SunnudagsMogginn - 16.09.2012, Blaðsíða 11
16. september 2012 11
Mér finnst mikilvægtað vera besta ein-takið af sjálfri mér íþeirri merkingu að
vera óhrædd að takast á við ný og
krefjandi verkefni, að læra eitt-
hvað nýtt og stefna að því að vera
betri manneskja í dag en í gær,“
segir Ragnheiður Björk Halldórs-
dóttir, ein af afreksnemendum
Háskóla Íslands sem komst inn í
sumarnám í Stanford-háskóla í
Bandaríkjunum í sumar eða
Stanford Summer International
Honors Program, SSIHP.
Hörð samkeppni er um hvert
sæti í Stanford sem er talinn
meðal virtustu og bestu háskóla í
heiminum. Ragnheiður var ein af
einungis fimm nemendum frá
Háskóla Íslands sem komust inn í
Stanford í sumar en hún er stúd-
ent frá Menntaskólanum í
Reykjavík og stundar nám í iðn-
aðarverkfræði í háskólanum.
„Þegar ég frétti að nemendum
Háskóla Íslands stæði til boða að
sækja um nám í Stanford í sumar
ákvað ég að kýla á það og byrja
strax að vinna að umsókninni
minni. Skólinn horfir hvort
tveggja til námsárangurs og fé-
lagsstarfa. Síðan þarf að skila inn
stuttri ritgerð sem lýsir þínum
persónuleika og hvers vegna þú
átt skilið inngöngu og þannig
þarftu í raun að berjast fyrir þínu
sæti í skólanum,“ segir Ragn-
heiður sem er hvort tveggja í
senn topp námsmaður og sinnir
félagstörfum af krafti með námi.
Möguleikar í landi tækifæranna
Dvölin í Stanford varð til þess að
opna augu Ragnheiðar fyrir öll-
um þeim möguleikum sem í boði
eru í hinum stóra heimi, heimi
sem er fullur tækifæra fyrir
metnaðarfullt og dugmikið fólk.
„Íslendingar eru ekki nema 320
þúsund og stærstu tækifærin eru
ekkert rosalega stór hér á landi í
samanburði við það sem er í boði
úti,“ segir Ragnheiður en hana
hefur alltaf dreymt um að geta
nýtt þekkingu sína og menntun
til góðra mála. „Ég sótti fyr-
irlestur með Melanie Walker frá
The Gates Foundation og þá varð
mér ljóst að ég get látið drauma
mína rætast og þeir eru innan
seilingar ef ég legg mig alla fram.
Þá voru prófessorarnir mínir í
Stanford líka einstaklega hjálp-
samir en með hjálp þeirra tókst
mér að móta betur þá stefnu sem
mig langar að taka í lífinu.“
Ragnheiður segir þó að framtíð-
aráætlanir sínar séu enn óljósar
en þær hafi tekið á sig heilsteypt-
ari mynd eftir námið úti. „Hvaða
málefni eða starfsvettvangur
verður endanlega fyrir valinu á
eftir að koma í ljós. Mig langar að
finna eitthvað sem kemur al-
gjörlega frá hjartanu því þá get ég
lagt mig alla í verkefnið, bæði lík-
ama og sál.“
Að sjá það jákvæða í öllu
Það var strax ljóst að Ragnheiður
er jákvæð og hress stelpa sem
horfir á það jákvæða í lífinu og
dvelur ekki lengi við neikvæða
hluti. Hún vill frekar tala um það
sem vel var gert og jákvætt en að
svara spurningum blaðamannsins
um það hvort eitthvað hafi farið
úrskeiðis eða hefði mátt fara bet-
ur í ferðinni. Hún segir þó eina
neikvæða upplifun sitja í sér eftir
ferðina. „Ferðin var full af æv-
intýrum og áhugaverðum uppá-
komum en það er eitt atvik sem
situr dálítið í mér og var ákveðinn
vendipunktur bæði í ferðinni og í
mínu lífi. Ég var að ganga í til-
tölulega góðu hverfi í San Franc-
isco með vinum mínum þegar við
gengum fram á unga stúlku, ekki
eldri en þrítuga, með sprautunál í
handleggnum og öll út í blóði.
