Morgunblaðið - 09.02.2013, Blaðsíða 38
38 MINNINGAR
MORGUNBLAÐIÐ LAUGARDAGUR 9. FEBRÚAR 2013
✝ HólmfríðurFriðriksdóttir
fæddist á Sauð-
árkróki 3. júlí 1937.
Hún lést á Heil-
brigðisstofnuninni
Sauðárkróki 2.
febrúar 2013.
Foreldrar Hólm-
fríðar voru Friðrik
Guðmann Sigurðs-
son bifvélavirki, f.
22.5. 1917, d. 5.9.
1987, og Brynhildur Jón-
asdóttir, húsmóðir og verka-
kona, f. 23.7. 1911, d. 18.4. 2007.
Bróðir Hólmfríðar var Stefán
Jónas Friðriksson, f. 31.1. 1941,
d. 16.12. 1941. Uppeldissystir
Hólmfríðar er Hildur Bjarna-
dóttir, f. 1948, maki Bjarni
Thors.
Hólmfríður giftist 26.9. 1959
Jóni Karli Karlssyni frá Mýri
Bárðardal, f. 11.5. 1937. Börn
Hólmfríðar og Jóns eru: 1)
Brynhildur Björg, f. 10.6. 1959,
23.4. 1969, framkvæmdastjóri á
Sauðárkróki, maki Guðný Jó-
hannesdóttir, f. 4.1. 1974. Þeirra
börn eru Rebekka Rán, f. 15.11.
1996, Árdís Eva, f. 6.5. 1997,
Haukur Sindri f. 10.2. 1999 og
Skírnir Már, f. 26.6. 2001.
Starfsferill Hólmfríðar ein-
kenndist í upphafi af hefð-
bundnum verkakvennastörfum
og verslunar- og þjónustu-
störfum. Þannig vann hún við
verslanir Kaupfélags Skafirð-
inga, um tíma við fiskvinnslu og
verksmiðjustörf, en lengst af á
umboðsskrifstofu Brunabóta-
félags Íslands á Sauðárkróki og
seinna VÍS, þar af lengi sem um-
boðsmaður ásamt eiginmanni
sínum. Hún tók þátt í ýmsum fé-
lagsstörfum og lengst af í Lions-
hreyfingunni þar sem hún var
mjög virk, bæði í sínum klúbbi
og með eiginmanni sínum. Hún
hafði mikinn áhuga á hvers kyns
íþróttum, spilaði sjálf handbolta
og var svo einn dyggasti stuðn-
ingsmaður körfuboltans á Sauð-
árkróki. Hún hafði einnig mikið
yndi af allri handavinnu og skil-
aði henni afar fallega frá sér.
Útför Hólmfríðar fer fram frá
Sauðárkrókskirkju í dag, 9.
febrúar 2013, kl. 14.
leikskólastjóri á
Akranesi, maki Sig-
mundur Ámunda-
son, f. 7.4. 1956.
Þeirra börn eru Jón
Brynjar, f. 23.12.
1977, maki Berg-
lind Karlsdóttir, f.
6.10. 1975. Birgir
Óli, f. 11.4. 1980,
hans börn eru
Kristinn Bjarki, f.
21.11. 1998, dáinn
sama dag, Harpa Sóley, f. 18.4.
2001 og Ísak Máni, f. 1.8. 2005.
Sambýliskona Birgis Óla er
Unnur Alexandra Sigurð-
ardóttir, f. 22.9. 1971, hennar
dóttir er Karolína Hrönn, f. 1.3.
1992. Bjarki, f. 1.9. 1990. 2)
Friðrik, f. 3.8. 1960, véltækni-
fræðingur, búsettur á Sauð-
árkróki. Börn hans eru Stefán
Friðrik, f. 18.8. 1982 og Ragn-
hildur, f. 12.8. 1989, sambýlis-
maður Ragnhildar er Aðalsteinn
Arnarson, f. 3.4. 1986. 3) Karl, f.
Öllu lokið, mamma. Slokknað
ævi þinnar ljós.
Hjúfrar sig að barmi þínum
hvít og friðsæl rós.
Lémagna sú hönd, er þerrði
ljúfast vota kinn.
– Drjúpi hljótt og rótt mín tár
við dánarbeðinn þinn.
Blessuð sé hver tíð, er leið
á braut í fylgd með þér,
vongleðin og ástúð þín,
sem vakti yfir mér.
