Morgunblaðið - Sunnudagur - 30.09.2012, Blaðsíða 37

Það kemur iðulega fyrir að ég sé með nýjargræjur í höndunum, nýja farsíma, far-, fis-,spjald eða lestölvur og svo má telja. Ekki hef
ég þó áður upplifað það að þegar ég tek nýja tækið
upp úr vasanum þyrpist að starfsfélagar mínir til að
berja það augum, en svo var er ég hafði sótt nýjan
iPhone 5 í Nova í vikunni.
Segir sitt um þá stöðu sem
Apple hefur í huga fólks
um allan heim að allir vildu
fá að skoða símann, snerta
hann og handfjatla og
sannast ekki síður á því að
þrjá fyrstu dagna seldust
af símanum fimm milljón
eintök, allt sem til var á
lager, sem er víst met.
Stóra spurningin er vitanlega: Hvernig er svo
þessi eftirsótti sími? Því er í senn flókið og einfalt
að svara. Fyrst það einfalda: Hann er þynnri og
léttari, lengri og hraðvirkari og skjárinn er fanta-
flottur. Þá það flókna: Þótt iPhone 5 sé langbesti
sími sem Apple hefur sent frá sér er hann ekki
byltingarkenndur og hefur fyrir vikið orðið mörgum
vonbrigði. Ekki mér reyndar, segi það og skrifa:
þetta er besti sími sem ég hef handfjatlað, heldur
mörgum sem um símann hafa skrifað; það er eins
og menn geti ekki sætt sig við að Apple sé ekki bú-
ið að finna snjallsímann upp aftur; það er ekki nóg
að síminn sé frábær, krafan er að hann sé bylting-
arkenndur og hananú!
Sama á við þegar rýnt er í sölutölurnar á iPhone
5: Víst er þetta met, segja menn, og milljón fleiri en
seldust af iPhone 4 á sama tíma, en við vildum
meira – af hverju seldust ekki átta milljónir?!
Þótt síminn sé framúrskarandi er hann þó ekki
gallalaus. Mikið hefur verið fjallað um kortaþjón-
ustuna sem fylgir nýju stýrikerfi, iOS 6, enda þykir
hún hörmuleg og hægt að skoða óteljandi dæmi um
villur eða afkáralegar myndir á netinu. Að því sögðu
þá er rétt að líta á kortaþjónustuna sem vísi að
vöru frekar en fullkomna vöru, enda er það sem er í
lagi á henni framúrskarandi flott. Nefni sem dæmi
það hvernig skoða má borgir eins og maður sé að
fljúga yfir þær, nokkuð sem tæknimenn Google
hamast nú örugglega við að leika eftir. Kortaþjón-
ustan almennt, sem tekur líka við á iPad-spjaldtölv-
um, er þó í besta falli hálfköruð.
Annar galli er svo í myndavélinni; ef sterkur ljós-
gjafi er í jaðri myndrammans kemur þar fjólublár
bjarmi inn á myndina. Nokkuð sem snýr vænt-
anlega að gerð lisnunnar og varla hægt að laga í
hugbúnaði. Fleira smálegt má eflaust finna að, en
breytir því ekki að hann er hreinræktuð snilld.
HREINRÆKTUÐ SNILLD
EKKI ER MINNI ÁHUGI Á IPHONE 5 HÉR Á LANDI EN ERLENDIS EINS OG KOM Í LJÓS
ÞEGAR NOVA FLUTTI INN SLATTA AF SÍMUM OG MOKAÐI ÞEIM ÚT. ÞAÐ KEMUR EKKI
Á ÓVART Í LJÓSI ÞESS HANN ER LANGBESTI SÍMI SEM APPLE HEFUR SENT FRÁ SÉR.
Græja
vikunnar
ÁRNI
MATTHÍASSON
APPLE IPHONE 5
AFP
30. 09. 2012 MORGUNBLAÐIÐ SUNNUDAGUR 37
Græjur og tækni
iPhone 5
Þynnri, léttari og öflugri
Smáralind
Opnunartímar
Virka daga 11-19 | Fimmtudaga 11 - 21
Laugardaga 11 - 18 | Sunnudaga 13 - 18
Laugavegi 182
Opnunartímar
Virka daga 10-18 | Laugardaga 11 - 16
Sími 512 1300
Apple EarPods
Ný og mögnuð heyrnatól
Sitja vel í eyrum
Dýpri bassi
Þola betur svita og raka
Fjarstýring og hljóðnemi
Verð frá: 179.990.-
Vefverslun
www.epli.is
sendum frítt á land allt
* Skjárinn er frábær, reyndar 326ppi líkt og á 4 og 4S, en hann er eðli-
lega stærri, 4" með 1.136 × 640 díla.
Hlutfallið á honum er 16:9, nákvæm-
lega sama og á breiðtjaldssjónvarpi
og bíómyndum. Myndavélin er líka
verulega endurbætt, að aftan er 8
milljós díla vél sem tekur 1080p Full
HD vídeó með 30 ramma á sek.
Framan á símanum er nú 1,2 milljón
díla vél sem tekið getur vídeó í 720p
upplausn, 30 ramma á sekúndu.
* Nýrri gerð af síma fylgir nýgerð af heyrnartólum, Apple Ear-
Pods. Mér fannst gömlu heyrn-
artólin afleit, billegur hljómur og
fóru heldur illa í eyra. Þessi nýju
hljóma mun betur og þótt seint
verði hægt að ná bassahljómi af viti
í heyrnartólum sem eru á stærð við
einseyring (man einhver eftir
slíku?), þá komast þau býsna langt.
Kýs þó frekar gúmmí en plast, en
það er smekksatriði.
* Nýi síminn er 12,3 sm á lengd,5,8 sm á breidd og ekki nema 0,7 sm
á þykkt. Til samanburðar þá var
iPhone 4/4S 11,5 sm á lengd, 5,8 á
breidd og ríflega 0,9 sm að þykkt.
Þeir eru semsé jafn breiðir en það
munar mikið um þennan tæpa sentí-
metra sem bætist við á lengdina og
mikið um þá 2 mm sem tálgaðir eru
af þykktinni. Hann er líka slatta létt-
ari, ekki nema 112 g samanborið við
140 g á 4S (og 137 g á 4).