Morgunblaðið - Sunnudagur - 03.03.2013, Side 34
*Græjur og tækniEf marka má tölur fyrir síðasta ár um sölu tónlistar á netinu er ólöglegt niðurhal á undanhaldi »36
Þ
að er náttúrlega mikið umstang að flytja og mikið af vörum
sem maður þarf að koma niður í kassa. einhvern veginn datt
mér þetta í hug. Að leita leiða til að flytja með nútímaþæg-
indum,“ segir Baldur Eiríksson, verkefnisstjóri hjá Reiknistofn-
un Háskóla Íslands.
Hann fór því á netið, fann smáforrit og kerfi sem heitir Box me up
og býður notanda upp á að skrá allt niður sem sett er ofan í hvern
kassa og prenta svokallaðan QR-kóða fyrir kassann. „Svo þegar þú
smellir á kóðann þá sérðu hvað er í þessum kassa. Þetta er ekki
flóknara en það,“ segir Baldur.
QR-kóði er texti sem snjallsími getur lesið og unnið úr. Í sjálfu sér
getur hver sem er farið og gert QR-kóða með nafninu sínu, flóknara
er það ekki. „Það eru engir galdrar á bak við þetta. Það sem var
vesenið var að prenta kóðana út og líma á kassana.
En þetta er þægilegra en að skrifa eldhús, stofa, svefnherbergi og
svo framvegis. Flesta kassana sem við vorum að flytja með núna not-
uðum við einnig þegar við fluttum heim frá Danmörku fyrir tíu árum
og höfum flutt þrisvar sinnum síðan. Vinkona mín fékk kassana síðan
líka lánaða þegar hún flutti þannig að það stóð margt og mikið á
hverjum kassa. Þetta var því einfalt og gott. Maður verður að nota
tæknina. Það er komið 2013. Það er ýmislegt til,“ segir Baldur hress
og kátur.
Vilji fólk nýta tæknina við flutningana má kynna sér þennan mögu-
leika á vefslóðinni www.boxmeupapp.com.
Baldur segir að það séu engir töfrar á bak við QR kóðana. Mestu vandræðin voru að líma kóðana á kassana.Skannað og séð. Baldur flutti með nútímaþægindum.
Baldur Eiríksson með einn
kassa sem merktur er QR
kóða. Þessi geymdi eldhús-
áhöld.
NÝTTI TÆKNINA VIÐ FLUTNINGA
Notaði QR-kóða
til að hjálpa sér
að flytja
BALDUR EIRÍKSSON, VERKEFNISSTJÓRI HJÁ REIKNISTOFNUN
HÍ, NOTAÐI QR-KÓÐA TIL AÐ MERKJA INNIHALD Í HVERJ-
UM KASSA ÞEGAR HANN STÓÐ Í FLUTNINGUM.
Benedikt Bóas benedikt@mbl.is