– Bið eg þess af hjarta nú
á bljúgri kveðjustund,
að bænir þínar leiði þig
sem barn á guðs þíns fund.
(Kristinn Reyr)
Við leiðarlok mömmu er margs
að minnast bæði frá uppvexti og
síðar. Ég minnist þess sem hún
var mér og Simma og einstök
amma drengjanna minna. Síðast
en ekki síst minnist ég hennar sem
hetjunnar sem barðist við veikindi
sín sl. tíu ár af þvílíku æðruleysi og
reisn sem orð ná ekki að lýsa og
aldrei missti hún húmorinn. Þessi
ár dvaldi hún á Heilbrigðisstofn-
uninni Sauðárkróki og naut þar
þeirrar bestu aðhlynningar sem
hægt er að hugsa sér. Stórfjöl-
skyldan þakkar af alhug þeirra
manngæsku og vináttu. Ég veit
fyrir víst að nú er mamma farin á
guðs síns fund.
Þín dóttir,
Brynhildur Björg.
Ég var svo heppinn að vera
langyngstur systkina minna og því
varð baráttan um athygli mömmu
aldrei mikil hjá mér. Á viðkvæm-
um uppvaxtarárum naut ég móð-
urástarinnar nær óskipt og geri
mér grein fyrir því nú, þegar ég
kveð mömmu hinni hinstu kveðju,
hversu djúpstæð áhrif þessi hæg-
láta, hlýja og gefandi kona hafði á
mig. Margar af mínum fyrstu
bernskuminningum eru um sjálf-
an mig hlaupandi úr herberginu
mínu og til mömmu, þar sem ég
fékk hlýtt og innilegt faðmlag.
Ekki út af neinu sérstöku, það var
bara svo voðalega gott að finna
hlýjuna sem frá mömmu streymdi.
Ég var sannkallaður mömmu-
strákur og ég held að ég hafi verið
það fram á hennar síðasta dag. Ég
entist á leikskóla í einn dag held
ég, ég vildi hvergi annars staðar
vera en hjá mömmu sem gutti.
Mamma studdi mig með ráðum
og dáð í hverju því sem ég tók mér
fyrir hendur. Hvort sem það var á
íþróttasviðinu eða í tónlist, alltaf
hvatti hún mig áfram og fylgdist
með af hliðarlínunni. Hún mætti á
flesta leiki sem Tindastóll spilaði í
körfunni, allt fram undir það síð-
asta og ég man hvað mér þótti það
mikilvægt að hún væri meðal
áhorfenda þegar ég var sjálfur að
spila. Hólavegur 31 var ávallt op-
inn fyrir vini mína og kunningja og
ekki munaði mömmu um að bæta
við diskum á eldhúsborðið ef ég
dró félagana með mér heim á mat-
ar- eða kaffitímum. Í hádeginu á
leikdegi var eldað saltkjöt, enda
trúði mamma því að með því fengi
ég mikla orku fyrir átök kvöldsins
og svo fór stundum að fleiri en
einn liðsfélagi minn komu í mat
líka. Það var nú ekki mikið vanda-
mál. Mér er það mjög minnisstætt
hvað mamma var dugleg að
sauma. Ég gekk oft á tíðum í flík-
um sem hún hafði saumað sjálf og
hún vílaði ekki fyrir sér að sauma
föt eftir pöntunum. Þannig vantaði
mig einu sinni markmannsbuxur
og hún var ekki lengi að sauma
slíkar buxur með púðum á hnjám
og mjöðmum. Eitt sinn langaði
mig í upphitunargalla með smellu-
buxum og sú var ekki lengi að búa
það til í Tindastólslitunum og eftir
öllum kúnstarinnar reglum. Það
var mér gríðarlegt áfall þegar
mamma veiktist 2003. Tilhugsunin
um að eiga aldrei eftir að hitta þá
móður sem ég þekkti og ól mig
upp, var mér mjög þungbær.
Breytingarnar sem urðu á hennar
högum urðu miklar, en hún tókst á
við lífið eftir þetta af æðruleysi og
hafði pabba sér við hlið, sannkall-
aðan klett í hafi, sem studdi hana
og helgaði líf sitt umönnun hennar
fram á hennar síðasta dag. Starfs-
fólk dvalarheimilisins gerði henni
svo lífið enn bærilegra og er leitun
á öðru eins viðmóti og fagmennsku
og þar er að finna.
