Morgunblaðið - 22.09.2012, Side 28

28 FRÉTTIRErlent
MORGUNBLAÐIÐ LAUGARDAGUR 22. SEPTEMBER 2012
Bogi Þór Arason
bogi@mbl.is
Að minnsta kosti fimmtán manns
biðu bana í götumótmælum og óeirð-
um í Pakistan í gær vegna ólgu sem
rakin er til kvikmyndarinnar „Sak-
leysi múslíma“, sem gerð var í
Bandaríkjunum, og skopmynda af
Múhameð spámanni í frönsku tíma-
riti.
Tugir þúsunda manna mótmæltu
myndunum á götum borga í Mið-
Austurlöndum og víðar í Asíu eftir
föstudagsbænir í moskum. Ólgan var
mest í Pakistan en í öðrum löndum
kom ekki til eins mikilla átaka og ótt-
ast hafði verið.
Sendiráð vestrænna ríkja voru
lokuð í mörgum múslímalöndum
vegna mótmælanna sem breiðst hafa
út síðustu tólf daga eftir að 14 mín-
útna myndskeið úr kvikmyndinni
var birt á netinu. Óttast var að skop-
myndir sem franska tímaritið Char-
lie Hebdo birti í vikunni myndu
kynda undir mótmælunum og
Frakkar ákváðu því að loka sendi-
ráðum, ræðismannsskrifstofum og
menningarmiðstöðvum sínum í 20
múslímalöndum.
Kveikt í byggingum
Átök blossuðu upp milli mótmæl-
enda og lögreglumanna í fimm
stærstu borgum Pakistans. Að
minnsta kosti tíu manns biðu bana í
Karachi og fimm í Peshawar, að sögn
fréttavefjar breska ríkisútvarpsins.
Lögreglumenn hleyptu af byssum
og beittu táragasi til að stöðva
óeirðaseggi sem réðust á kvik-
myndahús, banka, verslanir og veit-
ingahús í Karachi. Kveikt var í
nokkrum byggingum í borginni og
óeirðaseggir létu greipar sópa um
verslanir. Einnig var kveikt í tveim-
ur kvikmyndahúsum í Peshawar.
Stjórnvöld í Bandaríkjunum hafa
ráðið Bandaríkjamönnum frá því að
fara til Pakistans vegna mótmæl-
anna. Birtar voru sjónvarpsauglýs-
ingar á vegum Bandaríkjastjórnar
þar sem Barack Obama Bandaríkja-
forseti og Hillary Clinton utanríkis-
ráðherra gagnrýndu kvikmyndina.
„Afkáralegir trúðar“
Ritstjóri Charlie Hebdo varði þá
ákvörðun sína að birta skopmyndirn-
ar af Múhameð spámanni. Hann lýsti
mótmælendunum sem „afkáralegum
trúðum“ og sakaði frönsku stjórnina
um þjónkun við óeirðaseggi með því
að gagnrýna tímaritið fyrir að ögra
múslímum.
Mannskæðar óeirðir
og íkveikjur í Pakistan
Kopti gerði myndina
» Bandarísk yfirvöld segja að
egypskur Kopti sem býr í Kali-
forníu hafi gert kvikmyndina
umdeildu.
» Maðurinn heitir Nakoula
Basseley Nakoula og er í fel-
um. Hann var fundinn sekur
um fjársvik árið 2010 og
dæmdur til að endurgreiða
andvirði 100 milljóna króna.
Libía
Marokkó
Súdan
Níger
Jemen
Túnis
Indónesía
Kúveit
Sýrland
Líbanon
Afganistan
Indland
Íran
Malasía
Bangladess
Egyptal.
Írak
Pakistan
Jórdanía
Gaza
Ísrael
Tyrkland
Belgía
Frakkland Óeirðir blossuðu
upp í Pakistan
í gær
Fjölmennustu mótmælin
frá 11. september
Mótmælendur í Rawalpindi
í Pakistan í gær
Taíland
Aserbaídsjan
Filippseyjar
Kvikmyndin Sakleysi múslíma hefur vakið reiði múslíma víða um heim
Múslímar mótmæla mynd um íslam
Srí Lanka
Ástralía
 Ekkert lát á
mótmælum í
múslímalöndum
Bogi Þór Arason
bogi@mbl.is
Jens Stoltenberg, forsætisráðherra
Noregs, stokkaði upp í ríkisstjórn
sinni í gær með það fyrir augum að
styrkja hana fyrir þingkosningar sem
eiga að fara fram eftir ár. Stjórn-
málaskýrendur lýstu uppstokkuninni
sem „vítamínsprautu“ til að gera
stjórninni kleift að snúa vörn í sókn
eftir að hafa tapað fylgi á síðustu
mánuðum.
