Morgunblaðið - 09.02.2013, Blaðsíða 20

20 FRÉTTIRInnlent
MORGUNBLAÐIÐ LAUGARDAGUR 9. FEBRÚAR 2013
Húmanistaflokkurinn stendur fyrir
málþingi í Þjóðarbókhlöðunni við
Birkikmel, laugardaginn 9. febrúar
kl. 13, undir yfirskriftinni: „Er þörf
á hugarfarsbreytingu?“
Á málþingið mæta fjölmargir
hópar og samtök sem hafa örstutta
framsögu hver um sig á mál-
þinginu. Þessi samtök eru m.a.:
Akido, Alda, félag um sjálfbærni
og lýðræði, Alþýðufylkingin, An-
arkistar, Ásatrúarfélagið, Besti
flokkurinn, Björt framtíð, Boð-
skapur Silo, Bót, félag um bætt
samfélag, Búddistafélag SGI, Dög-
un, Félag múslima á Íslandi, Félag
nýrra Íslendinga, Félag um sam-
félagsbanka, Fjölmenningarráð,
Háttvirtir öryrkjar, Hernaðar-
andstæðingar, Húmanistaflokk-
urinn, Landvernd, Múltí Kúltí,
Náttúruverndarsamtök Íslands, No
Borders, Píratapartýið, Raddir
fólksins, Samhljómur menningar-
heima, Samtök um samskipti án of-
beldis, Waldorfskólinn, Zeitgeist
hreyfingin, Þjóðarflokkurinn, Þjóð-
kirkjan og Öryrkjabandalagið.
Hugarfarsbreyting til umræðu
ÚR BÆJARLÍFNU
Albert Eymundsson
Hornafjörður
Atvinnulíf hefur verið gott í hér-
aðinu og næga vinnu að fá á nýju ári.
Vetrarvertíð fór vel af stað og þegar
vel gengur í sjávarútveginum þá hef-
ur það áhrif víða í samfélaginu til
góðs.
Uppsjávarskipin fóru strax til
loðnuveiða og eru búin að veiða rúm-
lega helming af 16.500 tonna kvóta.
Menn fagna auknum loðnukvóta svo
áframhald verður á veiðum og
vinnslu þegar loðnugöngur fara að
nálgast Hornafjörð eins og þær gera
árlega. Netavertíðin byrjaði með
eindæmum vel og muna menn ekki
aðra eins fiskgengd svona snemma
árs.
  
Fjarskiptamál í dreifbýli eru í
deiglunni. Sveitarfélagið hefur
keypt fjarskiptakerfi Martölvunnar
sem þjónaði hluta héraðsins og mun
vinna að enn betri netþjónustu við
dreifbýlið.
Þetta er mikið hagsmunamál en
ferðaþjónusta er orðin afgerandi at-
vinnugrein í héraðinu og netsam-
skipti alltaf að verða mikilvægari í
þeirri grein.
  
Barnafjölskyldur geta glaðst
yfir lágum leikskólagjöldum og
verðlagningu á skólamáltíðum en
Hornafjörður kemur vel út í sam-
anburði hvað þessi mál varðar.
  
Strandganga Ferðafélags Aust-
ur-Skaftfellinga nýtur vinsælda en
markmiðið er að ganga milli sýslu-
marka í áföngum. Göngunni lýkur
nú í febrúar og þá hafa verið gengnir
a.m.k. 350 km eða gott betur.
  
Safnamál hafa verið í mikilli
uppstokkun síðustu misserin. Búið
er að flytja elsta húsið á Höfn,
Gömlu búð, á Heppusvæðið þar sem
það stóð upphaflega. Vatnajökuls-
þjóðgarður fær þar aðstöðu og
safnastarfsemi í húsinu verður
endurskipulögð. Flutningur hússins
tengist áætlunum um að byggja upp
Heppusvæðið sem líkast og það var í
upphafi byggðar á Höfn.
  