Þegar komið er að leiðarlokum
eins og nú, er eðlilegt að minning-
arnar streymi fram. Að lýsa þeim í
stuttri minningargrein er ógern-
ingur, en þeim mun meira ylja þær
mér í huganum. Ég vildi óska þess
að börnin mín og eiginkona hefðu
fengið að kynnast þeirri konu bet-
ur sem ól mig upp og kenndi mér
svo margt gott í lífinu. Ég vona
innilega að ég nái að endurspegla
eitthvað af öllu því góða sem
mamma stóð fyrir í mínu eigin
daglega lífi.
Karl Jónsson.
Klettur, yndisleg móðir, amma,
vinkona, eiginkona, allt eru þetta
orð sem ég hef síðastliðin tæp níu
ár heyrt um hana tengdamóður
mína. Sjálf var ég svo óheppin að
kynnast Lillu ekki áður en áfallið
reið yfir en persónuleiki hennar
varð aldrei samur þó svo að oft og
tíðum hafi glitt í hina réttu Lillu.
Það getur ekki hafa verið auðvelt
að hafa verið kippt út úr hinu dag-
lega lífi og yfir á hliðarlínuna en
aldrei heyrði ég hana tengdamóð-
ur mína kvarta yfir veikindum sín-
um eða bera sig illa. Þegar glitti í
hina glettnu móður og húsmóður
fann ég til samkenndar og við náð-
um vel saman. Áttum góðar ferðir
bæði í borgina og á Akureyri þar
sem kíkt var í búðir og gjafir
keyptar. Lillu var umhugað um að
passa upp á að börn og barnabörn
fengju góðar gjafir og oft þótti
henni tengdadóttirin ekki setja
nógu mikið í pakkana og vildi fara
að bæta í.
Hún Lilla helgaði líf sitt eigin-
manni og börnum og var óþreyt-
andi að fylgja þeim eftir í lífi og
starfi. Jóni sínum fylgdi hún í fé-
lagsmálunum auk þess sem hún
tók sjálf virkan þátt í félagsstarfi
og var m.a. virk í Lionsklúbbnum
Björk allt þar til heilsar leyfði það
ekki lengur. Jón stóð eins og klett-
ur við hlið eiginkonu sinnar í veik-
indum hennar og allt til enda.
Samband þeirra var fallegt, hreint
og beint og okkur börnum og
tengdabörnum til fyrirmyndar.
Þá er ekki hægt annað en koma
á framfæri þökkum til frábærs
starfsfólks á deild 5 á Heilbrigð-
isstofnuninni á Sauðárkróki fyrir
þá hlýju sem það alla tíð setti í
umönnun Lillu okkar.
Það er komið að kveðjustund.
Hann Kalli minn var mömmu-
strákur og mun alla tíð vera.
Minning um góða konu mun lifa í
afkomendum hennar sem í dag
kveðja ættmóðurina.
Hafðu þökk fyrir allt og allt.
Guðný Jóhannesdóttir.
Þann 2. febrúar síðastliðinn
kvaddi amma mín Hólmfríður
Friðriksdóttir þennan heim eftir
mikil og erfið veikindi undanfarin
10 ár. Þá rifjuðust upp margar
minningar um hana sem munu
hlýja mér um hjartarætur um
mörg ókomin ár. Ég dvaldist mik-
ið hjá ömmu þegar ég var yngri og
eins komu hún og afi mikið til okk-
ar fjölskyldunnar þegar við bjugg-
um í Fljótunum á árunum 1978-
1981 og man ég vel eftir þeim
heimsóknum þótt ég hafi ekki ver-
ið hár í loftinu. Þegar við fluttum á
Krókinn jukust samverustundirn-
ar og var ég hjá ömmu og afa oft á
hverjum degi og átti ég alltaf skjól
hjá þeim ef mamma og pabbi fóru í
ferðalög, eftir skóla eða eftir
körfubolta- eða fótboltaæfingu.
