Morgunblaðið - 17.10.2013, Side 17

FRÉTTIR 17Innlent
MORGUNBLAÐIÐ FIMMTUDAGUR 17. OKTÓBER 2013
Fram kom í kynningu Hafsteins
Helgasonar, verkfræðings hjá
verkfræðistofunni Eflu, á íbúa-
fundinum í Langanesbyggð, að ís-
inn á norðurhveli hefði minnkað
um helming og rúmmál íssins um
þrjá fjórðu á síðustu 30 árum.
Norðurheimskautið verði jafn-
vel í náinni framtíð eins og
Eystrasaltið, þar sem íslaust er að
sumri til og þunnur ís yfir svæð-
inu að vetri til. Rétt búin skip
muni geta siglt þar árið um kring.
Þá benti Hafsteinn á að árið
2010 hefðu fjögur skip farið
norðausturleiðina, 34 árið 2011,
46 árið 2012 og yfir 200 á þessu
ári. Fyrsta gámaflutningaskipið
hafi farið frá Kína til Hollands í
ár.
Sýndar voru myndir af tveim
siglingaleiðum frá Kína og vestur
til Evrópu. Annars vegar suður-
leiðinni um Súez-skurðinn og til
Rotterdam og hins vegar norður-
leiðinni, þ.e. miðleiðinni, suður til
Finnafjarðar. Norðurleiðin væri
5.200 sjómílum styttri og svaraði
það til um 15 sólarhringa sigl-
ingar.
Frumútreikningar í öldulíkön-
um sýni mjög hagstæðar niður-
stöður við Finnafjörð, jafnvel án
öldubrjóts. Þá sé jarðvegur á
svæðinu frá ísaldarskeiði sem sé
álitinn ákjósanlegt fyllingarefni.
Hafsteinn gerði grein fyrir
hugsanlegum tímasetningum ef
ráðist yrði í framkvæmdir við
Finnafjörð. Að líkindum yrði um
3-5 áfanga að ræða og líkleg
lengd viðlegukants í 1. áfanga að
lágmarki 1,5 km, sunnan megin
fjarðar. Norðan megin fjarðarins
mætti reisa olíubirgða- og gas-
höfn með 1,2 km viðlegukanti,
sem þjónustaði hugsanlegan olíu-
iðnað við Grænland og Dreka-
svæðið.
Fram kom í máli aðila frá
Bremenports á sama fundi að þeir
hefðu frá árinu 2000 fylgst með
þróun mála í norðurhöfum. Frá
árinu 2011 hafi þeir byrjað að
skoða hugsanleg svæði fyrir um-
skipunarhöfn af krafti. Svæðin
hafi þurft að hafa það til að bera
að þar væru a.m.k. 1.000 hektarar
flatlendis og rými fyrir 3-4 km
viðlegukanta. Að djúprista væri
allt að 24 metrar við viðlegu að
hluta til, veðurfar hagstætt, svæð-
ið íslaust og siglingaleiðin að
svæðinu opin, djúp og örugg.
Niðurstaðan hafi verið skýr; að
beina krafti í rannsóknir á Finna-
firði.
Þjóðverjarnir telji að miðað við
hraðar breytingar á norður-
slóðum hin síðustu ár geti fram-
kvæmdir jafnvel hafist eftir 5 til 8
ár. Þá áætla þeir að starfsmenn í
byrjun yrðu innan við hundrað
manns.
Bremenports er í 100% eigu
Bremenborgar. Umsvifin eru mik-
il. Bremerhaven þjónustaði 4.308
gámaskip árið 2011, 598 flutn-
ingaskip undir lausavöru og 794
almenn flutningaskip. Höfnin er
sú fjórða stærsta í Evrópu og
stærsta bílahöfn álfunnar með
rúmlega 2 milljónir bíla á ári. Þá
á Bremenports helmingshlut í
Eurogate, stærsta rekstraraðila
krana og flutningakerfa hafna í
Evrópu.
Norðurskautið verði jafnvel
jafn greiðfært og Eystrasalt
Tölvuteikning/Efla verkfræðistofa/Úr nýju aðalskipulagi Langanesbyggðar
Áform Hugmyndir eru um að norðan megin Finnafjarðar rísi höfn fyrir
olíu- og gasvinnslu en umskipunarhöfn sunnan megin fjarðar.
miðleiðin laus við sker og eyjar sem
víða séu á norðausturleiðinni.
Siggeir segir sveitarfélögin fyrir
austan hvorki hafa fjármagn né sér-
fræðikunnáttu til þeirrar gagnaöfl-
unar sem Þjóðverjarnir hyggist
ráðast í. Þarna sé á ferð stórt al-
þjóðlegt fyrirtæki sem reki hafnir í
Þýskalandi. Þeir eigi aðra stærstu
höfnina í Þýskalandi og komi víða
um heim að uppbyggingu og rekstri
hafna.
En eru þetta ekki skýjaborgir?
„Það kemur í ljós. Þarna hafa
fagaðilar lagt mat á stöðuna, dýpi
fjarðarins og sjólag virðist vera ein-
stakt. Þá eru flatir malarhjallar
sem eru ákjósanlegt byggingarefni
á hundruðum hektara við fyrirhug-
aða viðlegukanta. Þannig að það
hlýtur að vera eðlilegt að skoða
málið frekar. Það hefur verið þekkt
frá fornu fari að það sé gott sjólag í
Finnafirði og hafa verið uppi hug-
myndir í gegnum tíðina um að þar
væru góðar aðstæður fyrir höfn,“
segir hann.
Tölvuteikning/Efla verkfræðistofa
Allt að 70 metrar
» Aðdýpi í Finnafirði er norð-
anmegin fjarðar allt að 70 m
skammt frá núverandi
strönd.
» Þar má því koma fyrir olíu-
borpöllum ef svo ber undir.
» Siggeir Stefánsson telur
að staðsetning Finnafjarðar
sé ákjósanleg þegar horft sé
til uppbyggingar á öryggis-
höfn fyrir Norður-Atlants-
hafið.
» Þá sé það talið Finnafirði
til tekna að liggja vel við
þjónustu við athafnir á aust-
urströnd Grænlands, bæði
olíuvinnslu og viðtöku á
námavinnsluefni í framtíð-
inni, sem og vegna umsvifa á
Drekasvæðinu.
Framtíðarhugmyndir Á myndinni er horft
til suðurs. Hugmyndir eru um að sunnan-
megin Finnafjarðar rísi umskipunarhöfn
en norðanmegin fjarðarins olíu- og gas-
höfn. Ljóst er að framkvæmdirnar myndu
skapa mikinn fjölda starfa á fram-
kvæmda- og rekstrartíma hafnarinnar.
Hydrovane loftpressur eru lágværar, fyrirferðarlitlar,
öflugar og henta alls staðar þar sem þörf er á þrýstilofti.
Mikið úrval af hágæðaloftpressum, lögnum og síum.
Bjóðum lausnir í þrýstilofti fyrir allar aðstæður.
IÐNVÉLAR ehf. | Smiðjuvegi 44-46 | 200 Kópavogur | Sími 414 2700 | idnvelar@idnvelar.is | idnvelar.is
Allt annað líf
- með hljóðlátri loftpressu
Kynntu þér úrvalið á idnvelar.is