Morgunblaðið - 09.02.2013, Blaðsíða 14

14 FRÉTTIRInnlent
MORGUNBLAÐIÐ LAUGARDAGUR 9. FEBRÚAR 2013
BAKSVIÐ
Kjartan Kjartansson
kjartan@mbl.is
Ásýnd háskólasvæðisins á eftir að
taka miklum breytingum á næstu
árum en framkvæmdir við tvær nýj-
ar byggingar eiga að hefjast á þessu
ári. Annars vegar er um að ræða
Hús íslenskra fræða sem á að rísa á
reit við Þjóðarbókhlöðuna á Arn-
grímsgötu 5 á horni Suðurgötu og
Guðbrandsgötu og hins vegar bygg-
ingu Stofnunar Vigdísar Finnboga-
dóttur á gatnamótum Suðurgötu og
Brynjólfsgötu sem mun hýsa al-
þjóðlega tungumálamiðstöð og deild
erlendra tungumála, bókmennta og
málvísinda á hugvísindasviði Há-
skóla Íslands.
Að sögn Guðmundar Ragnars
Jónssonar, framkvæmdastjóra fjár-
mála og reksturs hjá Háskóla Ís-
lands, er búið að bjóða út jarðvegs-
framvæmdir vegna Húss íslenskra
fræða og stefnt sé að fyrstu skóflu-
stungu í mars. Útboð á sjálfri bygg-
ingunni fari svo fram í lok febrúar.
Sameinað á einum stað
Húsið verður um 6.500 fermetrar
en þar af fær íslensku- og menning-
ardeild hugvísindasviðs þriðjung
þess en Stofnun Árna Magnússonar
tvo þriðju hluta. Í því verður meðal
annars sýningaraðstaða fyrir hand-
ritin, kennslustofur, rými fyrir
framhaldsnema og skrifstofur fyrir
kennara og starfsfólk Árnastofn-
unar.
„Þetta verður kærkomið tækifæri
til þess að sameina á einum stað
stóran hóp fólks sem sinnir rann-
sóknum á íslensku máli,“ segir Guð-
mundur. Að hans mati má reikna
með að bygging hússins taki þrjú ár
og að hægt verði að flytja inn í það
síðla árs 2015 eða snemma árs 2016.
Árnastofnun hefur hingað til verið
til húsa í Árnagarði en Guðmundur
segir að enn eigi eftir að ákveða
hvað verður gert við þá byggingu.
Hann eigi þó erfitt með að sjá fyrir
sér annað en að þar verði háskóla-
starfsemi áfram.
Fyrir á fleti þar sem Hús ís-
lenskra fræða rís eru Hótel Saga og
Þjóðarbókhlaðan þannig að bíla-
stæðin á milli þeirra hafa verið þétt
setin. Ásóknin í þau eykst vænt-
anlega með tilkomu nýja hússins.
Guðmundur segir að niðurgrafin
bílastæði verði við það en til fram-
tíðar þurfi að ráðast í stærri aðgerð-
ir í bílastæðamálum HÍ.
Nær inn á bílastæðin
Í byggingu Stofnunar Vigdísar
Finnbogadóttur munu meðal annars
fara fram rannsóknir og kennsla á
erlendum tungumálum og marg-
vísleg fræðsla til almennings um mál
heimsins. Hún verður 3.200 fermetr-
ar að flatarmáli.
Að sögn Guðmundar er sú bygg-
ing skemmra á veg komin en enn er
verið að hanna hana.
„Við vonumst til þess að geta
boðið bygginguna út á vormán-
uðum. Það verður að reikna með
um tveimur og hálfu ári í fram-
kvæmdirnar þannig að bjartsýn-
asta mat á því hvenær hún verður
opnuð er um áramótin 2015 til
2016,“ segir hann.
Byggingin kemur til með að ná
inn á bílastæði sem eru aftan við
Háskólabíó en Guðmundur segir að
undir henni verði bílastæðakjallari
þannig að fjöldi bílastæða ætti að
haldast um það bil hinn sami eftir
að hún er risin. Gert er ráð fyrir að
byggingin verði tengd við Háskóla-
torg, sem stendur hinum megin við
Suðurgötu.
