Morgunblaðið - Sunnudagur - 21.07.2013, Blaðsíða 32

32 MORGUNBLAÐIÐ SUNNUDAGUR 21.7. 2013
F
iskisúpa og skagfirskt lamb var borið
á borð fyrir áhafnarmeðlimi Húna II
þar sem þeir áðu á Sauðárkróki á
fimmtudag. Sveitarfélagið Skaga-
fjörður bauð þar upp á dýrindis fiskisúpu í
hádeginu og Slysavarnadeildin Skagfirð-
ingasveit upp á skagfirska lambakjötsveislu
um kvöldið.
Hafragrautur og
hræringur um borð
„Þetta er búið að vera hálfólýsanlegt – við
erum búin að hitta svo margt kraftmikið
fólk, í rauninni hetjur, á hverjum stað – fólk
sem er tilbúið að hlaupa til og aðstoða ef
eitthvað er eða vantar“, sagði Jón Þór Þor-
leifsson, leiðangurs- og rokkstjóri, um túr-
inn þegar Morgunblaðið náði af honum tali.
„Það var kærkomið að borða með björg-
unarsveitunum í höfn á hverjum stað fyrir
sig. Það gekk ágætlega að borða um borð í
bátnum, þ.e.a.s. þegar menn höfðu mat-
arlyst,“ bætir hann við, en áhöfnin var held-
ur óheppin með veður megnið af hringferð-
inni. Jón segir áhöfnina þó hafa haft fyrir
reglu að borða hafragraut að hætti Inga
Pé., eins af föstum áhafnarmeðlimum Húna,
á morgnana. Auk þess kom Víðir skipstjóri
nokkrum tónlistarmannanna á bragðið með
svokölluðum hræringi, þ.e. blöndu skyrs og
hafragrautar. Lét Jónas Sigurðsson meðal
annars vel af henni.
Vert er að minnast sérstaklega á ljúf-
fenga köku í formi Húna II, sem Björg-
unarsveitin Blakkur á Patreksfirði bauð
áhöfninni upp á. Það var Anna Björnsdóttir
konditor sem átti heiðurinn af bakkelsinu
og lét sig ekki muna um að gera eft-
irmyndir af öllu tónlistarfólkinu úr marsip-
ani.
Jón Þór mælir með að allir prófi að sigla
svona hringinn í kringum landið enda lífs-
reynslan merkileg. Hann óskar þó fólki
betra veðurs.
Fiskisúpa sveitarstjórans og
villikryddað skagfirskt lamb
Um matseldina fyrir áhöfnina í landi á
Sauðárkróki sá kokkurinn Ólafur Jónsson
hjá veisluþjónustunni Gott í gogginn.
„Við buðum upp á þessa súpu niðri á
höfn á síðasta sjómannadag, en 300 manns
fengu sér, segir Ólafur, léttur í bragði, um
fiskisúpuna sem fram var reidd. Bætir hann
við að sveitarstjórinn, Ásta Björg Pálma-
dóttir, hafi sérstaklega óskað eftir súpunni.
Varðandi aðalréttinn var hefðbundið, skag-
firskt lambalæri á boðstólum, Það var þó
kryddað eftir kúnstarinnar reglum.
„Ég krydda það með villijurtakryddi sem
ég hef svona dundað mér við að búa til í
gegnum tíðina, segir Ólafur. Í kryddinu er
að finna hvönn, skógarkerfil, haustber af
reynitrjám, gras af gulrótum, hundasúrur
og fíflablöð, sem hann tínir, þurrkar og
blandar. Ólafur beitir heldur óhefðbundinni
aðferð við þurrkunina en hann þurrkar jurt-
irnar í þurrkara, í taupokum sem algengara
er að notaðir séu undir nærföt. „Ég þurrka
þetta í 1,5-2 klukkustundir á 40-50 gráðum,
nokkrar tegundir í senn, sína í hverjum
pokanum, segir hann. Eftir að jurtirnar eru
orðnar þurrar mylur hann þær niður og
blandar í ákveðnum hlutföllum, ásamt
grunni úr salti, pipar og hvítlauksdufti.
„Það tók smá tíma að ná blöndunni réttri –
birkið er til dæmis mjög rammt og þarf lítið
af því,“ bætir kokkurinn kankvís við.
Þess má geta að Ólafur er lærður bifvéla-
virki en leiddist út í eldamennsku árið 1986.
„Ég hef alltaf verið mikið fyrir að nota um-
hverfið svolítið mikið í matargerðinni,“ segir
hann og bætir við að hann sé einnig mikill
unnandi hráefnis úr héraði, eins og með-
fylgjandi uppskriftir bera með sér.
ÁHÖFNIN Á HÚNA II Í MAT HJÁ BJÖRGUNARSVEITUNUM
Matarveisla
í hverri höfn
Anna Björnsdóttir á Patreksfirði á heiðurinn af bæði köku-
Húna og skreytingum. Áhöfnin var þar öll.
* „Þetta er búiðað vera hálf-ólýsanlegt – við er-
um búin að hitta
svo margt kraftmikið
fólk, í rauninni
hetjur, á hverjum
stað – fólk sem er
tilbúið að hlaupa til
og aðstoða ef eitt-
hvað er eða vantar.“
ÁHÖFNIN Á HÚNA II LÝKUR HRINGFERÐ SINNI UM HELGINA.
Á ÖLLUM ÁNINGARSTÖÐUNUM 16 VAR HENNI BOÐIÐ Í MAT AF
BJÖRGUNARSVEITUNUM Á STAÐNUM. SUNNUDAGSBLAÐIÐ FÉKK
UPPSKRIFTIR AF ÞVÍ SEM BORIÐ VAR Á BORÐ Í SKAGAFIRÐI.
Gunnhildur Ásta Guðmundsdóttir gunnhildur@mbl.is
Jón Þór Þorleifsson rokkstjóri.
Á Patreksfirði fékk áhöfnin köku í líki Húna II í eftirrétt, við mikla kátínu manna eins og sjá má.
Ljósmynd/Bríet Arnardóttir
Ferðalag áhafnarinnar á Húna II hófst 3. júlí og voru 16 tónleikar á dagskrá um allt land.
Ljósmynd/Vefur RÚV
Matur og drykkir