SunnudagsMogginn - 16.09.2012, Blaðsíða 14

14 16. september 2012
Þetta er meira veðrið,“ segirBaltasar Kormákur og sest íhornsófann á 101 Reykjavík.Nýkominn frá kvikmyndahá-
tíðinni í Toronto þar sem Djúpið var
frumsýnt. Þar áður var hann sex mánuði í
New Orleans og Nýju-Mexíkó að leik-
stýra stórmyndinni 2 Guns. Úr sólinni í
fréttir af bændum að grafa upp kindur úr
snjónum norður í landi.
– Hvernig hefurðu það?
„Bara fínt,“ svarar hann afslappaður og
brosir í gegnum skeggið.
Erfiðar tökur á hafi
En fyrst að Djúpinu. Það kom fram í lof-
samlegri gagnrýni Screen Daily í Toronto
að mynd Baltasars Kormáks hefði fengið
firnagóð viðbrögð hjá áhorfendum – jafnt
hjá almennum sýningargestum sem al-
varlega þenkjandi fagurkerum – og því
mætti spá henni velgengni. Hún verður
forsýnd hér á landi á hátíðarsýningu í dag
og frumsýnd um næstu helgi. „Svo er ég
farinn aftur út til að klippa 2 Guns,“ segir
Baltasar.
Í gagnrýni Hollywood Reporter kom
fram að í fyrri hluta myndarinnar væru
nokkur sláandi raunsæ atriði sem gerðust
á sjó og jöfnuðust á við það besta úr
smiðju James Cameron og Wolfgang Pet-
ersen. „Það var virkilega erfitt að taka úti
á hafi,“ segir Baltasar. „Ég athugaði með
tanka, því myndir eru yfirleitt teknar í
þeim, en þá verða öldurnar svo tilgerð-
arlegar. Ég held að Íslendingar myndu
ekki falla fyrir slíku bulli hér í Norður-
Atlantshafi. Og svo fór að við tókum allt
upp á sjó. Við vorum í fleiri vikur með
tökuvélarnar úti á hafi og Ólaf Darra
[Ólafsson] syndandi. Ég þurfti að synda
með honum í nokkrum tökum til að
halda honum inni í rammanum.“
– Hvað segirðu?
„Það er ekki auðvelt að hreyfa tökuvél
úti á sjó. Það er allt á svo mikilli hreyf-
ingu. En þegar hann hóf einræðurnar og
talaði við fuglana, þá var hann jafnan
lengst í burtu til að byrja með en fyrr en
varði var hann kominn alltof nálægt
tökuvélinni. Ég var því í miklum vand-
ræðum með að stilla fjarlægðir og svo fór
að ég batt mig aftan í fótinn á honum og
synti baksund í gagnstæða átt til þess að
halda honum inni í rammanum. Við vor-
um með risaskjá uppi á dekki og svona
liðu heilu dagarnir, ég í baksundi og hann
að synda áfram.“
Synti á móti Ólafi Darra
Og það reyndist líka erfitt að hvolfa
bátnum. „Við keyptum bát sem við
sökktum tvisvar,“ segir Baltasar. „Og
hann sökk næstum því á leið til Vest-
mannaeyja. Það kom í fréttum þegar við
vorum næstum farnir niður og það varð
að kalla út björgunarsveitir. Þá vorum
við að sigla honum í fyrsta skipti. Þegar
bátar hafa staðið lengi við bryggju, þá
þornar hampurinn á milli þiljanna og það
losnar um hann. Fyrir vikið smýgur vatn
inn í ölduganginum þegar sjórinn rís
hærra en við bryggjuna. Það þurfti því að
dæla úr honum. En síðar meir, þegar við
þurftum að sökkva honum, þá vildi hann
alls ekki fara niður.“
Baltasar brosir.
„Þá endaði ég meira að segja á því að
vera ofan í bátnum í tökunum. Ég og
Björn Thors ákváðum að gera áhættu-
atriðið sjálfir, við erum ekki með færa
áhættuleikara á Íslandi – þeir hafa alltaf
verið til vandræða. Það var magnað að
vera í bátnum þegar hann fór loks á hlið-
ina, hvílíkt magn af sjó og hvílíkt afl. Þá
gerir maður sér grein fyrir þeirri von-
lausu stöðu sem menn eru í við slíkar að-
stæður.“
– Ég er enn að reyna að sjá þetta fyrir
mér. Hvernig er að synda baksund og
reyna að halda aftur af Ólafi Darra?
