Morgunblaðið - Sunnudagur - 21.07.2013, Blaðsíða 52

52 MORGUNBLAÐIÐ SUNNUDAGUR 21.7. 2013
Myndlistarkonan Helen Molin opnar sýn-
inguna Háfleygt í Mjólkurbúðinni í Listagilinu
á Akureyri, laugardaginn 20. júlí kl. 14. Þar
sýnir Helen myndir sem hún vann með
blandaðri tækni, grafíkprenti og vatnslitum.
Um sýninguna segir Helen m.a: „Verkin mín
eru sögur eða sagnir án orða. Þau innihalda
hvorki fortíð né framtíð heldur eru tímalaus í
núinu, tímabilið að innan, að utan og á milli.
Veröldin þar sem barnslegt ímyndunarafl og
þroskuð reynsla fullorðinna mætast og flýgur
hátt og hefur vængi. Þar sem hvorki tíminn
né orðin eru og þú flýgur hærra og hærra.“
Mjólkurbúðin er opin laugardaga og
sunnudaga kl. 14-17. Sýningin stendur til 5.
ágúst.
SÝNING Í MJÓLKURBÚÐINNI
HÁFLEYGT
Helen Molin sýnir 300 mynda syrpu í Mjólk-
urbúðinni í Listagilinu á Akureyri.
Skálholtskvartettinn flytur strengjakvartetta
op. 76 nr. 4 og 5 eftir Joseph Haydn.
Fjórðu viku Sumartónleika í Skálholtskirkju
lýkur nú um helgina með tvennum tónleikum
á laugardegi. Þeir fyrri hefjast kl. 15 en á
þeim flytur Kór Breiðholtskirkju nýtt verk
eftir Hróðmar Inga Sigurbjörnsson og mót-
ettuna Jesu Meine Freunde eftir J.S. Bach.
Verk Hróðmars heitir Rennur upp um nótt
og er tónverk við ljóð Ísaks Harðarsonar og
tvo sálma Biblíunnar. Verkið samdi Hróðmar
fyrir kór, tvo einsöngvara, orgel, hörpu, selló
og kirkjuklukkur.
Kl. 20 er svo komið að Skálholtskvartett-
inum, en hann mun flytja strengjakvartetta
op. 76 nr. 4 og 5 eftir Joseph Haydn.
TÓNLEIKAR Í SKÁLHOLTSKIRKJU
NÝTT VERK FLUTT
Áttundu stofutónleikar
sumarsins á Gljúfrasteini
verða haldnir í dag, sunnu-
daginn 21. júlí, kl. 16 en á
þeim leikur Duo Wein-
berg, skipað Ögmundi Þór
Jóhannessyni gítarleikara
og Páli Palomares fiðlu-
leikara. Páll og Ögmundur
munu bjóða upp á létta
danssveiflu og þá m.a.
rúmenska tónlist.
Ögmundur hefur hlotið viðurkenningar og
verðlaun fyrir gítarleik sinn bæði hér á landi
og erlendis, m.a. 2. verðlaun í alþjóðlegu Ag-
ustin Barrios-gítarkeppninni í Lambesc í Suð-
ur-Frakklandi árið 2003.
Páll á ættir að rekja til Spánar og hefur ver-
ið konsertmeistari í flestum ungmenna-
hljómsveitum á Íslandi. Páll er einn af leið-
urum 2. fiðlu í Randers Kammerorkester í
Danmörku.
TÓNLEIKAR Á GLJÚFRASTEINI
DANSSVEIFLA
Páll Palomares
fiðluleikari
Sophie-Véronique Cauchefer-Choplin, organisti við Saint Sulpiceí París, leikur tvenna tónleika nú um helgina á Klais-orgelHallgrímskirkju og eru tónleikarnir liður í Alþjóðlegu orgels-
umri kirkjunnar í ár. Cauchefer-Choplin er þekkt á alþjóðavísu fyrir
spunaleik sinn og tónleikarnir því mikill hvalreki fyrir áhugamenn
um orgelleik.
Á efnisskránni verður m.a. kóral eftir J. S. Bach, Sónata eftir
Mendelssohn, Etíða og Fúga eftir Schumann, Prelúdía eftir M. Du-
ruflé og Sinfónía eftir Widor en auk þess mun hún spinna yfir gefin
stef sem hún fær afhent á tónleikunum. Fyrri tónleikarnir verða
haldnir kl. 12 á laugardegi, 20. júlí og þeir seinni á sunnudag, 21.
júlí, kl. 17.
