SunnudagsMogginn - 16.09.2012, Blaðsíða 40

40 16. september 2012
Lífsstíll
Já, það er greinilega komið haust,“hugsaði ég með mér þar sem égfauk yfir götuna með strekkings-vind í fangið. Ég var ekki alveg viss
um að ég hefði það stutta leið yfir til
móður minnar. Ekki er ég nú sérlega
smágerð en í þessum strekkingi leið mér
eins og Ömmu mús. Dúðuð í kápu með
húfu og trefil fannst mér sá útbúnaður nú
dálítið snemma á ferðinni. Gott ef maður
verður ekki bara að fiska úlpuna upp úr
geymslunni og það löngu fyrir nóvember.
Það finnst mér einfaldlega of snemmt. Ég
vil að sumarið kveðji mann blíðlega
þannnig að hitastigið lækki kannski í 8-
10 gráður. Ekki að það falli niður í 4 og fé
fenni í kaf norðan heiða. Þá finnst mér nú
vetrarkuldabolinn orðinn heldur harka-
legur við okkur hér á þessari litlu eyju.
Eftir svona gott sumar á maður vissu-
lega að vera þakklátur veðurguðunum.
En ég vil nú samt að þeir fari aðeins var-
legar að okkur. Vaggi okkur inn í stillt og
kallt haust (allt í lagi með smá rok stund-
um) frekar en að henda okkur út á ólgusjó
sem minnir miklu frekar á vetur en
haust. Annars eru árstíðirnar svo sem
ágætar. Það er gott yfir sumarið þegar
nóttin endar aldrei og alveg jafn notalegt
þegar haustið læðist í garð og mann lang-
ar bara að kúra uppi í sófa með góða bók,
súkkulaði og kannski eitt rauðvínsglas.
Árstíðirnar láta líka á það reyna að mað-
ur njóti núsins. Leggi sig fram um að sjá
það góða í degi hverjum. Þrátt fyrir al-
gjöran rokrass eða snjó upp í klof. Það
gæti nefnilega margt verið svo miklu
verra en veðrið. En vissulega höfum
við Íslendingar löngum verið háðir
veðrinu og veðurspánni (sem stundum
stenst). Svo það er ekkert skrýtið að
veðrið sé okkur svo hugleikið og hafi dá-
lítil áhrif á hugann. Reynum þó að láta
það ekki verða um of og munum að í
vetrarsnjónum, sem leynist handan við
hornið, verðum við örugglega ánægð með
„bara smá rok“ og kuldaholl í byrjun
hausts.
Það er alls ekki skemmtilegt að vera úti í roki og rigningu, þá er nú betra að vera inni fyrir og hafa það kósí.
Morgunblaðið/Sigurgeir S.
Kuldaboli er mættur
Lífið og
tilveran
María Ólafsdóttir
maria@mbl.is
Í tilefni hvassviðris
leyfi ég mér að vitna í
eftirfarandi stöku sem
margir þekkja:
„Nú er komið hrímkalt
haust, horfin sumars
blíða.“
’
Það er gott yfir sum-
arið þegar nóttin
endar aldrei og alveg
jafn notalegt þegar haustið
læðist í garð.
Strekkjandi andlitsmaski:
Andlitsmaskinn inniheldur einungis
létthrærða eggjahvítu. Látið maskann
virka í u.þ.b. 20 mínútur og liggið í leti á
meðan.
Andlitsmaski gegn þreyttri og þurri
húð:
Takið eina eggjahvítu og bætið við ör-
litlum sítrónusafa. Bætið hægt og rólega
ólífuolíu út í og hrærið þangað til bland-
an er orðin kremkennd. Berið á vel þveg-
ið andlitið og þvoið af eftir 15 mínútur.
Fengið af www.natturan.is, Siiri Lomb.
Náttúrulegar
snyrtivörur
Á rigningardegi er bara ekkert betra en gott súkku-
laði. Vindurinn ólmast úti og fólk sem er svo ólán-
samt að vera á ferli utandyra setur undir sig hausinn.
Allir vilja komast inn til að fá sér eitthvað heitt og
gott að drekka. Það getur verið kaffi- eða tebolli,
það skiptir ekki máli. Moli af góðu dökku súkkulaði
mun fullkomna drykkinn sama hver hann er. Ætli það
mætti ekki alveg kallast áhugamál að safna súkku-
laði í ísskápinn og smakka á bita og bita við og við.
Ég kýs að líta svo á sem þýðir að ég stenst ekki
girnilegt súkkulaði í fallegum umbúðum þegar ég
ferðast um ókunnug lönd. Kanna verður súkku-
laðimenninguna í hverju nýju landi. Öll tilraunaeintök
í gjöf eru líka einnig vel þegin og er komið haganlega
fyrir á efstu hillunni í ísskápnum. Þessari sem er við
það að svigna undan þunga sínum og ég mun heim-
sækja oft nú á komandi haustmánuðum.
Súkkulaðisæla
Þessi hugleiðsluaðferð á rætur sínar að rekja til tíbetskrar munkareglu.
Hún hvetur okkur til að tengjast þjáningum annarra og umbreyta þeim í
jákvæðni með ást okkar og umhyggju.
Hugsaðu um sársauka og þjáningar ástvina þinna og andaðu þeim
djúpt að þér. Innbyrtu sársaukann og skynjaðu hann í hjarta þér.
Umbreyttu nú tilfinningunni,
skynjaðu hvernig hún mildast og þverr og breytist í ást, gleði og fögn-
uð. Andaðu svo frá þér og sendu þessar græðandi og heillandi tilfinn-
ingar til ástvina þinna til að lina sársauka þeirra.
Tonglen-hugleiðsla