„Það tók á, en ég er ágætis sundmaður,
þess vegna féll þetta í minn hlut. Það
hafðist. Þetta voru langar tökur með
honum þar sem ramminn heldur. Og það
er mun erfiðara en fólk áttar sig á. Við
tókum líka við Reykjanes. Þá synti hann
inn í klettakverk, sem erfitt er að komast
að, og ætlaði aldrei að komast út. Það var
mikið sog inn og engin leið að komast að
þessu. Ég þurfti á endanum að synda til
að ná í hann og draga hann út. Þá var
hann alveg að gefast upp karlgreyið. Svo
komu augnablik þar sem hann var alveg
að bugast. En hann stóð sig eins og hetja
og kláraði sig af þessu.“
– Var hann í sjógalla í öllum tökum?
„Þegar hægt var að koma því við, en
það getur verið erfitt að synda fyrir því
og berjast í ölduganginum og brjálæðinu
marga klukkutíma á dag í ísköldum sjón-
um. Þó var þetta gert um sumar. Það
hefði ekki verið hægt um vetur.“
– Það var þó gert!
„Sem er náttúrlega ótrúlegt afrek [hjá
Guðlaugi Friðþórssyni]. Við vorum í 10 til
12 stiga heitum sjó, en hann var 1 til 2
stiga heitum. Kaldasta vatnið úr kran-
anum er átta gráður og þá verður höndin
dofin eftir eina mínútu. Ef maður fer ofan
í átta gráða heitt vatn í sundskýlu, þá er
það eins og tyrkneskt bað. Við vorum
með vatn í sundlaug sem var átta stiga
heitt og kafararnir gátu ekki einu sinni
verið ofan í því. Þetta hljómar kalt þegar
maður segir það, en í raun og veru er
kuldinn miklu miklu meiri.“
Gagnrýni Guðlaugs
Djúpið er byggt á hörmungaratburði sem
varð að kvöldi sunnudagsins 11. mars
1984 um kl. 23 þegar vélbáturinn Hellisey
VE 503 sökk og fjórir menn fórust. Guð-
laugur Friðþórsson stýrimaður, sem var
22 ára gamall, komst einn lífs af.
Guðlaugur hefur sagt frá því í viðtali að
líklega hefði hann verið um klukkustund
á kili áður en hann lagðist til sunds sem
tók um fimm tíma. Hann synti í átt að
vitaljósinu á Stórhöfða og talaði við
múkkana sem fylgdust með honum á
sundinu. Í gegnum brimgarð var að fara
til að ná landi og síðan tók við tveggja
kílómetra gangur í þrjá klukkutíma yfir
úfið hraun og vikurbrekkur til byggða. Á
leiðinni rakst hann á baðkar sem notað
var til að brynna fé, braut þumlungs-
þykkan ísinn með bylmingshöggi og gat
svalað þorsta sínum. Hann bankaði upp á
í Suðurgerði 2 um kl. 6.55 að morgni
mánudagsins 12. mars.
Það kom fram í fjölmiðlum á sínum
tíma að Guðlaugur væri ósáttur við gerð
myndarinnar. „Ég ber fulla virðingu fyrir
hans afstöðu,“ segir Baltasar. „En eins og
þetta snýr að mér, þá var búið að gera
leikrit sem byggðist á atburðinum og
sýnt hefur verið heima og erlendis, Djúp-
ið eftir Jón Atla Jónasson. Einnig var gerð
heimildarmynd sem hann lék sjálfur í ári
eftir að þetta gerðist. Það hafði enginn
heyrt neitt frá honum um það, og þó vissi
ég að Jón Atli sendi honum leikritið. Síð-
an ákvað ég að fara af stað með myndina,
Stærsti mar-
bletturinn á
þjóðinni
Baltasar Kormákur klífur Everest kvikmynda-
heimsins með stórmyndinni 2 Guns. Sýningar
hefjast á Djúpinu í lok vikunnar um hörmulegt
sjóslys við Vestmannaeyjar og ótrúlegt afrek
ungs manns sem komst lífs af. Þetta er fyrsta ís-
lenska myndin um sjóslys, sem Baltasar segir þó
stærsta marblettinn á þjóðinni. Svo getur farið
að næsta stórmynd verði Everest – á Vatnajökli.
Pétur Blöndal pebl@mbl.is
Baltasar Kormákur segist
vart komast nær Hollywood
en með 2 Guns, enda Denzel
Washington og Mark Wa-
hlberg á meðal leikara.