Cauchefer-Choplin stundaði orgelnám við Tónlistarháskólann í
París og menntaði sig auk þess sérstaklega í spunaleik. Hún deilir
stöðu organista við hina virtu kirkju Saint Sulpice í París með Daniel
Roth og leggur mikið upp úr spunaleik. Hún varð fyrst kvenna til að
hljóta önnur verðlaun í spunakeppninni í Chartres árið 1990, hún
hefur ferðast víða um heim sem spunaleikari og haldið fjölda nám-
skeiða og tónleika. Cauchefer-Choplin er talin vera einn mesti spuna-
leikari samtímans.
TVENNIR TÓNLEIKAR CAUCHEFER-CHOPLIN
Spinnur yfir
gefin stef
Sophie-Véronique Cauchefer-Choplin mun m.a. leika verk eftir Men-
delhssohn, Schumann og Druflé í Hallgrímskirkju nú um helgina.
EINN FREMSTI ORGELSPUNAMEISTARI
SAMTÍMANS LEIKUR Á KLAIS-ORGELIÐ
Í HALLGRÍMSKIRKJU UM HELGINA.
Hið mikla og hljómfagra Klais-orgel Hallgrímskirkju var hreinsað í byrjun
árs og hér sést sérfræðingur leggja lokahönd á verkið.
Morgunblaðið/Golli
Menning
Þ
að er vægast sagt mjög spennandi
og skemmtilegt að fá að takast á
við þetta hlutverk,“ segir Hanna
Dóra Sturludóttir söngkona, en
hún mun syngja Carmen í sam-
nefndri óperu Georges Bizet í uppsetningu Ís-
lensku óperunnar í haust, en óperan hefur
ekki verið sviðsett hérlendis í tæpa þrjá ára-
tugi. „Svo skemmtilega vill til að Sigríður
Ella Magnúsdóttir sem fór þá með hlutverk
Carmenar og gerði það glæsilega vel, er
frænka mín,“ segir Hanna Dóra.
Hljómsveitarstjóri uppfærslunnar í haust
verður Guðmundur Óli Gunnarsson, leikstjóri
er Jamie Hayes og leikmyndahöfundur Will
Bowen, en meðal söngvara sem þátt taka eru
Sesselja Kristjánsdóttir sem syngur hlutverk
Carmenar á móti Hönnu Dóru, Kolbeinn Jón
Ketilsson, Garðar Thór Cortes, Hrólfur Sæ-
mundsson, Kristján Jóhannesson, Hallveig
Rúnarsdóttir, Þóra Einarsdóttir, Bjarni Thór
Kristinsson, Viðar Gunnarsson, Valgerður
Guðnadóttir og Ágúst Ólafsson.
„Þetta hlutverk kemur á hárréttum tíma
fyrir mig bæði raddlega og einnig vegna þess
að ég var búin að ákveða að flytja heim með
fjölskylduna í haust. Það er því mjög gaman
að koma heim og byrja svona með glæsi-
brag,“ segir Hanna Dóra. Aðspurð nánar út í
flutning fjölskyldunnar segir Hanna Dóra að
sig hafi lengi dreymt um að koma heim enda
búin að búa í Þýskalandi sl. tuttugu ár, fyrst
við nám og síðan störf. „Þó ég sé komin með
verkefni hér úti næsta vetur þá ræð ég vel
við að sinna þeim frá Íslandi,“ segir Hanna
Dóra og tekur fram að það sama eigi við um
eiginmann hennar, tenórinn Lothar Odinius,
en börn þeirra eru Símon, sem er 7 ára, og
Gústaf, sem er 5 ára.
