Morgunblaðið - Sunnudagur - 30.09.2012, Blaðsíða 26
*Matur og drykkir Íslendingar virðast aldrei fá nóg af lambalæri en soðin ýsa stendur þó fyrir sínu í huga landans »28
Þ
etta byrjaði reyndar á því að ég þurfti að
taka eigið mataræði í gegn af illri nauðsyn
vegna ofnæmis,“ segir Auður Inga Kon-
ráðsdóttir, matreiðslumaður og konan á
bak við fyrirtækið Heilsukokkur.is, spurð að því
hvernig hún upphaflega hafi leiðst út á braut holl-
ustunnar. „Ég fann að almenn líðan snarbreyttist
einnig við breytinguna og hélt því áfram og hef
verið að viða að mér fróðleik og semja uppskriftir
síðan.“
Þrátt fyrir að hneigjast snemma til hollustunnar
sérhæfði Auður sig reyndar í bakstri og kökusk-
reytingum í kjölfar útskriftar sem matreiðslumaður
fyrir röskum 20 árum. Stýrði hún m.a. kökudeild í
stóru bakaríi í Boston um tíma. „En það freistaði
mín ekkert, ég fór í vinnuna þar sem ég bjó til
heilmiklar tertur og fór síðan heim þar sem ég bjó
til dýrindis grænmetisrétti fyrir sjálfa mig,“ segir
hún.
Í dag sérhæfir Auður sig í að fræða fólk um
hollt mataræði og ágæti þess að matreiða holla
rétti, úr góðu hráefni, án allra aukaefna. Gaf hún
m.a. út heilsudrykkjabók fyrir síðustu jól sem seld-
ist upp hjá útgefanda. Ný bók er nú á leiðinni þar
sem súpur og salöt verða í öndvegi. „Þetta eru allt
meinhollar súpur og salöt, “ segir Auður. „Ég nota
engin aukaefni, dýraafurðir eða sykur, auk þess
sem uppskriftirnar eru flestar glúteinlausar og ættu
því að henta öllum, hvort sem fólk er með óþol eða
bara elskar góðan mat.
Það er nefnilega hæg að taka allan mat og gera
hann hollar, hvort sem það er eftirréttur, kökur,
súpur eða hvað sem er,“ segir hún létt í bragði og
gefur uppskrift að hollu snakki og sælgæti fyrir
helgina. gunnhildur@mbl.is
Morgunblaðið/Ómar
UPPSKRIFT HELGARINNAR
Hægt að gera allan mat hollan
AUÐUR INGIBJÖRG KONRÁÐSDÓTTIR MATREIÐSLUMAÐUR SÉRHÆFÐI SIG
Á SÍNUM TÍMA Í BAKSTRI OG KÖKUSKREYTINGUM EN BÝR Í DAG TIL DÝRINDIS
HOLLUSTURÉTTI OG KENNIR ÖÐRUM.
Auður Ingibjörg
einbeitir sér að
hollum mat.
GRÆNKÁLSSNAKK
1 dl cashew-hnetur
2 dl vatn
safi úr 1 límónu
1 lítill hvítlauksgeiri
2 döðlur
1 tsk. karrí
¼ tsk. turmerik
1 tsk. Himalaya-salt
½ tsk. reykt paprika
2 msk. næringarger (fæst í heilsu-
búðum)
2 stórar handfyllir grænkál
Leggið hnetur og döðlur í
bleyti í 2 klst. Sigtið vatnið frá
og maukið allt nema grænkál
saman í blandara. Skolið og
stilkhreinsið grænkálið. Veltið
upp úr kryddmaukinu og dreif-
ið á bökunarplötu. Best er að
setja sílikonmottu á plötuna en
einnig má nota bökunarpappír.
Þurrkið í ofni við 50°C yfir nótt
og setjið skeið á milli stafs og
hurðar á ofninum til að hleypa
út raka.
GRÆNKÁLSSNAKK OG ÁVAXTALEÐUR
ÁVAXTALEÐUR
2 dl ber að eigin vali
1 banani
Maukið allt í blandara.
Dreifið í form og þurrkið yfir
nótt við 50°C. Setjið skeið á
milli stafs og hurðar á ofninum.
Á meðfylgjandi mynd er
ávaxtaleður með rifsberjum en
einnig má nota hindber, bláber, jarðarber eða krækiber. Ef krækiber eru
notuð þarf að mauka þau sér og sigta hratið frá áður en bananinn er mauk-
aður saman við. Best er að nota slétt silicon kökuform til að leðrið festist
ekki við formið.