Söfnuðu 800 milljónum
Samkvæmt upplýsingum frá
Framkvæmdasýslu ríkisins er
heildarkostnaðurinn við bygging-
arnar tvær áætlaður 5,4 milljarðar
króna. Þar af fara 3,8 milljarðar í
byggingu Húss íslenskra fræða og
dreifist kostnaðurinn á árin 2013 til
2015. Ríkið leggur til 70% fjárins en
30% koma frá Happdrætti Háskóla
Íslands (HHÍ).
Til framkvæmda við byggingu
Stofnunar Vigdísar Finnbogadóttur
er áætlað að fari 1,6 milljarðar og
að kostnaðurinn dreifist á árin 2013
og 2014. HHÍ leggur til þriðjung
fjárins en afgangurinn er söfn-
unarfé. Af þeim 800 milljónum sem
átti að safna til að reisa húsið lögðu
stjórnvöld til 200 milljónir.
Sporaskja Hús íslenskra fræða við Suðurgötu. Hönnunin byggist á vinningstillögu Hornsteina
arkitekta en það hefur sporöskjulaga grunnmynd og útveggir verða skreyttir handritatextum.
Ný kennileiti við háskólann
 Tvær nýjar byggingar rísa á háskólasvæðinu vestan Suðurgötu á næstu árum  Kostnaðurinn við
Hús íslenskra fræða og byggingu Stofnunar Vigdísar Finnbogadóttur áætlaður 5,4 milljarðar króna
Erlend mál Fyrsti áfangi byggingar Stofnunar Vigdísar Finnbogadóttur er rúmir 3.000 fermetr-
ar en byggingarsvæðið er um 6.000 fermetrar svo hægt verður að stækka það í framtíðinni.
Nýbyggingar á háskólasvæðinu
Loftmyndir ehf.
Hús íslenskra
fræða
Stofnun Vigdísar
Finnbogadóttur
Þjóðarbókhlaða
Hótel Saga
Háskólabíó
Aðalbygging
Háskóla Íslands
Hilmar Veigar Pétursson, fram-
kvæmdastjóri tölvuleikjafyrirtæk-
isins CCP, fékk í gær UT-verðlaun
Skýrslutæknifélags Íslands (Ský)
árið 2013. Þetta var í fjórða sinn sem
verðlaunin voru afhent og fór at-
höfnin fram á UT-messunni í Hörpu,
þar sem íslensk upplýsingatæknifyr-
irtæki kynntu starfsemi sína og nýj-
ustu tæknistrauma. Ólafur Ragnar
Grímsson, forseti Íslands, afhenti
verðlaunin og tók eiginkona Hilm-
ars, Guðrún E. Stefánsdóttir, við
þeim fyrir hans hönd.
Hilmar er tölvunarfræðingur að
mennt og gekk til liðs við CCP árið
2000 sem yfirmaður tæknimála og
varð framkvæmdastjóri árið 2004.
Frá 2003 hefur hann leitt EVE On-
line verkefnið. Hilmar var nefndur
einn af 20 áhrifamestu mönnum á
sviði nettölvuleikja árin 2007 og 2008
af erlendu fagtímariti og er eftir-
sóttur fyrirlesari víða um heim, seg-
ir í fréttatilkynningu Ský.
Hilmar hjá CCP fékk
UT-verðlaunin
 Talinn fyrirmynd
og frumkvöðull
UT Ólafur Ragnar, Arnfríður Guð-
mundsdóttir og Guðrún E. Stef-
ánsdóttir, eiginkona Hilmars.
Rau›arárstígur 14 · sími 551 0400 · www.myndlist.is
Opið virka daga 10–18, laugard. kl. 11–16, sunnud. 14–16
Opnun kl. 15, laugardag 9. febrúar Allir velkomnir
Gulir sjóndeildarhringir
Nikhil
Nathan
Kirsh
9. – 24. febrúar