Morgunblaðið - Sunnudagur - 30.09.2012, Blaðsíða 40

40 MORGUNBLAÐIÐ SUNNUDAGUR 30. 09. 2012
Föt og fylgihlutir
1. Hvernig kemur fataskápurinn þinn undan sumri – hvernig ertu búinn undir veturinn? Fata-
skápurinn kemur sólríkur undan sumri og hefur ekki fitnað af vetrarfötum enn sem komið er.
Reyndar á ég bara heilsársföt og annað er ekki í deiglunni. Ég trúi því að veturinn verði sumri
líkastur og mun því halda áfram að vera léttklæddur, enda oftast innandyra.
2. Er eitthvað á sérstakt á óskalistanum þetta haustið? Ég hef aldrei átt óskalista hvað varðar
flíkur. Ég er tiltölulega nýtinn á föt og setti nýlega þrælgöttóttan bol í poka ætlaðan Rauða
krossinum en fram að þeim tíma notaði ég hann nokkrum sinnum í viku. Það loftaði vel um mig
í honum.
3. Hvar verslar þú helst? Ég versla helst ekki – nema þegar ég á leið um útlönd. Ég finn mér
alltaf föt í H&M og Abercrombie. Er frekar ódýr í rekstri á þessum vettvangi og vil vitanlega
líta út eins og bláfátækur listamaður sem hefur varla efni á latte.
4. Fylgistu vel með tískustraumum og stefnum? Ég fylgist illa með tískustraumum og er yf-
irleitt nokkrum „seasonum“ á eftir, dett niður á eitthvað sem er fyrir löngu komið úr tísku. Ég
fylgi mínum þægindastraumi og klæðist því sem mér líður vel í hverju sinni. Um daginn sá ég
að rúllukragapeysur eru að verða móðins aftur en nýlega gaf ég tvær
slíkar. Sem sagt, ýmist á undan eða á eftir.
5. Hvernig myndir þú lýsa þínum fatastíl? Minn stíll
er fremur látlaus og einfaldur og eins og góður dóm-
ari í knattspyrnuleik – enginn tekur eftir honum.
6. Áttu þér eitthvert gott stef, ráð eða mottó þegar
kemur að fatakaupum? Góðar gallabuxur eru lykil-
atriði, „stylish“ bolur eða þokkalega þröng ljósblá
skyrta. Ég get ekki gefið öðrum ráð, ekki frekar en
Gísli á Uppsölum.
M
or
gu
nb
la
ði
ð/
Ó
m
ar
ÞORGRÍMUR ÞRÁINSSON RITHÖFUNDUR
Getur ekki gefið öðr-
um ráð frekar en Gísli
Vel sniðnar
skyrtur eru
tímalausar.
Góðar galla-
buxur eru
þarfaþing.
1. Hvernig kemur fataskápurinn þinn undan sumri – hvernig ertu búinn undir veturinn? Ég
held að ég sé bara þokkalegur. Í mínu starfi er mikilvægt að eiga dálítið af skyrtum og mér
sýnist skyrtustaðan vera ágæt. Ég hef hægt og sígandi verið að færa mig frá því að vera í
jakkafötum í vinnunni. Kýs frekar staka jakka, einhverjar klæðilegar buxur, s.s. eins og frá
Farmers Market, og skyrtu og bindi. Þannig að ég hef reynt að koma mér upp klæðaskáp út
frá þessum áherslum undanfarið.
2. Er eitthvað sérstakt á óskalistanum þetta haustið? Tja, auðvitað er alltaf gott að eiga flott
jakkaföt. Gæti bætt við mig einum þannig. Svo gæti ég notað flotta svarta skó. Og reffilegan
vetrarfrakka. Það er að kólna. En þessi listi hefur mikla þýðingu akkúrat núna, skal ég segja
þér, því ég verð fertugur eftir mánuð. Gæti kannski fengið þetta að gjöf.
3. Hvar verslar þú helst? Fyrsta stoppið er yfirleitt í Herrafataverslun Kormáks og Skjaldar.
Þar finn ég oftast eitthvað við hæfi.
4. Fylgistu vel með tískustraumum? Nei, ég fylgist ekkert sérstaklega vel með. En það kann
að vera að tíðarandinn smokri sér samt sem áður inn í undir-
meðvitundina einhvern veginn. Alla vega á ég þrjá jakka með
olnbogabótum og lét meira að segja setja slíkar á einn gráan
jakka sérstaklega. Þær eru úr hreindýraskinni. Finnst
það mjög töff.
5. Hvernig myndir þú lýsa þínum fatastíl?
Frjálslegur.
6. Áttu þér eitthvert gott stef,
ráð eða mottó þegar kemur að
fatakaupum? Ef Alexía segir
go, þá eru allir sáttir.
M
or
gu
nb
la
ði
ð/
Ó
m
ar
GUÐMUNDUR STEINGRÍMSSON ALÞINGISMAÐUR
Ef konan segir go,
þá eru allir sáttir
Olnboga-
bæturnar
njóta áfram
vinsælda.
Góðir klassískir svartir
skór eru nauðsyn.
Vetur
fer í
hönd
MARGIR HUGA ÞESSA DAGANA AÐ
VETRARKLÆÐUM ENDA KÓLNAR
SNARPT NÚ UM STUNDIR. KARLPEN-
INGUR ÞESSA LANDS ER ÞAR EKKI
UNDANSKILINN. TVEIR SMEKKLEGIR
MENN SEGJA FRÁ STÖÐUNNI Á FATA-
SKÁPNUM ÞETTA HAUSTIÐ.
Gunnhildur Ásta Guðmundsdóttir
gunnhildur@mbl.is