Morgunblaðið - Sunnudagur - 30.09.2012, Blaðsíða 60

Þegar Tommy Smith hljóp út á Anfield í gamladaga hafði hann jafnan meðferðis bréfsnifsisem hann afhenti sóknarmanni andstæðing-
anna. Á snifsinu var talnaruna. „Hvað er þetta?“
spurði sóknarmaðurinn klumsa. „Þetta er símanúm-
erið á borgarspítalanum hérna í Liverpool. Þú munt
þurfa á því að halda,“ svaraði Smith að bragði en
sem kunnugt er hélt Bill heitinn Shankly, knatt-
spyrnustjóri Liverpool, því fram að Smith hefði ekki
sprottið fram úr kviði móður sinnar, heldur verið
brotinn af bergi.
Tommy Smith kunni að tækla að tröllasið og
það kunna þeir enn, Púlarar. Alltént ef marka
má tæklinguna sem tryggði Jonjo Shelvey
snemmbúið steypibað í leiknum gegn Man-
chester United um liðna helgi. Heima í
sófa í Breiðholtinu kaldsvitnaði Matthías
Ásgeirsson, tölvunarfræðingur, bloggari
og eldheitur stuðningsmaður Liverpool,
þegar hann sá hvað verða vildi: „Neeeei,
ætlar hann í Gerrard-tæklingu?“
Deildar meiningar eru um hvort uppátækið verðskuldaði rautt spjald en
Matthías er á því að Mark Halsey dómari hafi haft á réttu að standa. Hann er
um leið þeirrar skoðunar að Jonny Evans, miðvörður United, hefði að ósekju
mátt fjúka út af í leiðinni. Hann kom af engu minni þunga inn í stuðið.
„Hvers vegna fara enskir leikmenn svona oft fljúgandi í tæklingar?“ spurði
Matthías mig í vikunni og tilgreindi tvo menn sem tóku þátt í téðri rimmu, Ste-
ven Gerrard og Paul Scholes. Þeir eru alræmdir oftæklarar.
Heppnist tæklingin uppskera þeir dynjandi lófaklapp á pöllunum en mis-
heppnist hún fá þeir prik fyrir dirfskuna. „Hvaða dirfsku?“ spyr Matthías enn.
„Gott og vel ef þetta tekst en heppnist það ekki þá gerist líklega annað tveggja:
Andstæðingurinn liggur mölbrotinn eftir eða hann víkur sér undan og skilur
tæklarann eftir í sverðinum, rjóðan í vöngum.“
Matthías bendir á að sparkendur frá meginlandi Evrópu og Suður-Ameríku
hafi iðulega annan hátt á. „Sjáðu Brasilíumanninn Lucas Leiva! Hann fer alltaf
standandi í tæklingar, vinnur þær oftar en ekki og snýr vörn í sókn. Hann upp-
sker kannski ekki eins mikið klapp en örugglega býsna oft betri vallarstöðu en
sá sem fer fljúgandi í sínar tæklingar.“
Eflaust gefa gamlar kempur á borð við Peter Storey, Ron „Chopper“ Harr-
is og Vinny Jones ekki mikið fyrir þennan málflutning Matthíasar en þeim
fannst á sinni tíð ekki taka því að fara í tæklingu án þess að limir andstæð-
ingsins enduðu uppi í stúku, helst andstæðingurinn allur. Þeir gefa Matt-
híasi ugglaust bara fyrirmæli um að taka bleiku skóna sína og hypja sig í
ballett. En hvað segjum við hin?
AFP
Fleygir tæklarar
* Tommy Smith er án efa harðasti nagli sem ég hef att kappivið. Ég rakst einu sinni á hann og lá eftir í andnauð.Jack Charlton, fyrrverandi leikmaður Leeds United, sem kallaði ekki allt ömmu sína á velli. BoltinnORRI PÁLL ORMARSSON
orri@mbl.is
60 MORGUNBLAÐIÐ SUNNUDAGUR 30. 09. 2012
Afleit byrjun Liverpool á leiktíðinni er áhangend-
um liðsins að vonum áhyggjuefni. Tvö stig úr
fimm leikjum er rýr uppskera og Rauði herinn á
framandi slóðum – í fallsæti.
Brendan Rodgers þarf á öllu sínu liði að halda og
enda þótt hann fari nú í leikbann gæti Jonjo
Shelvey orðið liðtækur ræðari á
galeiðunni á komandi vikum og
mánuðum.
Eins magnaður leikmaður
og Luis Suárez er þá verður
hann seint skilgreindur sem
markavél og í fljótu bragði
er ekki gott að átta sig á
því hvaðan mörkin eiga að
koma. Nuri Sahin minnti að
vísu á sig í vikunni. Steven
Gerrard yngist ekki og
hæpið er að leggja of þung-
ar byrðar á herðar táning-
unum Raheem Sterling og
Suso. Þeir hafa klárlega burði til
að ná meiri hæðum en Stewart Downing en
þurfa tíma. Best að byrja ekki einu sinni á
Andy Carroll-málinu hér.
Berast þá böndin að Shelvey. Miðvelling-
urinn tvítugi hefur vissulega aðeins gert eitt
mark í 31 deildarleik fyrir Liverpool en það
var afar glæsilegt og bar nefi hans fyrir
marki fagurt vitni. Þá komu tvö mörk til
viðbótar í Evrópuleik gegn Ungu drengj-
unum í Bern á dögunum. Áður en hann
kom til Liverpool gerði Shelvey sjö mörk í
42 leikjum fyrir Charlton og á liðinni leik-
tíð kom hann tuðrunni sex sinnum í netið í
aðeins tíu leikjum sem lánsmaður hjá
Blackpool. Þá hefur kappinn skorað fyrir öll
ungmennalandslið Englands.
En það er ekki nóg að hafa burðina, menn
verða að standa í fæturna!
Afleit byrjun Rauða hersins
AFP
Mark Halsey víkur Jonjo
Shelvey af velli á Anfield
um liðna helgi. Dóm-
aranum er lítið um fljúg-
andi tæklingar gefið.
Það var bjartara
yfir Jonjo Shelvey
þegar hann skor-
aði tvö mörk í
Evrópuleik í Sviss
á dögunum.
HVERS VEGNA TAKAST ENSKIR MIÐVELLINGAR, EINS OG JONJO SHELVEY, GJARNAN Á LOFT
ÁÐUR EN ÞEIR FARA Í TÆKLINGAR? ERU TILÞRIF AF ÞVÍ TAGI E.T.V. TÍMASKEKKJA?
GETUR SHEL-
VEY SKORAÐ?
GETUR JONJO SHELVEY SKORAÐ
MÖRKIN SEM MUNU MJAKA LIVERPOOL
UPP TÖFLUNA Í ÚRVALSDEILDINNI?