Aðspurð segist Hanna Dóra enn ekki hafa
sungið Carmen á sviði, en hlutverkið hafi
lengi verið sér hugleikið. „Í fyrra settumst við
Meik Schwalm, kollegi minn og góður vinur,
niður og skrifuðum verk sem við kölluðum
„Carmen fyrir tvo“ og unnið var upp úr óperu
Bizet. Við gerðum þetta okkur til gamans og
alvöru með það að markmiði að sýna þetta,
þó það hafi reyndar ekki orðið af því enn því
önnur verkefni urðu ofan á. Þarna gafst mér
hins vegar færi á að endurnýja kynni mín af
verkinu, því ég þekki óperuna mjög vel,“ seg-
ir Hanna Dóra og rifjar upp að fyrsta hlut-
verk sitt að námi loknu við Listaháskólann í
Berlín hafi verið sópranhlutverkið Mikaela á
listahátíð í Bad Hersfeld, en Mikaela er unn-
usta Don José áður en hann fellur fyrir Car-
men.
„Á þeim tíma datt mér reyndar ekki í hug
að ég ætti eftir að takast á við Carmen sjálfa,
þó ég hafi á seinni árum gælt við hugmynd-
ina,“ segir Hanna Dóra og tekur fram að í
vinnu sinni með verkið í fyrra hafi hún fundið
að hlutverkið hentaði sér vel raddlega og því
hafi hún stokkið á tækifærið þegar Íslenska
óperan bauð söngvurum að syngja fyrir í
prufum fyrir Carmen. „Raddlega er Carmen í
raun og veru staðsett milli radda, því tvær af
þeim aríum sem hún syngur henta betur fyrir
mezzósópran og tvær betur fyrir sópran, en
raddblærinn þarf auðvitað að vera dökkur,“
segir Hanna Dóra, sem sjálf hóf feril sinn á
sínum tíma sem sópran en hefur sl. fimm ár
skilgreint sig sem mezzósópran. „Raunar leið-
ast mér þessar formlegu skilgreiningar í ann-
aðhvort sópran eða mezzósópran, enda syng
ég hvoru tveggja jöfnum höndum. Ég hef allt-
af verið staðsett raddlega mitt á milli þessara
tveggja radda og vil því helst bara skilgreina
mig sem söngkonu,“ segir Hanna Dóra og
bendir á að fyrr á tímum hafi prímadonnur
óperuhúsanna sungið það sem hentaði rödd-
inni hverju sinni án allra skilgreininga.
Spennandi að takast á við ný verk
„Þegar ég gekk með yngri son minn fann ég
að röddin breyttist og í samráði við Neil Sem-
er, söngkennara minn, ákvað ég að vinna
markvisst með röddina sem mezzósópran. Við
það jókst hæðin reyndar samhliða, þannig að
í raun víkkaði röddin í báðar áttir,“ segir
Hanna Dóra og bendir á að þar sem röddin
sé lifandi hljóðfæri haldist hún ekki óbreytt
alla ævi heldur taki breytingum með hliðsjón
af reynslu, aldri, þroska og notkun.
Aðspurð segist Hanna Dóra hafa haft nóg
að gera síðan hún lauk námi úr Listaháskól-
anum í Berlín árið 1998, en hún hefur um
árabil sungið í þýskumælandi löndum við góð-
an orðstír. „Ég hef ávallt sóst eftir því að
vera lausráðin enda felst ákveðið frelsi í því,“
segir Hanna Dóra sem m.a. hefur sungið við
Ríkisóperuna í Berlín, en árið 2010 söng hún í
uppsetningu á sólóóperunni Miss Donnith-
orne’s Maggot eftir Peter Maxwell Davies
sem var opnunarverk á nýju sviði hússins.
„Síðustu ár hef ég einbeitt mér sérstaklega að
uppsetningum á nýjum verkum,“ segir Hanna
Dóra, en sl. áratug hefur hún árlega tekið
HANNA DÓRA STURLUDÓTTIR SYNGUR CARMEN Í ÍSLENSKU ÓPERUNNI Í HAUST
„Hún er heillandi karakter“
EFTIR TVEGGJA ÁRATUGA VERU Í BERLÍN FANNST HÖNNU DÓRU STURLUDÓTTUR TÍMI TIL KOMINN
AÐ FLYTJA AFTUR HEIM. Í FRAMHALDINU BAUÐST HENNI AÐ SYNGJA CARMEN Í SAMNEFNDRI
ÓPERU GEORGES BIZET OG SEGIR HÚN GAMAN AÐ HEFJA HEIMKOMUNA MEÐ GLÆSIBRAG.
Silja Björk Huldudóttir silja@mbl.is
Hanna Dóra í hlutverki sínu sem Anna í Dauða-
syndunum sjö eftir tónskáldið Kurt Weil.