SunnudagsMogginn - 16.09.2012, Blaðsíða 16

16 16. september 2012
Sony Studios á hægri, sem framleiða
myndina saman. Og mér brá svolítið
þegar ég áttaði mig á þessu, að nú væri
þetta ekki lengur spurning um hvort mér
tækist að ná þangað, heldur væri ég
kominn á staðinn, og nú þyrfti ég bara að
standa undir því.“
Wahlberg hefur einnig átt góðu láni að
fagna. Contraband Baltasars er ein að-
sóknarmesta mynd með honum einum í
aðalhlutverki, en viðtökur voru langt
umfram væntingar. Myndin halaði inn
28,5 milljónir dollara opnunarhelgina eða
um þrjá milljarða króna. Hann fylgdi
þeirri mynd eftir með Ted, sem aflaði 50
milljóna dollara opnunarhelgina í lok
júní og er þegar komin yfir 200 milljónir
dollara bara í Bandaríkjunum.
„Allt í einu varð Mark svona rosalega
eftirsóttur og það gerðist meðan við vor-
um í tökum. Nú er hann orðinn einn
heitasti leikarinn í bransanum. Það
breytist svo margt á undraskömmum
tíma.“
Hann yppir öxlum.
„Og á þessari stundu er myndin að
minnsta kosti eins mikið Hollywood og
Hollywood getur orðið.“
Eins og spænski rannsóknarrétturinn
Og hvernig skyldi samanburðurinn vera,
að leikstýra Ólafi Darra eða Denzel
Washington? „Ólafur Darri er að mörgu
leyti mótanlegri, leikur meira í hönd-
unum á manni en Denzel,“ segir Baltasar.
„Og eitt er líkt með þeim. Þeir hafa báðir
náð að yfirstíga líkamlegar hindranir sem
leikarar. Ólafur Darri er ekki bara feitur
leikari, heldur er hann búinn að yfirstíga
það og gæti þess vegna gengið í hlutverk
Hamlets. Hann er eins og Gerard Dep-
ardieu og getur leikið glæsilega elskhuga,
þó að það virðist ekki liggja beint við.
Hann er svo góður leikari og mikil per-
sóna að hann yfirstígur það. Eins er með
Denzel. Hann ryður svörtum leikurum
braut eftir Sidney Poitier. Og það skiptir
ekki máli þó að hlutverkið sé ekki skrifað
fyrir svartan leikara, því ef Denzel er til í
að leika, þá hugsar enginn út í það hvort
hann er svartur eða hvítur.“
Baltasar brosir.
„En þar sleppir samanburðinum. Ég
veit ekki um neinn annan leikara í heim-
inum sem hefur náð svona langt bæði
sem leikari og stjarna. Það er til fullt af
góðum leikurum sem eru ekki nógu
frægir til að bera uppi heilar kvikmyndir.
Listinn er ekki langur af leikurum sem
hafa unnið tvenn óskarsverðlaun eins og
Denzel, en um leið er hann stórstjarna og
trekkir að áhorfendur.“
– Var hann erfiður viðureignar?
„Það var feikilega spennandi að fá að
vinna með svona hæfileikaríkum og
reynslumiklum manni. En það var ekkert
auðvelt. Mér skilst á þeim sem unnu með
mér að hann hafi verið með allra besta
móti. Ég hafði heyrt að hann gæti verið
erfiður, en hann reyndist mér það ekki,
enda á ég auðvelt með að vinna með leik-
urum. En það var eins gott að ég hafði
unnið heimavinnuna þegar ég hitti hann
fyrst, því þetta var eins og að lenda fyrir
spænska rannsóknarréttinum. Ef ég hefði
ekki verið vel undirbúinn, þá hefði ég
verið grillaður.“
Með velgengni prentaða á ennið
Það hjálpaði til að vinátta hefur myndast
á milli Wahlbergs og Baltasars, enda
höfðu þeir unnið náið saman að Contra-
band. „Það er mikið traust á milli okk-
ar,“ segir Baltasar. „Við erum mjög góðir
vinir, hann hringir í mig á kvöldin og við
spilum körfubolta saman. Og við erum
með þó nokkur verkefni á prjónunum.
Það er kannski ekki á allra vitorði, en
Mark er orðinn einn stærsti framleiðandi
á sjónvarpsþáttum í Bandaríkjunum.
Hann stóð til dæmis að verðlaunaþátt-
unum Boardwalk Empire, þar sem Scor-
sese gerði fyrsta þáttinn. Svo framleiðir
hann bíómyndir líka.“
Baltasar segir sögu Wahlbergs merki-
lega. „Hann kemur úr mjög fátækri fjöl-
skyldu, á einstæða móður og níu systkin,
og verður fyrst frægur sem Marky Mark.
Ég þekkti aldrei þessa hljómsveit, Marky
Mark and the Funky Bunch, og veit ekki
hvort hann er góður söngvari. Síðan lenti
hann í ógöngum og rataði í fangelsi í eitt
og hálft ár fyrir líkamsárás. En þegar
hann kom út varð hann heimsfræg fyr-
irsæta vegna einnar auglýsingar, á Calvin
Klein-nærbuxum. Í kjölfarið lagði hann
leiklistina fyrir sig, sló fyrst í gegn í Boo-
gie Nights Andersons og var tilnefndur til
óskarsverðlauna fyrir Departed Scorse-
ses. Og nú er hann orðinn risaframleið-
andi og hefur haslað sér völl á fleiri svið-
um, svo sem í heilsubörum. Hann hefur
því náð frama á mörgum sviðum í Banda-
ríkjunum, þar sem nánast er vonlaust að
ná í gegn. Það sýnir ótrúlegt keppnisskap
og úthald. Velgengnin hefur verið prent-
uð á ennið á honum þegar hann fæddist.“
Glæpaþættir á Seyðisfirði
Baltasar Kormákur fer utan í október í
eftirvinnslu, sem fram fer í kvikmynda-
veri Universal. „Tilfinningin sem fylgir
því að koma þangað er eins og maður sé
að labba inn í bíómynd,“ segir hann.
„Þegar ég mætti á fyrsta fundinn var þar
egglaga borð í herbergi, sem er tvisvar
sinnum þessi salur, á veggjunum voru
myndir af helstu kvikmyndastjörnunum
og svo gengu inn 20 manns í svörtum
jakkafötum, stjórn Universal eins og hún
lagði sig, og ég var spurður: „Segðu okk-
ur af hverju þú átt að gera þessa bíó-
mynd?“ Þetta var eins og að taka víti,
maður fær eitt skot á markið, auðvitað
reynir maður við vinkilinn, en ef boltinn
fer yfir eða beint á markið, þá er maður
tekinn út af.“
Baltasar segir mörg svona augnablik
Baltasar var í sjónum með
Ólafi Darra í tökum og tók
þátt í að hvolfa bátnum í einu
áhættuatriðinu.
Morgunblaðið/Golli
’
Þegar ég mætti á fyrsta fundinn var þar egglaga
borð í herbergi, sem er tvisvar sinnum þessi salur,
á veggjunum voru myndir af helstu kvikmynda-
stjörnunum og svo gengu inn 20 manns í svörtum jakka-
fötum, stjórn Universal eins og hún lagði sig, og ég var
spurður: „Segðu okkur af hverju þú átt að gera þessa bíó-
mynd?“