Oft kom ég snemma á morgnana
til ömmu og afa og þá var uppá-
haldsmorgunmaturinn ristað
brauð, linsoðið egg og Nesquik-
kakó. Amma mín var mikil áhuga-
manneskja um allar íþróttir og þá
sérstaklega körfubolta og fór hún
á leiki með Tindastól þegar heilsan
leyfði. Sjálfur fór ég ekki varhluta
af íþróttaáhuga hennar og var hún
mjög dugleg að fylgja mér, bæði
þegar ég spilaði fótbolta og körfu-
bolta og studdi hún mig mjög mik-
ið. Þá eru eftirminnileg kvöldin
þegar ég hjólaði til ömmu og
horfði alltaf á Matlock og Derrick
með henni þar sem við höfðum
bæði mikinn áhuga á þessum þátt-
um og voru oft skiptar skoðanir
um hver væri morðinginn og hver
ekki. Þótt ég yrði eldri þá minnk-
uðu samskiptin lítið. Ég flutti
reyndar frá Króknum til Reykja-
víkur árið 1998 en ég var mjög
duglegur að koma norður í heim-
sókn og gisti ég alltaf hjá ömmu og
afa vegna þess að mamma og
pabbi fluttu líka í burtu frá Krókn-
um þetta ár. Rúmlega tveimur ár-
um seinna flutti ég á Skagaströnd
og jukust heimsóknirnar á Krók-
inn og þá voru amma og afi einnig
mjög dugleg að heimsækja mig og
Berglindi á Skagaströnd. En fyrir
10 árum dundi ógæfan yfir er hún
veiktist skyndilega mjög alvarlega
og þurfti hún að flytja á Heilbrigð-
isstofnunina á Sauðárkróki. Það er
alltaf mikið áfall þegar fótunum er
kippt skyndilega undan mann-
eskju í fullu fjöri og voru næstu ár
mjög erfið. Hún náði aldrei líkam-
legum bata en gat tjáð sig og vor-
um við mjög dugleg að hringjast á
og einnig ég að koma í heimsóknir
á Krókinn til hennar. Hún tók
veikindunum seinna meir af miklu
æðruleysi og var dugleg að taka
þátt í daglegu lífi hjá fjölskyldunni
eins og fermingu yngri bróður
míns á Akranesi árið 2004, fimm-
tugsafmæli móður minnar á Akra-
nesi árið 2009 og einnig þrítugs-
afmæli hjá næstyngsta bróður
mínum sem var haldið á Bifröst
árið 2010 og þar hélt hún ræðu
sem verður lengi í minnum höfð.
En nú er kallið komið hjá ömmu
minni og var hún eflaust hvíldinni
fegin. Ég vil að lokum þakka
starfsfólki Heilbrigðisstofnunar-
innar á Sauðárkróki fyrir frábæra
umönnun á ömmu minni undan-
farin 10 ár og bið góðan Guð að
styrkja afa minn þar sem hann
hefur misst lífsförunaut sinn til
tæplega 60 ára.
Elsku amma, takk fyrir mig.
Þinn dóttursonur,
Jón Brynjar Sigmundsson.
Hólmfríður
Friðriksdóttir
Fleiri minningargreinar
um Hólmfríði Friðriksdótt-
ur bíða birtingar og munu
birtast í blaðinu næstu daga.
Raðauglýsingar 569 1100
Nauðungarsala
Uppboð
Einnig birt á www.naudungarsolur.is.
Framhald uppboðs á eftirfarandi eignum verður háð á þeim
sjálfum, sem hér segir:
Kríuhólar 2, 204-8976, 7,1420% ehl., Reykjavík, þingl. eig. Eyþór
Guðmundsson, gerðarbeiðandi Sýslumaðurinn á Blönduósi,
miðvikudaginn 13. febrúar 2013 kl. 10:30.
Krummahólar 2, 204-9361, Reykjavík, þingl. eig. Jóhanna M. Krist-
jánsdóttir, gerðarbeiðendur Arion banki hf. ogTryggingamiðstöðin hf,
miðvikudaginn 13. febrúar 2013 kl. 10:00.
Lambasel 32, 229-4556, Reykjavík, þingl. eig. Ásmundur Kristinsson
og Sigrún Guðjónsdóttir, gerðarbeiðandi Lífeyrissjóður verslunar-
manna, miðvikudaginn 13. febrúar 2013 kl. 11:00.
Sýslumaðurinn í Reykjavík,
8. febrúar 2013.
Uppboð
Einnig birt á www.naudungarsolur.is.
