þínar mæta nú
skilningi manna og þú getur reiknað með því
að árangurinn láti ekki á sér standa. Láttu
ekkert trufla þig á meðan þú ferð í hár-
greiðslu.
22. des. - 19. janúar 
Steingeit Farðu varlega í öllum viðskiptum
og þá sérstaklega fasteignaviðskiptum. Forð-
astu það eftir fremsta megni að reita aðra til
reiði.
20. jan. - 18. febr. 
Vatnsberi Samræður fara fram um hátt-
setta vini. Hikaðu ekki því þú hefur allt sem
til þarf í verkefnið þitt. Vinnan er góð en þú
átt líka að gefa þér tíma til að eiga áhuga-
mál.
19. feb. - 20. mars

Fiskar Vertu á varðbergi gagnvart orkusug-
um og hleyptu þeim ekki nálægt þér. Þú
slærð í gegn ef þú ferð í karókí.
Hagyrðingar nærast hver á öðr-um og nota hvert tækifæri
sem gefst til að mynda samfélög.
Eitt slíkt ber yfirskriftina Boðn-
armjöður og er á fésbókinni. Són og
Boðn eru sem kunnugt er þau ker
sem skáldskaparmjöðurinn er
geymdur í.
Eins og segir í Skáldskapar-
málum Snorra-Eddu mótuðu guð-
irnir Kvasi úr hráka sínum og svo
vitran „að enginn spyr hann þeirra
hluta er eigi kann hann úrlausn“.
Hann kunni þó ekki að varast vél-
ráð Fjalars og Galars, „sem kölluðu
hann á einmæli og drápu hann, létu
renna blóð hans í tvö ker og einn
ketil, og heitir sá Óðrerir en kerin
heita Són og Boðn. Þeir blendu
hunangi við blóðið og varð þar af
mjöður sá er hver af drekkur verð-
ur skáld eða fræðimaður.“
Boðnarmjöður er því sjálfur
skáldskapurinn eins og Kvasis
dreyri, dverga skip, dverga mjöður,
jötna mjöður, Suttunga mjöður, Óð-
ins mjöður, ása mjöður og föður-
gjöld jötna. Og áfram er talið í
Skáldskaparmálum: „Lögur óðreris
og Boðnar og Sónar og fyllur, lögur
Hnitbjarga, fengur og fundur og
farmur og gjöf Óðins.“
Pétur Stefánsson bergdi á Boðn-
armiði í gær og sótti innblástur í
einsemdina: „Konan fór í sveitina
að kíkja í sauðburðinn, og ég er
einn heima. Ósköp á ég bágt.
Dapur söngla ég sorgarstefin,
sé ég hvergi gleðivott …
Nú er ég 1 og yfirgefinn,
eiginkonan fór á brott.
Hver á að skúra og þvo minn þvott?“
Kristján Runólfsson leggur orð í
belg:
Yljar vanga blíður blær,
blómin anga á velli.
Saman stanga stökur tvær,
stuðla fanga í hvelli.
Orðin falla rétt í rím,
rembist kall við stökur,
er ég snjall að yrkja flím,
eftir svall og vökur.
Þegar Þóra Gylfadóttir sagðist
ekki yrkja vísur, þá greip Skúli
Pálsson það á lofti:
Ekki segist yrkja Þóra,
aðra hefur kosti stóra,
eitursnjöll í orði og gjörðum,
ágætust af bókavörðum.
Loks Einar Baldvin Pálsson:
Létt er oss á dýrðardegi,
dæmalaus var ógnin slík.
Við Júróvisjón unnum eigi
og ekkert gýs í Krýsuvík.
Pétur Blöndal pebl@mbl.is
Vísnahorn
Af Boðnarmiði, einsemd,
bókaverði og gosleysi
G
æ
sa
m
a
m
m
a
o
g
G
rí
m
u
r
G
re
tt
ir
S
m
á
fó
lk
H
ró
lf
u
r
h
ræ
ð
ile
g
i
F
er
d
in
a
n
d
MÝS ERU
GJÖRSAMLEGA
GAGNSLAUSAR!