Vegleg gjöf barst á dögunum
þegar Lovísa Gunnarsdóttir og
Sverrir Scheving Thorsteinsson af-
hentu sveitarfélaginu söfn sín sem
innihalda 35 málverk eftir Höskuld
Björnsson, litskyggnur sem margar
hverjar eru teknar á ferðum um
Vatnajökul, sérprentað safn um
margskonar efni eins og jökla og
jarðfræði, munasafn, landakort
gömul og ný, vopnasafn, bækur og
uppsett dýr og fugla.
Netavertíðin byrjaði með
eindæmum vel á Höfn
Afhending safnanna Unnsteinn Guðmundsson, Sverrir Scheving Thor-
steinsson, Lovísa Gunnarsdóttir og Hjalti Þór Vignisson bæjarstjóri.
Guðni Einarsson
gudni@mbl.is
Fólk sem ber velferð fuglanna á
Tjörninni í Reykjavík fyrir brjósti
hefur rætt um að stofna vinnuhóp í
samstarfi við Fuglavernd og Nor-
ræna húsið, Vini Tjarnarinnar.
Hugmyndin er að hægt verði að
kalla til starfa hóp fólks til að fram-
kvæma einföld en nauðsynleg verk
svo sem að hreinsa rusl úr friðland-
inu í Vatnsmýri á vorin, uppræta
ágengar plöntur, útbúa hreiður o.fl.
Þetta kemur fram í skýrslu fugla-
fræðinganna Jóhanns Óla Hilmars-
sonar og Ólafs Karls Nielsen, Fugla-
líf Tjarnarinnar árið 2012.
„Við ætlum að fara í gang í apríl í
vor þegar verður kominn tími á
framkvæmdir,“ sagði Jóhann Óli, en
hann er formaður Fuglaverndar.
Hann segir að hugmyndin sé að aug-
lýsa eftir fólki á vef Fuglaverndar og
senda tölvupóst á félaga. Þá hefur
Norræna húsið hug á að vera með í
verkefninu. Jóhann segir að Ólafur
Karl eigi hugmyndina að stofnun
vinnuhópsins. Rætt hefur verið við
starfsmenn Norræna hússins um
samstarf við Fuglavernd á þessu
sviði.
Jóhann Óli segiri að lengi hafi ver-
ið hamrað á nauðsyn aðgerða við
Tjörnina í árlegum skýrslum. Lítið
hafi orðið úr framkvæmdum af hálfu
Reykjavíkurborgar til þessa.
Norræna húsið stóð fyrir miklum
framkvæmdum í friðlandinu í Vatns-
mýrinni til þess að bæta aðbúnað
fugla og votlendisplantna. Votlendi
var endurheimt, uppfylling var fjar-
lægð af um 4.700 m2 svæði, girðing
fjarlægð og grafið síki í kringum
hluta friðlandsins. Fuglarnir brugð-
ust strax við breytingunum, einkum
krían. Hún lagði undir sig flag sem
þarna myndaðist og fór að verpa.
Jóhann Óli segir að krían vilji opin
varpsvæði en ekki ofvaxin gróðri.
Þess vegna þurfi að halda svæðinu
opnu. Sama gildir um hvönnina í
Þorfinnshólma, þar sem kría hefur
orpið.
„Við höfum talað um það í 10-15 ár
að uppræta hvönnina en það hefur
enginn gengið í það,“ sagði Jóhann
Óli. „Það ætti að duga að setja þarna
jarðvegsdúk og möl yfir til að byrja
með.“
Vinir Tjarnarinn-
ar ætla að taka til
 Hreinsa þarf friðlandið í Vatnsmýri
Morgunblaðið/Eyþór
Tjörnin Fuglalífið við Tjörnina og í
Vatnsmýri setur svip á miðborgina.
Búið er að upplýsa innbrot í íbúðar-
hús í Seljahverfi í Breiðholti sem átti
sér stað á fimmtudagsmorgun. Tveir
erlendir menn sem handteknir voru í
nágrenninu fljótlega eftir að tilkynn-
ing barst um innbrotið hafa játað og
telst málið upplýst samkvæmt upp-
lýsingum lögreglu. Mennirnir voru
með hluta af þýfinu á sér þegar þeir
voru gripnir höndum en hluta þess
höfðu þeir hent frá sér. Það fannst
þó fljótlega.
Mennirnir voru grunaðir um
nokkur innbrot á höfuðborgarsvæð-
inu að undanförnu en þeim var
sleppt að loknum yfirheyrslum á
fimmtudag. Ekki var talinn grund-
völlur til þess að óska eftir gæslu-
varðhaldi yfir þeim. Annar mann-
anna hefur verið búsettur hér á landi
í nokkurn tíma en hinn er nýkominn
til landsins.
Frá áramótum hefur verið brotist
inn á fimm heimili í Breiðholti og
Kópavogi að sögn Heimis Ríkarðs-
sonar, lögreglufulltrúa á lögreglu-
stöð 3, sem sinnir verkefnum á þessu
svæði. Fyrir utan það sem nú er upp-
lýst var tilkynnt um annað innbrot á
því svæði á miðvikudagsmorgun.
Í janúar voru tveir Litháar hand-
teknir vegna innbrota sem framin
voru í desember og janúarbyrjun en
þeir komu báðir til landsins í desem-
ber. Heimir segir það alltaf koma
upp annað slagið að til landsins komi
menn sem hefji afbrot fljótlega eftir
komuna. kjartan@mbl.is
Játuðu á sig inn-
brot í Breiðholti
 Ekki óskað eftir gæsluvarðhaldi
Morgunblaðið/ÞÖK
Innbrot Mennirnir voru með þýfið á
sér þegar þeir voru handteknir.