Morgunblaðið - Sunnudagur - 21.07.2013, Blaðsíða 19

21.7. 2013 MORGUNBLAÐIÐ SUNNUDAGUR 19
Ef ég ætti að gefa einhverjum ráð fyrir
svona ferðalag, þá væri það að vanda
valið á staðsetningu á Santorini. Ef mað-
ur er aðeins fyrir utan höfuðborgina, þá
er maður í góðum málum,“ segir hún.
Ása hlær hálfpartinn þegar blaðamaður
innir hana eftir því hvort forngrískar
söguslóðir hafi verið kannaðar í ferðinni,
ekki sökum spurningarinnar heldur vegna
þess að munaður og afslöppun voru tekin
fram yfir menninguna. „Eigum við ekki
bara að segja að við höfum ekki þurft að
fara í neinar skoðanaferðir af því að út-
sýnið frá hótelunum var svo fallegt og
því dásamlegt að njóta þess bara? Að
öllu gamni slepptu þá langaði okkur bara
að slappa af í þetta skiptið og njóta þess
að vera á góðu hóteli í fallegu umhverfi.
Næst þegar við förum til Grikklands
verðum við örlítið menningarlegri.“
Grikkir toppa Ítali í matargerð
Að sögn Ásu heillaði samspil náttúrufeg-
urðarinnar og fallegs arkitektúrs hjóna-
kornin sérstaklega, en það var þó mat-
argerðin sem kolfelldi þau. „Matargerðin
þarna kom mér satt best að segja á
óvart. Hún einkennist af bragðmiklum og
ferskum mat og svo komu myntusósur
Grikkja sér vel fyrir sósuglaðan Íslend-
ing. Það var sérstaklega æðislegt að
liggja í sólbaði síðla dags og finna allt í
einu grilllykt úti um allt, en Grikkirnir
eru frægir fyrir ljúffengt grillað lamba-
kjöt. Það stóð upp úr, ásamt auðvitað
grísku ostunum,“ segir Ása og bætir við
að gríski maturinn slái þeim ítalska við,
en hjónin búa í Verona þar sem Emil
leikur knattspyrnu. „Ég hélt að Ítalirnir
væru á toppnum, allavega svona í Evr-
ópu, en mér fannst gríski maturinn eig-
inlega betri.“ Þá segir Ása hennar kynni
af Grikkjum almennt minna sig á Ítali,
sem sé jákvætt í hennar huga. „Ítölsk
þjóðarsál er mér sérstaklega að skapi,
þeir stressa sig aldrei neitt á hlutunum.
Það kom mér því svo skemmtilega á
óvart að Grikkirnir eru ennþá rólegri, að
minnsta kosti eins og við kynntumst
þeim. Svo var viðmót þeirra gagnvart
okkur alltaf frábært, þeir eru með
skemmtilegan húmor og okkur leið eins
og við værum mjög velkomin. Ég hyggst
reyna að taka mér þá til fyrirmyndar í
framtíðinni þegar kemur að gestrisni
gagnvart ferðamönnum hér á landi.“
* Það var sérstaklega æðislegt aðliggja í sólbaði síðla dags og finnaallt í einu grilllykt úti um allt …
Orðið útilega í álíka fallegu sólskinsveðri hefur ögn aðra merkingu en hérlendis.
Útsýnið af svölum hótelherbergisins minnti á sögusvið kvikmyndarinnar Mamma Mia.
Ása og Emil giftu sig í fyrrasumar.Knattspyrnukappinn sólar sig.
Ljósmyndir/Ása Reginsdóttir
Á grísku eynni Mykonos búa um 10
þúsund manns. Á meðal þekktra
kennileita þar eru gamlar og
heillandi vindmyllur, hin töfrandi
Panormos-strönd auk hinna svo-
kölluðu „Litlu Feneyja“, hluta bæj-
arstæðisins þar sem húsin liggja al-
veg við sjó í anda Feneyja á Ítalíu.
Mykonos
Gríski eyjaklasinn Santorini er í Suður-
Eyjahafi. Þar búa tæp 16 þúsund manns
og er hann sögufrægur fyrir ýmsar sakir.
Til dæmis átti eitt stærsta eldgos mann-
kynssögunnar, sem vitað er af, sér stað á
eynni um 1470 f.Kr. sem sumir telja að
hafi valdið hnignun mínóskrar menning-
ar á Krít.
Á meðal þess sem vinsælt er að gera á
Santorini er að kanna hellenískar, róm-
verskar og býsantískar fornminjar sem
og að skoða öskjuna sem myndaðist við
fyrrnefnt eldgos.
Santorini