Mér þótti mjög átakanlegt að
horfa upp á það,“ segir Ragn-
heiður en atvikið varð til þess að
styrkja trú hennar á því hversu
heppnir Íslendingar eru. „Ég hef
alltaf vitað hversu heppin ég er
að eiga gott fólk í kringum mig,
þak yfir höfuðið og öll þau tæki-
færi sem mér standa til boða á Ís-
landi. Við erum hluti af litlum
forréttindahóp í heiminum sem
hefur það mjög gott.“
Upplifun Ragnheiðar hefur því
ekki síður verið lærdómsrík en
kúrsarnir hennar í Stanford. „Á
þessum tímapunkti var ég stað-
ráðin í að láta gott af mér leiða í
lífinu.“
Vandamál heimsins eru stór og
umfangsmikil og segir Ragn-
heiður því enn frekar ástæðu til
að takast á við þau og gera gott.
„Ég hef alltaf hugsað stórt og ég
lærði það í Stanford að þú getur
gert svo margt gott án þess að
eiga fúlgur fjár sjálfur.“
Námið auðveldara en
margir halda
Skóli í þeim gæðaflokki sem
Stanford er í hlýtur að vera mjög
krefjandi og erfiður í samanburði
við það sem við eigum að venjast
hér á landi. „Námið er ekki jafn
erfitt og margir gætu haldið og
mörg fög í Háskóla Íslands eru
mjög erfið miðað við margt
þarna úti. Íslensku strákarnir
sem fóru með út töluðu t.d. um
að þeim hefðu þótt sín námskeið
nokkuð létt.“ Í fyrravetur sótti
Patricia Brandt, aðstoðarrektor
við Stanford og forstöðumaður
SSIHP, Ísland heim og lýsti þá yf-
ir sérstakri ánægju með góðan
árangur íslensku nemendanna
sem sóttu sumarnámið í fyrra og
sagði þá vera frábæra fulltrúa Ís-
lands. Þeir tóku þrjú námskeið
hver og hlutu allir hæstu mögu-
lega einkunn í þeim öllum.
Ragnheiður segir þetta að hluta
til skýrast af því að námið sé allt
öðru vísi og fólk sé almennt að
læra eitthvað sem það hefur
brennandi áhuga á. „Námið er
einstaklingsmiðaðra og þú færð
það strax á tilfinninguna að
kennarinn sé mættur til að
kenna þér og leiðbeina í náminu
en ekki að tala við 200 manna
hóp í bíósal,“ segir Ragnheiður
sem minnir á að þeir sem hafa
áhuga á að kynnast námi í er-
lendum háskólum ættu að hafa
augun opin fyrir skiptinámi og
sumarnámskeiðum. „Háskóli Ís-
lands er með samstarfsamninga
við fjölda skóla eins og Stanford,
Caltech o.fl. góða skóla um allan
heim.“
Ragnheiður Björk Halldórsdóttir er
einn af fimm framúrskarandi nem-
endum Háskóla Íslands sem sóttu
sumarnám í Stanford-háskóla í
Bandaríkjunum í ár en skólinn hafði
mikil áhrif á hana.
Vilhjálmur Andri Kjartansson vilhjalmur@mbl.is Morgunblaðið/Kristinn
Frá vinstri Ragnheiður Björk, Essi frá Finnlandi, Amtul frá Pakistan, Alej-
andra og Mariana frá Mexíkó urðu góðar vinkonur í sumar.
Lærdómsríkt
ævintýri
í Stanford
Verkfræðineminn Ragn-
heiður Björk Halldórs-
dóttir fór ásamt fimm
örðum háskólanemum úr
Háskóla Íslands í sum-
arnám í Stanford-háskóla
í sumar en skólinn er tal-
inn einn besti í heimi.
Kerfisveggir frá Deco
Felliveggir
Stofnanahurðir
Skrifstofuhúsgögn
Alhliða sérsmíði
•
•
•
•
•
VIÐ BJÓÐUM UPP Á ALHLIÐA LAUSNIR FYRIR FYRIRTÆKI
Smiðjuvegi 9 · 200 Kópavogi
Sími 535 4300 · axis.is