SunnudagsMogginn - 16.09.2012, Blaðsíða 12
12 16. september 2012
Þriðjudagur
Haukur Ingvarsson
Mér finnast vænting-
arnar til íslenska
landsliðsins í fót-
bolta ekki nógu mikl-
ar eftir sigurinn á Norðmönnum.
Við erum svo að fara að vinna
þennan riðil, ég er að segja ykkur
það.
Fimmtudagur
Bergdís Þrast-
ardóttir
Í allri þessari
snjóaumræðu (sem
nú hefur náð til Dan-
merkur) fann ég enn og aftur fyrir
því hvað ég er innilega stolt af
björgunarsveitafólkinu okkar Ís-
lendinga! Að mínu mati eru þetta
bara hetjur og ekkert annað, og
við gætum ekki lifað svona fá á
landi eins og Íslandi, við þann
standard sem við nú kjósum, án
þessa fólks. Og þess ber að geta
að það skín einskær undrun úr
andlitum útlendinga þegar það
heyrir um þessa ótrúlega vel
þjálfuðu og duglegu SJÁLF-
BOÐALIÐA sem trekk í trekk
standa vaktina með bros á vör.
TAKK til ykkar!
Fésbók
vikunnar flett
Margir hissuðu sig á því þegar kín-
verska fyrirtækið Lenovo festi kaup á
ThinkPad-fartölvulínunni frá IBM,
enda fáir á Vesturlöndum heyrt af fyr-
irtækinu. Lenovo var þó á þeim tíma
stórfyrirtæki í heimalandinu og ætlaði
sér stóra hluti um heim allan sem hef-
ur heldur en ekki gengið eftir: Á síð-
asta ári varð Lenovo næststærsti
einkatölvuframleiðandi heims.
Heima í Kína er Lenovo ekki bara
þekkt fyrir heimilistölvur og fartölvur
fyrir einstaklinga, heldur líka fyrir far-
síma, snjallsjónvörp, spjaldtölvur og
líka fyrirtækjatölvur, gagnaþjóna og
vinnustöðvar. Tölvan sem sagt er frá
hér til hliðar er þannig í tölvulínu sem
er aðallega hugsuð fyrir fyrirtæki og
stofnanir, en hún er líka til í útgáfu
sem hentar fyrir heimili.
Í fyrirtækjarekstri kunna menn vel
að meta nettar tölvur og neyslugrann-
ar sem einfalt er að sýsla með og þeir
kostir eiga líka vel heima inni í stofu
eða tölvuhorni heimilisins, ekki síst í
ljósi þess að vélin er hljóðlaus eða þar
um bil.
Það fyrsta sem maður tekur eftir er hvað vélin
er lítil, pínulítil. Hún er ekki nema hálfur fjórði
sentímetri á breidd, rúmir átján á hæð og
tæpir átján á dýpt. Svo er hún ekki nema
rúmt kíló, 1,3 kg alls. Væntanlega
þarf ekki að taka fram að afgjafi
vélarinnar er ekki innbyggður og
þvi engin kælivifta fyrir hann.
Hann er utanáliggjandi, ekki
ósvipaður aflgjafa fyrir fartölvur,
og fartölvulegt tengi aftan á vél-
inni.
Minni í vélinni getur verið allt að
16 GB. Hægt er að velja um ýms-
ar diskagerðir í hana, 320, 500
eða 750 GB og mishraðar eftir út-
færslu, þ.e. 5.400 eða 7.200
snúninga. Svo er hægt að fá sér
SSD í staðinn og þá er hún ekki
nema tíu til fimmtán sekúndur í
gang og ekkert diskahljóð. Skjá-
kortið er á móðurborði, Intel-kort,
en á vélinni eru tvö skjátengi, ann-
að VGA og hitt stafrænt sem gerir
kleift að tengja marga skjái við
hana ef vill.
Vélin er hluti af Think-
Centre M72e-línu Lenovio
sem ætluð er fyrirtækjum
og stofnunum og kölluð
M72e Tiny. Hægt er að fá
í hana ýmsar gerðir Intel-
örgjörva; i5-3470T, i3-
2120T, Pentium G630T/
G620T/G530T eða Cele-
ron G460/G44. Allir eru
þeir sparneytnir, sér-
staklega Pentium- og
Celeron-örgjörvarnir, en
ekki ýkja öflugir fyrir
vikið.
Á henni eru alls fimm USB-tengi, tvö að framan og þrjú að aftan, þó aðeins
USB 2.0. Eins og gefur að skila er ekkert geisladrif í henni, en hægt að fá
mjög nett utanáliggjandi drif ef svo ólíklega skyldi vilja til að einhver saknaði
þess. Líka eru fáanlegar festingar til að setja vélina aftan á skjá eða undir borð,
ef vill.
Minna er meira
Stærðin skipti löngum máli í tölvuheiminum, en ekki lengur. Nú gera menn
kröfur um minni, nettari og hljóðlátari vélar og ný vél frá Lenovo, M72e Tiny,
setur ný viðmið á því sviði.
Græjur
Árni Matthíasson
arnim@mbl.is
Lenovo sækir fram
Næststærsti
einkatölvufram-
leiðandi heims