SunnudagsMogginn - 19.08.2012, Blaðsíða 6

6 19. ágúst 2012
Fram hefur komið að Arsenal var
óljúft að selja Robin van Persie til
Manchester United enda afleit
sparkpólitík að veikja eigið lið um
leið og keppinauturinn er styrkt-
ur. En staðan var erfið. Van Persie
átti bara eitt ár eftir af samningi
sínum og neitaði að rita undir nýj-
an. Fyrsta hugsun Arsenal var að
selja hann úr landi en hvorki
spænsku stórveldin né hið nýríka
Paris St. Germain í Frakklandi
virtust hafa áhuga. Það hafði Ju-
ventus á Ítalíu hins vegar en
þangað vildi leikmaðurinn einfald-
lega ekki fara. Þá voru tveir kostir
uppi, báðir vondir: Að selja van
Persie núna til United fyrir við-
unandi verð eða horfa upp á hann
fara þangað að ári án greiðslu. Fé-
laginu þótti fyrri kosturinn aug-
ljóslega illskárri.
Meiðslasaga van Persies hefur
verið til umræðu í vikunni og fyrir
liggur að hann kom aðeins við
sögu í 64% deildarleikja Arsenal á
þeim átta árum sem hann var hjá
félaginu. Áhætta United er því
nokkur en á móti kemur að hann
hefur nú verið við hestaheilsu í
hálft annað ár. Og verið bullsjóð-
andi heitur á þeim tíma, gert
hvorki fleiri né færri en 59 mörk.
Tveir kostir, báðir vondir
Bjart er yfir Sir Alex Ferguson,
stjóra Man. United, þessa dagana.
AFP
Merkileg sala átti sér stað í enskuknattspyrnunni fyrir helgi þegarRobin van Persie, fyrirliði Arsenal,gekk í raðir Manchester United. Hún
undirstrikar enn og aftur þá gjá sem myndast hef-
ur milli ríkustu og sigursælustu liðanna í Englandi
á umliðnum árum, Manchester City og United og
Chelsea annars vegar og liðanna sem berjast á hæl
og hnakka við að elta þau uppi, Arsenal, Liverpool
og Tottenham Hotspur hins vegar.
Fyrir fáeinum árum hefði verið óhugsandi að
erkisparkendur Arsenal, svo sem Thierry Henry,
Dennis Bergkamp og Patrick Vieira hefðu gengið
til liðs við Manchester United. Þeir þurftu þess
einfaldlega ekki, Arsenal var að vinna titla, þar á
meðal sjálfan meistaratitilinn. Nú er öldin önnur,
átta ár eru síðan Arsenal varð síðast meistari og
van Persie treystir sér ekki til að bíða lengur. Hann
er orðinn 29 ára og þráir að vinna deildina sem
hann hefur sett sterkan svip á með einstökum
hæfileikum sínum undanfarin átta ár. Það er að
dómi spegilritara mun líklegri skýring á vista-
skiptum Hollendingsins en kaupið sem hann
kemur til með að fá hjá United.
Nógu vont þótti áhangendum Arsenal að missa
Gaël Clichy og Samir Nasri til Manchester City í
fyrra (þeir fögnuðu einmitt sínum fyrsta Eng-
landsmeistaratitli í vor) en þetta er hálfu verra.
Van Persie var kominn á stall á Emirates og farinn
að narta í hælana á kónginum sjálfum, Henry.
Fall hans er nú hátt á þeim bænum en líklega
kærir van Persie sig kollóttan um það komi hann
til með að spóka sig með meistaramedalíu um
hálsinn næsta vor.
Ekki er nema hálft annað ár síðan sambærilegur
gjörningur átti sér síðast stað, þegar Liverpool
varð að láta Fernando Torres fara til Chelsea. Ein-
hvern tíma hefðu þau viðskipti verið óhugsandi. Á
ýmsu hefur gengið hjá Torres greyinu í Lundúnum
en hann er alltént búinn að vinna Meistaradeild
Evrópu. Fyrir ári fór Raul Meireles sömu leið.
Tottenham þekkir þetta líka, hefur þurft að
horfa á eftir mönnum á borð við Michael Carrick
og Dimitar Berbatov til Manchester United.
Við þau skilyrði sem nú eru uppi í ensku úrvals-
deildinni eru viðskipti með leikmenn milli Man-
chester-liðanna og Chelsea nær óhugsandi. Ein-
hver kann að tilgreina Carlos Tévez, sem fór frá
United til City fyrir tveimur árum. Það mál var
hins vegar afbrigðilegt fyrir þær sakir að þriðji að-
ili átti leikmanninn, íranski kaupsýslumaðurinn
Kia Joorabchian. Leigði hann bara til United.
Owen Hargreaves var maður sem enginn sá eftir.
Þetta er vitaskuld óþolandi staða fyrir sögufræg
félög eins og Arsenal og Liverpool sem samtals
hafa unnið 31 meistaratitil í Englandi. En hvernig
geta þau komist fyrir þessa þróun? Svarið er ein-
falt: Farið að vinna titla!
Gjáin breikkar
Salan á van Persie hnykkir
á valdahlutföllum í Englandi
Robin Van Persie kampakátur með nýju keppnistreyjuna sína í gær.
AFP
Vikuspegill
Orri Páll Ormarsson orri@mbl.is
Síðasti leikmaðurinn sem
skipti úr Arsenal yfir í Man-
chester United var enski
landsliðsbakvörðurinn Viv
Anderson sumarið 1987. Enn
stærri var þó salan á írska
miðherjanum Frank Stapleton
árið 1981. Af mönnum sem
farið hafa í hina áttina má
nefna Brian Kidd 1974 og
Mikaël Silvestre 2008.
Sá fyrsti í
aldarfjórðung
Frank
Stapleton
NUTRILENK
GOLD
„Fyrir u.þ.b. einu ári
kynntist ég Nutrilenk
Gold og fann ég mjög
fljótt fyrir breytingum
og er ég allt önnur í
dag. Verkirnir í bakinu
og mjöðminni eru sama sem horfnir
og öxlin er öll önnur. Ég er komin í
ræktina og get lyft lóðum sem var
nánast óhugsandi fyrir einu ári.“
Ólína Sverrisdóttir
HEILBRIGÐARA
LÍF ÁN LIÐVERKJA NUTRILENK GOLD inniheldur vatnsmeð-
höndlað brjósk úr fiskbeinum sem er öflugt
byggingarefni fyrir liði og bein.
NUTRILENK GOLD er framleitt á einstakan
hátt svo að líkaminn þinn nýti betur virku
efnin í NUTRILENK svo bestur árangur verði.
NUTRILENK GOLD viðheldur heilbrigði liða
og beina, svo þú getur lifað heilbrigðari lífi
án verkja og eymsla.
FÆST Í APÓTEKUM, HEILSUBÚÐUM OG HEILSUHILLUM STÓRMARKAÐANNA - GENGURVEL.IS