Morgunblaðið - 09.02.2013, Blaðsíða 44

44 DÆGRADVÖL
MORGUNBLAÐIÐ LAUGARDAGUR 9. FEBRÚAR 2013
Stjörnuspá
21. mars - 19. apríl 
Hrútur Segðu hvað þú vilt, hátt og snjallt
og oft eru margir áhrifamenn í kallfæri.
Gættu þess bara að sigurlaunin lendi svo í
réttum höndum.
20. apríl - 20. maí 
Naut Sérstök verkefni njóta aukinnar at-
hygli og heppni. Hálfnað er verk þá hafið er,
uppskeran verður góð hjá þér.
21. maí - 20. júní 
Tvíburar Enginn er eyland, því ræður sam-
skiptahæfni miklu um hvernig gengur í líf-
inu. Ef þig vantar félaga er fólk í vogar- og
ljóns-merkinu upplagt.
21. júní - 22. júlí 
Krabbi Það er hægt að leiða öðrum sann-
leikann fyrir sjónir án þess að beita ofbeldi.
Þú skalt leyfa listrænum hæfileikum þínum
að njóta sín.
23. júlí - 22. ágúst 
Ljón Ástin hefur ýmis hlunnindi í för með
sér. Forðastu rifrildi við fjölskyldumeðlimi,
þau eru ekki þess virði. Haltu þínu striki í
baráttunni við svefnleysið.
23. ágúst - 22. sept. 
Meyja Ljúktu andlegu vinnunni af áður en
þú mætir í vinnuna. Þó skjólið sé gott er
samt mjög nauðsynlegt að takast á við lífið
fyrir utan.
23. sept. - 22. okt. 
Vog Það getur reynst dýrkeypt að blanda
sér í annarra mál að ástæðulausu. Þú ert í
sviðsljósinu og skalt njóta þess óspart á
meðan það varir.
23. okt. - 21. nóv.
Sporðdreki Ævintýragirni þín kemur ber-
lega í ljós næstu mánuðina. Gaumgæfðu vel
alla málavexti áður en þú grípur til aðgerða
svo allt snúist ekki á versta veg.
22. nóv. - 21. des.

Bogmaður Þú ert sérlega sannfærandi í
dag og átt því auðvelt með að selja bæði
hluti og hugmyndir. Til að vinna hjarta fólks
verður þú að framkvæma meira en eðlilegt
er.
22. des. - 19. janúar 
Steingeit Þú þarft fyrr eða síðar að horfast
í augu við staðreyndir og það þurfa allir að
gera. Frábærar gjafir og hlunnindi berast
þér hugsanlega.
20. jan. - 18. febr. 
Vatnsberi Láttu ekki áhyggjur af framvindu
mála á vinnustað sliga þig því þótt syrti í ál-
inn birtir öll él upp um síðir. Talaðu svo
beint frá hjartanu.
19. feb. - 20. mars

