Morgunblaðið - Sunnudagur - 03.03.2013, Síða 16
*Ferðalag til Marokkó opnaði nýjan og óþekktan menningarheim fyrir Söru og Konráði »18Ferðalög og flakk
Þar sem fjöllin eru fullkomin eru lýsingarorðin sem sumir gefa
skíðasvæðinu í Breckenridge í Klettafjöllunum Bandaríkjanna, en
bærinn er gamall silfurnámubær. Fjölskyldan er nýkomin heim úr
skemmtilegu ferðalagi um þessar slóðir, þar sem við undum okkur
vel í tíu daga. Skíðuðum allan daginn, með smáhléum. Peak 8 er
hæsti tindurinn í þessum fjallaklasa og er tæplega 4.000 metrar á
hæð, efsta skíðalyftan þar er sögð sú hæsta í Norður-Ameríku. Í
þunnu loftinu þar finnur maður aðeins fyrir háfjallaveiki en hún
hverfur fljótt þegar maður rennir sér niður brekkurnar. Í Kletta-
fjallaferðum liggur beint við að fljúga til Denver, nýjasta áfanga-
stað Icelandair, sem er áhugaverð borg fyrir Íslendinga.
Heiðrún Jónsdóttir lögfræðingur, hdl. Á skíðasvæðinu Breckenridge og á tindinum sem er um 4.000 m á hæð. Fullkomin fjöll, segir Heiðrún.
Háfjallaveiki á fjallinu
Allir skemmta sér vel á skíðum.
PÓSTKORT Ú
R KLETTAFJÖ
LLUM
L
úxustjaldferðalög njóta mikilla vinsælda um þessar
mundir en á ensku kallast fyrirbærið „glamping“ en
orðið er samsett úr „glamourus“ (glæsileiki) og „camp-
ing“ (útilega). Það sem er öðruvísi við þessar tjaldferð-
ir er að þegar komið er á staðinn er búið að tjalda fyrir þig.
Tjaldið er rúmgott, með rúmi og sæng, borðum og stólum og
jafnvel arni.
Glæsiútilega er leið til þess að komast í tengsl við náttúruna
en á sama tíma halda í öll nútímaþægindi. „Þetta er lúxusútil-
ega en þegar allt kemur til alls er þetta tjaldferðalag, alveg
sama hvað sumir segja. Mundu, að þú ert samt sem áður und-
ir náð og miskunn veðurguðanna kominn, þrátt fyrir að þæg-
indin séu meiri en í hefðbundinni útilegu,“ sagði Garri Rayner,
stofnandi goglamping.net, í samtali við spotlightseattle.com.
Hann útskýrir nánar: „Þjónustan og þægindin eru mismun-
andi frá stað til staðar. Í dýrari endanum eru staðir þar sem
þú þarft aðeins að taka með þér tannburstann og föt til skipt-
anna. Allt annað er fundið til fyrir þig, en það kostar. Stund-
um er jafnvel innifalið í verðinu allur matur og drykkur. Í hin-
um endanum eru staðir sem eru fábrotnari og minna meira á
hefðbundna sumarbústaði þar sem þú sérð um þig sjálfur. En
hvort sem þú velur fylgir þessu ákveðin ævintýratilfinning. Ég
fæ sömu spurninguna alltaf aftur og aftur frá þeim sem eru á
móti glæsitjaldferðum: Hver er tilgangurinn? Af hverju ekki
heldur að vera á fimm stjörnu hóteli? Auðvitað er hægt að
gera það en þetta fólk nær ekki alveg tilgangnum og hversu
skemmtilegt þetta er. Glæsitjaldútilega býður upp á allt aðra
lífsreynslu en hótel. Þetta snýst allt um lífsreynsluna.“
Glæsitjaldútilegur hafa breiðst út um allan heim og fyrir þá
sem vilja kynna sé fyrirbærið nánar til að skipuleggja sann-
kallað öðruvísi ferðalag gætu eftirfarandi síður komið að
gagni:
goglamping.net
glamping.com
canopyandstars.co.uk
LÚXUSTJALDFERÐIR NJÓTA VINSÆLDA
Allt önnur
lífsreynsla
TJALDFERÐALÖG SEM BYGGJAST Á ÞÆGINDUM
ERU Í MIKILLI SÓKN. ORÐIN LÚXUS OG TJALD
FARA YFIRLEITT EKKI SAMAN EN ÞESSI TJÖLD ERU
ENGUM ÖÐRUM LÍK.
Inga Rún Sigurðardóttir ingarun@mbl.is
*Glæsiútilegu-staðir hafasprottið upp í
Evrópu, Ástralíu
og Bandaríkjunum.