Morgunblaðið - 09.02.2013, Blaðsíða 2
Morgunblaðið/Golli
Gamla Reykjavíkurapótekið Hugmyndir eru um að breyta húsinu í hótel.
Skúli Hansen
skulih@mbl.is
„Menn hafa áhuga á að skoða þenn-
an möguleika og það er náttúrlega
engin spurning að þetta er eitt
glæsilegasta húsið í borginni,“ segir
Karl Steingrímsson, eigandi Austur-
strætis 16, en Reykjavíkurborg hef-
ur borist fyrirspurn frá Frey
Frostasyni arkitekt þess efnis hvort
leyft yrði að starfrækja veitingahús
á fyrstu hæð og hótel á efri hæðum
fasteignarinnar, sem gjarnan er
kennd við Reykjavíkurapótek.
Að sögn Karls fer málið fyrir
skipulagsráð Reykjavíkur næstkom-
andi mánudag. Aðspurður hvort
innbú hússins sé friðað segir Karl
svo ekki vera. „Það sem er friðað er
ytra byrðið og stigahúsið sunnan-
megin, þar sem lyftan og stytturnar
eftir Guðmund frá Miðdal eru,“ seg-
ir Karl og bætir við: „Þannig að allt
innra skipulag býður vel upp á það
að búa þarna til hótel.“
Spurður út í fyrirspurnina segir
Freyr Frostason að verið sé að
kanna hvort Reykajvíkurborg sé
tilbúin að skoða það að þetta hús
verði að hóteli. „Það eru eigendur
hússins sem hafa áhuga á því að
kanna það og ég sendi því þetta bréf
fyrir þeirra hönd,“ segir Freyr.
Vilja breyta
gamla apótek-
inu í hótel
Kanna áhuga Reykjavíkurborgar
Austurstræti 16
» Reykjavíkurapótek var
byggt árið 1917 eftir teikn-
ingum Guðjóns Samúelssonar.
» Í húsinu hefur verið rekin
ýmiss konar starfsemi. Þar var
lengi rekið Reykjavíkurapótek.
Frá 1918 til 1924 starfaði
Landsbankinn þar og árið 1929
fluttist skrifstofa borgarstjóra
þangað auk fleiri skrifstofa
borgarinnar og voru þær þar
allt til 1991 þegar ráðhúsið við
Tjörnina var tekið í notkun.
» Á síðustu árum hafa ýms-
ir skemmtistaðir verið starf-
ræktir á jarðhæð hússins,
þ.á m. Apótekið og Esja-bar.
Skipulagsráð Reykjavíkurborgar fjallar um beiðni til breytinga á húsinu Austurstræti 16
2 FRÉTTIRInnlent
MORGUNBLAÐIÐ LAUGARDAGUR 9. FEBRÚAR 2013
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
María Lind Ingvarsdóttir
mli1@hi.is
„Krabbameinssjúklingar og að-
standendur þeirra eru áhyggjufullir
og kvíðafullir yfir því hvort það tak-
ist að leysa þessa deilu áður en í al-
gjört óefni kemur,“ segir Ragnheið-
ur Haraldsdóttir, forstjóri Krabba-
meinsfélagsins, um yfirvofandi
uppsagnir tæplega 300 hjúkrunar-
fræðinga og annarra heilbrigðis-
starfsmanna sem taka gildi um
næstu mánaðamót.
Viðbótarkvíði
eykur kvilla
Ragnheiður segir að sjúklingar
kvíði því að þurfa að sækja þjónustu
á sjúkrahúsum eftir að til útgöngu
hjúkrunarfræð-
inga og fleiri heil-
brigðisstarfs-
manna komi:
„Meiri kvíði en sá
sem fylgir sjúk-
dómum er mjög
óheppilegur og
getur valdið ýms-
um aukakvillum.
Mjög nauðsyn-
legt er að koma í
veg fyrir allan viðbótarkvíða.“
Ragnheiður segir að staðan hafi
ekki verið rædd með formlegum
hætti innan félagsins en félagsmenn
hafi miklar áhyggjur af ástandinu:
„Ef fram heldur sem horfir þarf að
ræða hvort hægt sé að halda áfram í
þessa átt.“
Ómetanleg reynsla tapast
Ragnheiður segir að hver dagur
sem líði skipti máli fyrir sjúklinga og
starfsfólk. Innan margra deilda sé
ómetanleg reynsla, sem ómögulegt
sé að bæta.
„Ef starfsfólkið hverfur á braut
kemur það ekki endilega til baka þó
svo að leysist úr deilunni. Þekking
og reynsla sem tapast verður ekki
bætt og því verður að leysa sem
fyrst úr ágreiningsefnunum. Þetta
er nú þegar farið að hafa mikil áhrif
á þjónustuna, líðan og heilsu sjúk-
linga og aðstandendur,“ segir Ragn-
heiður og telur að ef ekki verði sam-
ið eins fljótt og auðið er, dragi það úr
líkunum á friðsamlegri lausn fyrir
alla aðila.
Kvíða sjúkrahúsheimsókn
Ástandið á LSH farið að hafa sýnileg áhrif á sjúklinga
Forstjóri Krabbameinsfélagsins hefur miklar áhyggjur
Ragnheiður
Haraldsdóttir
Lögreglan á Suð-
urnesjum lagði
hald á kannabis-
efni og duft í
hvítum poka í
gær. Lögreglan
heimsótti mann á
þrítugsaldri sem
var grunaður um
fíkniefnamis-
ferli, sá framvísaði efnunum. Hann
tók þó fram að hann stæði í þeirri
meiningu að hvíta efnið væri sykur
en sagðist þó ekki viss.