*HVÍSL*
*HVÍSL*
*HVÍSL*
BRJÁNN BORÐAÐI EINU
SINNI 5000 OSTBITA Í EINU
ÉG
HEF ALDREI Á
ÆVINNI VERIÐ
SVONA STRESS-
AÐUR
Í KVÖLD ÆTLA ÉG AÐ
BIÐJA SÆTU STELPUNA
AÐ GIFTAST MÉR
VIÐ GETUM SKAUTAÐ
SAMAN Í GEGNUM LÍFIÐ
ÓSKAÐU MÉR GÓÐS
GENGIS!
HRÓLFUR,
HVERNIG VAR Í
VINNUNNI Í
DAG?
BARA EINS OG
VENJULEGA...
...SATT BEST AÐ SEGJA EF EINHVER BYÐI MÉR EFTIRLAUN
ÞÁ HELD ÉG AÐ ÉG MYNDI BARA SETJAST Í HELGAN STEIN
VILT ÞÚ
HITTA JÓLA-
SVEININN
HEFURÐU TEKIÐ EFTIR ÞVÍ AÐ
FLEST ÞESSARA LEIKFANGA ERU
FRAMLEIDD Í KÍNA?
ÆTLI
JÓLASVEINNINN
VITI AF ÞESSU?
HERRA
JÓLASVEINN,
VISSIR ÞÚ AÐ
FLEST ÖLL ÞESSARA
LEIKFANGA ERU
FRAMLEIDD Í...
AFSAKIÐ
ÞETTA VAR
HEIMSKULEG
SPURNING...
Víkverja rak í rogastans þegarhann sá að Sókrates hafði sloppið
naumlega þegar réttað var yfir hon-
um í Aþenu fyrir guðleysi, undirróður
og að spilla grískum æskulýð, en sá
svo að um var að ræða endurupptöku
málsins tæpum 2400 árum eftir að
heimspekingurinn var dæmdur til
dauða og látinn drekka eitur. Árið
399 fyrir Krist bar Sókrates vitni,
móðgaði dómarana kinnroðalaust og
óskaði þess að fá makleg málagjöld.
Kviðdómur mörg hundruð Aþeninga
dæmdi hann sekan.
x x x
Að þessu sinni kváðu tíu dómararupp dóm. Fimm vildu sakfella og
fimm sýkna og taldist hann því ekki
sekur í samræmi við lög í Aþenu til
forna. Aðferð Sókratesar fólst í að
spyrja í sífellu spurninga og efast um
viðteknar hugmyndir, hvort sem þær
snerust um stjórnmál, trúarbrögð
eða siðferði. Platón og aðrir læri-
sveinar hans héldu aðferð hans á lofti,
en Sókrates aflaði sér einnig óvina
með ágengum spurningum sínum.
Aðstandendur réttarhaldanna sögðu
við hæfi að þau færu fram nú, á ólgu-
tímum í Grikklandi.
x x x
Sókrates kemur hingað og þykistauðmjúkur, en sýnir hroka,“
sagði Loretta Preska, dómari frá
New York, sem fór fyrir dómnum
fyrir helgi og úrskurðaði hann sekan.
„Hann er hættulegur undirróðurs-
maður.“
x x x
Franski lögmaðurinn Patrick Simonvarði Sókrates. „Skoðun er ekki
glæpur. Sókrates leitaði sannleik-
ans,“ sagði hann. „Skjólstæðingur
minn hefur einn galla: hann hefur
gaman af að gera grín og er mjög
kaldhæðinn. Með því að sýkna hann
munuð þið sýna hversu traust og
áreiðanlegt lýðræðið er.“
x x x
Víkverji áttar sig á að útkoma rétt-arhaldanna í Aþenu fyrir helgi
breytir litlu fyrir Sókrates, en honum
finnst þó hughreysting í því að hann
hefði ekki hlotið sömu örlög á okkar
tímum. Heldur fannst honum þó
mjótt á munum. víkverji@mbl.is
Víkverji
Orð dagsins: Biðjið og yður mun gef-
ast, leitið og þér munuð finna, knýið
á, og fyrir yður mun upplokið verða.
(Matt. 7, 7.)
Laugavegi 29 | sími 552 4320 | www.brynja.is | brynja@brynja.is
Opið virka
daga frá 9-18
og lau frá
10-16 Lykilverslun við
Laugaveginn frá 1919
Tilboð á viðarvörn frá Flügger í 3l dósum.
Verð frá
3.490