Framhald uppboðs á eftirfarandi eignum verður háð á þeim
sjálfum, sem hér segir:
Hátún 12, 229-8038, Reykjavík, þingl. eig. Hagtæki ehf, gerðar-
beiðendur Íslandsbanki hf., Orkuveita Reykjavíkur og Reykjavíkur-
borg, fimmtudaginn 14. febrúar 2013 kl. 14:30.
Í Miðdalsl. II 125174, 208-4613, Mosfellsbæ, þingl. eig. Alda Valgarðs-
dóttir, gerðarbeiðendur Mosfellsbær, Sýslumaðurinn í Hafnarfirði og
Vátryggingafélag Íslands hf., fimmtudaginn 14. febrúar 2013 kl. 10:00.
Laugarnesvegur 100, 201-6480, Reykjavík, þingl. eig. Helga Björg Dag-
bjartsdóttir og Ásgeir Óskarsson, gerðarbeiðandi Landsbankinn hf.,
fimmtudaginn 14. febrúar 2013 kl. 15:00.
Laxatunga 169, 231-6841, Mosfellsbæ, þingl. eig. þ.b. Elma Björk
Diego, gerðarbeiðandi Mosfellsbær, fimmtudaginn 14. febrúar 2013
kl. 10:45.
Sundlaugavegur 14, 201-8864, Reykjavík, þingl. eig. Björg Erlings-
dóttir, gerðarbeiðandi Sparisjóður Reykjavíkur/nágr. hf, fimmtudaginn
14. febrúar 2013 kl. 14:00.
Sýslumaðurinn í Reykjavík,
8. febrúar 2013.
✝
Þökkum innilega auðsýnda samúð, hlýhug
og vináttu við andlát og útför dóttur okkar,
systur og mágkonu,
HEKLU SIGMUNDSDÓTTUR
dósents,
Löngumýri 26,
Garðabæ,
sem andaðist fimmtudaginn 17. janúar.
Sérstakar þakkir færum við starfsfólki á deild 11 E, Land-
spítalanum við Hringbraut, og Heimahlynningunni fyrir alúð og
góða umönnun.
Margrét Þorvaldsdóttir, Sigmundur Guðbjarnason,
Snorri Sigmundsson, Sara Jewett Sigmundsson,
Logi Sigmundsson,
Ægir Guðbjarni Sigmundsson, Anna Linda Bjarnadóttir.
✝
Innilegar þakkir til allra sem sýndu okkur
samúð, hlýhug og vinsemd við andlát móður
okkar, tengdamóður, ömmu og langömmu,
ÞÓRU JÓHÖNNU JÓNSDÓTTUR,
Dalbraut 20,
Reykjavík.
Sérstakar þakkir til starfsfólks Karitasar
og krabbameinsdeildar Landspítalans.
Jón Gunnar Harðarson, Erla Skarphéðinsdóttir,
Hrefna Harðardóttir, Kjartan Ólafsson,
Steinunn Guðrún Harðardóttir, Níels Níelsson,
barnabörn og barnabarnabörn.
✝
Innilegar þakkir fyrir auðsýnda samúð,
hlýhug og vináttu við andlát og útför okkar
ástkæru
FREYJU NORÐDAHL,
Reykjaborg,
Mosfellsbæ.
Sérstakar þakkir fær starfsfólk Hjúkrunarheimilisins Eirar fyrir
góða umönnun og einstaka hlýju.
Guðbjörg Þórðardóttir,
Kjartan Þórðarson, Sigrún Ragna Sveinsdóttir,
barnabörn og langömmubörn.
✝
Innilegar þakkir fyrir auðsýnda samúð og
hlýhug við andlát og útför elskulegs eigin-
manns míns, föður okkar, tengdaföður og
afa,
HAFSTEINS GUÐMUNDSSONAR
rafvirkja,
Ofanleiti 5.
Sérstakar þakkir færum við dr. Guðmundi Rúnarssyni,
hjúkrunarfólki á deildum 11B og 11G á Landspítalanum við
Hringbraut og heimahjúkrun Karitasar fyrir góða umönnun.
Sólveig Þóra Ragnarsdóttir,
Helgi Hafsteinsson, Hildur Elfa Björnsdóttir,
Guðmundur Hafsteinsson, Stefanía Björnsdóttir,
Elfar Þór Helgason,
Birna Ósk Helgadóttir,
Karen Guðmundsdóttir,
Íris Guðmundsdóttir.