Morgunblaðið - Sunnudagur - 21.07.2013, Blaðsíða 12

12 MORGUNBLAÐIÐ SUNNUDAGUR 21.7. 2013
A
níta Hinriksdóttir
varð fyrsti Íslending-
urinn til að verða
heimsmeistari þegar
hún vann 800 m
hlaupið á heimsmeistaramóti 17 ára
og yngri í Donetsk í Úkraínu um
síðustu helgi. Hún vann með tals-
verðum yfirburðum og var rúmum
tveimur sekúndum á undan næsta
keppanda á tímanum 2:01,13 mín-
útum og bætti mótsmetið um rúma
hálfa sekúndu. Aðeins stang-
arstökkvarinn Vala Flosadóttir hef-
ur komist nálægt því að verða
heimsmeistari en hún varð í öðru
sæti á heimsmeistaramótinu innan-
húss í Maebashi fyrir 14 árum.
Aníta komst síðan örugglega í úr-
slit á EM 19 ára og yngri á
fimmtudaginn og mun keppa til
verðlauna á laugardag. Tími hennar
á fimmtudaginn var 2:02,62 og var
hún langt á undan næsta keppanda.
Hugsanlega landar hún sínu öðru
gulli á rúmri viku í dag.
Helga Margrét Þorsteinsdóttir
vann bronsverðlaun á HM fyrir 19
ára og yngri í Monckton á Ný-
fundnalandi fyrir fjórum árum en
þessi mikla hæfileikastelpa fékk
brjósklos fyrir nokkru og hefur
ekki keppt síðan. En komist hún
yfir meiðsli sín eru allir sammála
um að gera megi miklar væntingar
til hennar.
Aníta Hinriksdóttir stefnir á mót
fullorðinna á Evrópumeist-
aramótinu í Zürich í Sviss á næsta
ári og ljóst er að spenningur er í
loftinu.
Árangur Íslendinga
í frjálsíþróttum
Það er sjaldan sem Íslendingar
hafa átt menn sem hafa verið svo
framarlega að þeir hafi átt mögu-
leika á gulli á heimsmeistaramótum
í frjálsíþróttum. En það ber að líta
til þess að heimsmeistaramótið
sjálft er ekki nema 30 ára gamalt
en það var haldið fyrst í Helsinki
1983. Á undan því voru aðalkeppnir
íslenskra frjálsíþróttamanna Norð-
urlandamótið, Evrópumeistaramótið
og Ólympíuleikarnir.
EM 19 ára og yngri og 22 ára og
yngri eru ekki heldur gamlar
keppnir. EM 19 ára og yngri var
fyrst haldið 1964 og EM 22 ára og
yngri hefur verið haldið síðan 1992.
EM keppnin var áður haldin á
fjögurra ára fresti og ljóst að
gömlu kempur Íslendinga í frjáls-
um íþróttum hefðu safnað meira af
gulli og silfri ef keppnirnar hefðu
verið jafn tíðar og þær eru í dag. Í
dag eru stórkeppnir á hverju ári,
en nú eru EM og HM haldin annað
hvert ár til skiptis úti og inni. Ól-
ympíuleikarnir eru einu leikarnir
sem hafa haldið fjögurra ára bili
sínu frá endurupptöku leikanna ár-
ið 1896.
Gullöld íslenskra
frjálsíþrótta
Það er gjarnan talað um að gullöld
íslenskra frjálsíþrótta hafi verið um
miðja síðustu öld. Gunnar Huseby
vann til gullverðlauna í kúluvarpi á
Evrópumeistaramótinu í Osló árið
1946. En hápunkti íslenskra frjáls-
íþrótta var líklegast náð á árunum
1950 og 1951. Á Evrópumeist-
aramótinu í Brussel árið 1950 voru
margir Íslendingar í fremstu röð í
sínum greinum.
Haukur Clausen, Ásmundur
Bjarnason og Guðmundur Lárusson
komust allir í úrslitahlaup sín.
Haukur endaði í 5. sæti í 100 m,
Ásmundur náði líka 5. sæti í 200 m
og Guðmundur varð í 4. sæti í 400
m. Þessir þrír auk Finnbjörns Þor-
valdssonar skipuðu sveitina sem
náði 5. sæti í 4x100 m hlaupi.
Hreint út sagt frábær árangur en
það besta var eftir.
Stangarstökkvarinn og lang-
stökkvarinn Torfi Bryngeirsson
komst í úrslit í báðum greinum sín-
um en var svo óheppinn að úrslit
þessara keppna fóru fram á sama
tíma þannig að hann þurfti að velja
á milli. Hann var fyrst og fremst
stangarstökkvari en hafði langstökk
sem hliðargrein. Því kom það öllum
að óvörum að hann valdi lang-
stökkið og vann það.
Gunnar Huseby vann síðan ann-
að gull Íslendinga á mótinu og sitt
annað Evrópumeistaramót í röð
þegar hann vann kúluvarpið örugg-
lega.
Örn Clausen átti síðan eftir að
leiða keppnina í tugþrautinni nær
allan tímann en endaði með silfur í
höndunum á lokametrunum. Þrír
Íslendingar enduðu á verðlauna-
palli, 2 gull og 1 silfur komu í hús.
Ísland varð í 8. sæti í þessari
keppni af 22 þjóðum og af Norð-
urlöndunum voru aðeins Svíar ofar
Íslendingum.
Árið 1951 vann síðan Ísland
sögulegan sigur í landskeppni við
Norðmenn og Dani í frjálsum
Verðlaunahafar þriggja stærstu mótanna
*Vala Flosadóttir vann eitt gullið á EM yngri en 22 ára og silfrið vann hún á EM yngri en 19 ára. Aníta Hinriksdóttir og Helga
Margrét Þorsteinsdóttir unnu sín verðlaun á HM yngri en 19 ára.
Vala Flosadóttir EM & HM & Ól *
Gunnar Huseby EM
Torfi Bryngeirsson EM
Hreinn Halldórsson EM
Aníta Hinriksdóttir HM *
Jón Arnar Magnússon EM & HM
Vilhjálmur Einarsson Ól & EM
Örn Clausen EM
Pétur Guðmundsson HM
Helga Margrét Þorsteinsdóttir HM *
Ólympíuleikarnir, Evrópumeistaramótið og Heimsmeistaramótið
Gull Silfur Brons
Draumur um aðra gullöld
í frjálsíþróttum
ÓTRÚLEGUR ÁRANGUR ANÍTU HINRIKSDÓTTUR ÞEGAR HÚN VANN TIL GULLVERÐLAUNA Á
HEIMSMEISTARAMÓTINU Í ÚKRAÍNU HEFUR VAKIÐ UPP GAMLAR MINNINGAR UM ÞAÐ ÞEGAR
ÍSLENDINGAR ÁTTU MENN Í FREMSTU RÖÐ Í MÖRGUM GREINUM Í FRJÁLSÍÞRÓTTUM.
Börkur Gunnarsson borkur@mbl.is