Fiskar Fylgdu málunum vel eftir jafnvel þótt
þér kunni að leiðast öll smáatriðin. Dag-
urinn í dag er góður til að sinna fjölskyld-
unni.
Karlinn á Laugaveginum hefurekki farið dult með skoðanir
sínar og skeggræðir pólitíkina
gjarna við vinkonu sína í kotinu
uppi á Holtinu. Þau fylgjast grannt
með skoðanakönnunum:
Mín kerling á Holtinu hváði:
Hvort er komið að því sem ég spáði
að lúti í gras
eftir gegndarlaust þras
græningjaflokkurinn snjáði?
Það er skemmtilegt að fletta
Vísnasafni Sigurðar Jónssonar frá
Haukagili, sem var allra manna
fróðastur í þeim efnum og fór bet-
ur með vísur en aðrir sem ég hef
þekkt. Hann var nákunnugur
systkinunum frá Grafardal og birt-
ir vísur eftir þau sjö að tölu hverja
á fætur annarri: Pétur Beinteins-
son:
Fyrir handan fjarðar djúp
fjöllin standa sem ég kenni,
tigið land í ljósan hjúp
lagt sem andað gamalmenni.
Halldóra B. Björnsson:
Þó mér sitthvað þætti að
og þótt ég kenndi ama
á langri ævi lærði eg það
að láta mér standa á sama.
Einar Beinteinsson:
Gæfist næði væna víf
væri æði gaman
að við bæði lítið líf
létum fæðast saman.
Sigríður Beinteinsdóttir:
Mjúk í gangi er merin slyng
makkann hringar Jóns í fang.
Grasið angar grænt í kring,
grjótið springur fróns um vang.
Björg Beinteinsdóttir:
Leiktu þér ekki að ljósunum
sem loga í hjartans kjarna.
Fyrir daðurdrósunum
Drottinn passi Bjarna.
Guðný Beinteinsdóttir:
Gekk ég út í grimma hríð
götuna ekki þekkti.
Fannst mér þá sem veröld víð
villti mig og blekkti.
Sveinbjörn Beinteinsson:
Þó að frjósi foldarsvæði
fögur kjósa lögin má.
Nú skal hrós í nýju kvæði
norðurljósa gyðjan fá.
Halldór Blöndal
halldorblondal@simnet.is
Vísnahorn
Stökur systkinanna
frá Grafardal
Í klípu
„VIÐ ERUM AÐ LEITA AÐ EINHVERJUM
SEM GETUR SINNT MÖRGU Í EINU ... EN
EKKI NÚNA Í VIÐTALINU SAMT.“
eftir Mike Baldwin eftir Jim Unger
„BORÐ VIÐ GLUGGANN, TAKK.“
Hermann
Ferdinand
Hrólfur hræðilegi
Grettir
... að láta keppnisskapið
ekki hlaupa með þig í
gönur þegar hún er í
bílnum með þér.
MANNAUÐS-
DEILD
BÍLSKÚRS-
SALA
30
0 M
.
ODDI ER
AÐ KLIFRA
Í TRÉ.
OG, EINS OG VIÐ HIN VITUM,
ÞÁ ERU HUNDAR EKKI
MJÖG GÓÐIR Í ÞVÍ.
HVERNIG GENGUR,
HRÓLFUR?
HRÆÐILEGA!
ÉG HEF MEIRA AÐ
SEGJA ÞURFT AÐ SELJA
AUGLÝSINGAPLÁSS.
Á LEIÐINNI
TIL KAUPMANNA-
HAFNAR?
BORÐAÐU Á
SVENSEN
VEITINGAHÚSINU!
Vetur, vetur og aftur vetur. Vík-verji nýtur íslenskrar veðráttu
um þessar mundir. Víkverji var
nefnilega spurður um daginn hver
uppáhaldsárstíð hans væri. Honum
vafðist tunga um tönn og gerði sér
grein fyrir því að hann ætti erfitt
með að gera upp á milli þeirra. Ein-
faldlega sökum þess að hver og ein
hefur sína kosti og galla. Þær brjóta
upp rútínuna og bæta kryddi í lífið.
Þó sumarið sé yndislegt þá gæti Vík-
verji ekki eingöngu dvalið í sumrinu.
Það vantaði allt fúttið, rokið og um-
hleypingana sem gefa til kynna að
eitthvað sé að gerast.
x x x
Ætli dálæti Víkverja á snjó ogkulda nái ekki inn að hjartarót-
um sökum þess að hann fæddist í
snjóþungum desembermánuði? Hver
veit? Víkverja finnst hann aldrei vera
jafn mikið á lífi og þegar hann er vel
gallaður að berjast við náttúruöflin;
með vindinn í fangið eða frostbit á
kinnum. Margir halda að veðrið sé
verra en það er í raun og veru þegar
þeir líta út um gluggann. Í tilheyr-
andi útbúnaði sem nútímaþægindi
bjóða upp á verður fátt til fyrirstöðu
til að takast á við úrkomu eða kára.
x x x
Víkverja þykir fátt jafnast á við aðganga í snjó og finna marrið
undir skónum í hverju skrefi. Hugur-
inn róast við það eitt að heyra marr-
ið. Lyktin úti verður einnig önnur í
nýföllnum snjó, allt verður hreint og
tært. Nánast er hægt að finna lyktina
í loftinu áður en snjórinn fellur af
himnum.
x x x
Annars geta höfuðborgarbúarvarla sagt að einhver vetur hafi
verið hér að ráði. Janúar var sá tíundi
hlýjasti sem mælst hefur á flestum
veðurstöðvum á landinu. Sökum
þessa getur Víkverji nefnilega gortað
af því að hafa keyrt á sumardekkjum
í allan vetur þar til nú. Þetta er nú
svo sem ekkert til að hreykja sér af.
En nú kárnar gamanið þar sem snjór
og hálka eru líklega sest að. Og þó,
það örlar á hlýindum í kortunum og
freistandi að halda sumardekkjunum
undir.
víkverji@mbl.is
Víkverji
Við erum smíð Guðs, sköpuð í Kristi
Jesú til góðra verka sem hann hefur
áður fyrirbúið til þess að við skyldum
leggja stund á þau. (Efesusbréfið 2:10)
Hvern ætlar þú að
gleðja í dag?