Þá ók maður niður stöðvunar-
skilti í umdæmi lögreglunnar á
Suðunesjum í gær. Auk þess urðu
þrjú umferðaróhöpp í umdæminu á
fimmtudag, í öllum tilfellum var um
að ræða aftanákeyrslu.
Taldi hvítt duft í
poka vera sykur
Fulltrúar frá Náttúrustofu Vestur-
lands munu fylgjast grannt með
fuglalífi í Kolgrafafirði á næstunni.
Samkvæmt áætlunum verður geng-
ið um fjörur fjarðarins á fimm daga
fresti, m.a. um helgina. „Við göng-
um um og munum m.a. notast við
sjónauka og athuga hvort við kom-
um auga á grútarblauta fugla,“
segir Róbert Arnar Stefánsson, líf-
fræðingur og forstöðumaður Nátt-
úrustofu Vesturlands.
Hann segir að gríðarlegur fjöldi
fugla geti torveldað eftirlitsferð-
irnar, eftir því sem fleiri fuglar séu
á svæðinu því erfiðara verði að
koma auga á þá grútarblautu ef
einhverjir eru.
Fylgjast með fugla-
lífi í Kolgrafafirði
rjómabollu-
dagurinn
H
V
ÍT
A
H
Ú
S
IÐ
/
S
ÍA
Þú færð góða bolluuppskrift
á gottimatinn.is
Heimir Snær Guðmundsson
heimirs@mbl.is
„Það sem ég hef verið að heyra er að
mönnum finnst búið að vera of mikið
að gera, of lengi. Hljóðið er ansi
þungt í læknum,“ segir Þorbjörn
Jónsson, formaður Læknafélags Ís-
lands, spurður um andrúmsloftið
innan læknastéttarinnar. Óánægja
lækna með kjör og starfsaðstæður
hefur verið að magnast á síðustu
misserum.
Óánægjan hefur m.a. birst í upp-
sögnum deildarlækna á bæklunar-
skurðdeild Landspítalans en um
næstu mánaðamót verða þar aðeins
eftir einn aðstoðardeildarlæknir og
læknanemi á sjötta ári. „Vinnuna þar
þarf að vinna og hún mun væntan-
lega bara flytjast yfir á aðra sem
hafa nóg að gera fyrir,“ segir Þor-
björn.
Hræddir um að geta ekki veitt
nægjanlega góða þjónustu
Í vikunni hefur Morgunblaðið m.a.
fjallað um aukið álag á Landspítalan-
um vegna farsótta og í kjölfarið hef-
ur blossað upp umræða um gríðar-
legt álag á læknum á Land-
spítalanum. „Ég held að þessi
langvarandi sparnaður og niður-
skurður sé farinn að bíta svona illa
núna. Læknar eru orðnir hræddir
um að þeir geti ekki veitt nægjanlega
góða þjónustu.
Ég hef sagt það í
fjölmiðlum áður
og það liggur
bara í augum uppi
að þegar álagið er
of mikið er hætt-
an á því að eitt-
hvað fari úrskeið-
is meiri. Þegar
um er að ræða líf
og heilsu fólks þá er það alls ekki
ásættanlegt.“
Aðspurður hvort holskeflu upp-
sagna sé að vænta frá læknum á
næstunni líkt og hjá hjúkrunarfræð-
ingum vill Þorbjörn ekki tjá sig um
slíkar vangaveltur. Hann segist þó
óttast að yngri læknar muni flýta för
sinni til útlanda frekar, þeir muni t.d.
staldra við árinu skemur en áður. Þá
nefnir Þorbjörn að í nýlegri könnun
Læknafélagsins hafi komið í ljós að
um 20% sérfræðilækna hér á landi
starfa að hluta til erlendis meðfram
aðalstarfi sínu hér á landi. Það sé ef-
laust hærra hlutfall en áður hefur
þekkst hér á landi. Þá tekur Þor-
björn fram að þróunin í Skandinavíu
undanfarin ár sé sú að sjúklingum á
bak við hvern lækni sé að fækka.
Hann segir að því sé ekki svo farið
hér á landi.
Þorbjörn segir að kjarasamningar
lækna renni út um næstu áramót.
Hann segir unnið að undirbúningi
kjaraviðræðna og stefnumótun um
þessar mundir og vill lítið tjá sig um
kröfugerð á þessu stigi.
„Kröftugt innlegg“
Á fundi deildarlækna og kandí-
data á miðvikudaginn kom fram að
laun lækna hefðu hækkað um 12,6%
frá 2007 og í raun lækkað með tilliti
til verðbólgu. Þar voru tekin dæmi
um aðrar stéttir eins og ljósmæður
sem hefðu hækkað um 44,7% og
hjúkrunarfræðinga sem hefðu
hækkað um 24,6% á sama tíma. Þor-
björn segir lækna meðvitaða um
þessar tölur og þær séu vissulega
kröftugt innlegg í undirbúning
þeirra fyrir kjarasamningsgerð.
Læknar á LSH orðnir langþreyttir
Þungt hljóð í læknum að sögn formanns Læknafélagsins Hættan eykst við of mikið álag
Segir áhrif langvarandi niðurskurðar að koma í ljós Kjarasamningar renna út um áramótin
Þorbjörn Jónsson