Helsta breytingin er að Jonas
Gahr Støre fer úr utanríkisráðuneyt-
inu og verður heilbrigðisráðherra.
Hann fær það erfiða verkefni að
koma á breytingum í heilbrigðiskerf-
inu sem stjórnin telur nauðsynlegar
en hafa verið mjög umdeildar.
Í stað Støre verður Espen Barth
Eide utanríkisráðherra, en hann hef-
ur farið með varnarmál í stjórninni.
Anne-Grete Strøm-Erichsen, fráfar-
andi heilbrigðisráðherra, verður
varnarmálaráðherra.
Hadia Tajik, 29 ára kona af pakist-
önsku bergi brotin, verður
menningarráðherra. Hún er 40.
stjórnmálamaðurinn sem fengið hef-
ur sæti í stjórn Stoltenbergs frá því
að hann komst til valda fyrir sjö ár-
um. Stoltenberg er eini ráðherrann
sem gegnt hefur sama embætti allan
þennan tíma.
Magnus Takvam, stjórnmálaskýr-
andi norska ríkisútvarpsins, segir að
með því að færa Støre í heilbrigðis-
ráðuneytið hafi Stoltenberg sett vin-
sælasta ráðherrann í erfiðasta emb-
ættið. Það bendi til þess að Stolten-
berg sé að undirbúa leiðtogaskipti og
ætli að víkja fyrir Støre, annaðhvort á
landsfundi Verkamannaflokksins á
næsta ári eða 2015.
Talinn undirbúa
leiðtogaskipti
 Jens Stoltenberg stokkar upp í stjórn
sinni og setur Støre í erfiðasta embættið
Ef marka má nýjustu fylgis-
kannanir fengju Hægriflokkur-
inn og fleiri mið- og hægriflokk-
ar meirihluta á norska þinginu
ef kosið væri nú. Kannanirnar
benda einnig til þess að Erna
Solberg, leiðtogi Hægriflokks-
ins, sé vinsælasti stjórnmála-
foringi landsins. Um 45% vilja
að hún verði forsætisráðherra
en 43% vilja að Jens Stolten-
berg haldi embættinu.
Hægrisveifla
SOLBERG VINSÆLUST
Jens
Stoltenberg
Erna
Solberg
Umhverfisverndarsamtök beita sér
fyrir metnaðarfullum áformum um
að tengja saman sjávarþjóðgarða í
Kyrrahafi og koma á verndarsvæði
á stærð við tunglið.
Henry Puna, forsætisráðherra
Cook-eyja, tilkynnti formlega í lok
ágúst að stofnaður hefði verið 1,065
milljóna ferkm sjávarþjóðgarður til
að vernda hafið við eyjarnar.
Peter Seligmann, einn stofnenda
umhverfisverndarsamtakanna Con-
servation International (CI), segir
þetta sýna að Kyrrahafseyjarnar
séu nú í fararbroddi í baráttunni
fyrir verndun heimshafanna.
Samtökin beita sér fyrir því að
fleiri Kyrrahafseyjar fari að dæmi
Cook-eyinga og stofni sjávar-
þjóðgarða til að vernda lífríkið á
alls 40 milljóna ferkílómetra haf-
svæði frá Marshall-eyjum í norðri
til Nýja-Sjálands í suðri. Nái áform-
in fram að ganga verður verndar-
svæðið á stærð við tunglið, um 8%
af yfirborði jarðar og nær fjórum
sinnum stærra en Evrópa.
Eyjarnar Kiribati og Tokelau
hafa nú þegar farið að dæmi Cook-
eyinga og Nýja-Kaledonía hyggst
stofna 1,4 millj. ferkm sjávar-
þjóðgarð á næstu árum. bogi@mbl.is
METNAÐARFULL ÁFORM
Heimild: CI
1,065 millj. km2
- stofnaður
formlega í
lok ágúst
Sjávarþjóðgarður
Náttúruverndarsamtök vilja að verndarsvæðið í Kyrrahafi verði nær
fjórum sinnum stærra en Evrópa
Fyrirhugað verndar-
svæði skv. tillögu
umhverfisverndar-
samtaka
40 milljónir km2
Ratonga,
Cook-eyjar
KYRRAHAF
ÁSTRALÍA
NÝJA-
SJÁLAND
COOK-
EYJAR
Vilja verndarsvæði
á stærð við tunglið
Skeifunni 8 | sími 588 0640 | casa.is
Fáanlegur í mörgum litumVerð leður
kr. 439.000,-