SunnudagsMogginn - 16.09.2012, Blaðsíða 31

16. september 2012 31
Ævar Þór Benediktsson leikur Lilla klifurmús íuppfærslu Þjóðleikhússins á hinu sígilda æv-intýri Dýrunum í Hálsaskógi eftir ÞorbjörnEgner. Hann viðurkenndi að það væri vissu-
lega mikil áskorun og ekki auðvelt að feta í fótspor fyrir-
rennara sinna sem hafa gert persónunni Lilla svo góð skil að
hún hefur lifað góðu lífi meðal hverrar kynslóðar á fætur
annarri. Feðgarnir Árni Tryggvason og Örn Árnason léku
músina auk Atla Rafns sem lék síðast Lilla árið 1993. „Þetta
er mikill heiður, stór draumur að rætast og skemmtileg
ábyrgð að bera sem fylgir því að fá að vera Lilli klifurmús
þessarar kynslóðar. Það eru forréttindi að fá að stíga reglu-
lega inn í Hálsaskóg, sannkallaðan töfraheim sem Ilmur
Stefánsdóttir hefur skapað,“ segir Ævar þakklátur með blik
í auga og ljóst að hann þarf ekki að kafa langt til að finna
barnið í sjálfum sér.
Ævar er af yngstu kynslóð leikara og er að sigla inn á sitt
annað ár í Þjóðleikhúsinu. Í vetur verður hann í öllum sýn-
ingum sem verða settar upp á stóra sviðinu í Þjóðleikhús-
inu. Ævar vísindamaður verður þó á sínum stað í Stundinni
okkar í vetur, auk þess sinnir hann talsetningu inn á teikni-
myndir. Skrifin eru aldrei langt undan og hefur hann þegar
gefið út tvær bækur og sú þriðja mun koma út á næstunni.
Kveikjan að þeirri bók er viðbrögð við háværri umræðu
sem hefur verið upp á síðkastið um minnkandi lestur barna
og unglinga. „Mig langaði að búa til bók sem nördið ég
hefði viljað lesa þegar ég var yngri.“ Ný nálgun sem tengist
þrautalausnum verður í fyrirrúmi bókarinnar sem ber tit-
ilinn, „Þú ert þín eigin þjóðsaga“. Ekki er hægt að segja að
komið sé að tómum kofunum hjá Borgfirðingnum Ævari
Þór.
thorunn@mbl.is
Fátt vefst fyrir hæfileikabúntinu Ævari sem hrindir hugmyndum í framkvæmd. Leikarinn ungi
hefur fengið góða dóma fyrir túlkun sína á Lilla klifurmús.
Þrjár kynslóðir Lilla klifurmúsar. Feðgarnir Árni Tryggvason og Örn Árna
með Lilla þessarar kynslóðar, á frumsýningu Þjóðleikhússins nýverið.
Leikari og
rithöfundur
Hugmyndaauðgi, fjör og leikur
einkenna hinn atorkusama leik-
ara Ævar Þór Benediktsson.
Af hverju ertu að gráta, litli stubbur? Ég
fékk snudduna bara lánaða í smástund.
Nýbúinn að missa fyrstu tönnina, frekar
ánægður með pabba og litla bróður sem
lítur stoltur upp til stóra bróður.
Fyrsta bókin sem Ævar gaf út 12 ára.
Áhugasviðið orðið nokkuð ljóst, verkið er
mjög líkt Glósubók Ævars vísindamanns.
Óárennilegur í hlutverki sínu í Eftirlitsmann-
inum eftir Gogol, útskriftarsýning sem Nem-
endaleikhúsið setti upp.
Ástfangið par á fallegum sumardegi í Reykjavík. Ævar með kærustu sinni Védísi Kjart-
ansdóttur listdansara.
Myndaalbúmið
Ævar vísindamaður með dyggan aðstoðarmann sér við hlið, litlu systur
sína Jónu Rós við upptökur á nýjum þáttum sem sýndir verða í vetur.
Eitursvalir feðgar með sólgleraugu að slaka á eftir mat-
inn og hestastúss dagsins.
Flottur borgfirskur systkinahópur. Ævar er elstur, þá Guðni Líndal, bræðurnir halda
í þá minnstu, Sigurjónu Rós, og á endanum er Ingibjörg Ólöf.