Morgunblaðið - 17.10.2013, Blaðsíða 21

FRÉTTIR 21Innlent
MORGUNBLAÐIÐ FIMMTUDAGUR 17. OKTÓBER 2013
Björn Jóhann Björnsson
bjb@mbl.is
Tillögu um að efna til átaks í fjölgun
útilistaverka í íbúðarhverfum í eystri
hluta borgarinnar var á fundi borg-
arstjórnar Reykjavíkur á þriðjudag
vísað til menningar- og ferða-
málaráðs. Kjartan Magnússon, borg-
arfulltrúi Sjálfstæðisflokksins, lagði
tillöguna fram og lýsir hann von-
brigðum með að hún skuli ekki hafa
verið samþykkt í borgarstjórn í ljósi
almennt jákvæðra viðbragða meiri-
hlutans. Óttast hann að málið verði
svæft í nefnd, en afgreiðsla málsins
var hörmuð í sérstakri bókun borg-
arfulltrúa Sjálfstæðisflokksins.
„Ég vissi að dreifing listaverkanna
væri ójöfn í borginni en ákvað að
kanna málið og það kom mér á óvart
hvað munurinn er mikill. Samkvæmt
vef Listasafns Reykjavíkur eru þetta
tæplega 100 verk, og þá tel ég ekki
með sérgarða eins og söfn Einars
Jónssonar og Ásmundar Sveins-
sonar. Af þessum nærri 100 verkum
eru 46 þeirra í póstnúmeri 101 og
snarfækkar eftir því sem austar
dregur. Þannig eru afar fá listaverk í
Breiðholti og ekkert í Grafarholti eða
á Kjalarnesi,“ segir Kjartan en skipt-
inguna eftir póstnúmerum má sjá
nánar á kortinu hér til hliðar.
Kjartan telur tilvalið að fjölga lista-
verkunum og ná betri dreifingu.
Hægt sé að endurgera verk frá Lista-
safni Reykjavíkur eða færa til lista-
verk. Fordæmi séu fyrir því. Þannig
sé hægt að ná fram markmiðum til-
lögunnar án þess að leggja út í mik-
inn kostnað.
„Núverandi meirihluti vinnur
meira í því að færa verkin nær mið-
bænum, eins og frá Veðurstofu niður
í Lækjargötu og það stendur til að
flytja annað verk við Snorrabraut
niður í bæ,“ segir Kjartan og telur
samkeppni um ný listaverk einnig
koma til greina í íbúðarhverfunum, í
samráði við hverfisráðin.
Kjartan segir að með meiri dreif-
ingu listaverkanna verði stuðlað að
auknum menningarbrag. Þau gegni
einnig mikilvægu hlutverki við
grenndarkennslu nemenda í leik- og
grunnskólum. Slík kennsla sé vaxandi
þáttur í skólastarfinu.
Útilistaverk komi á skipulag
Einar Örn Benediktsson, formaður
menningar- og ferðamálaráðs, tekur
almennt vel í tillögu Kjartans. Segir
að hún muni fá frekari umfjöllun í
ráðinu. Hann bendir hins vegar á að
listaverkin séu fleiri en fram komi á
vef Listasafns Reykjavíkur. Þann
lista þurfi að uppfæra því listaverkum
hafi fjölgað í hverfum eins og Graf-
arvogi og Breiðholti. Alls séu þetta
144 útilistaverk og að jafnaði þrjú til
fimm verk í hverju hverfi. Einar segir
það jafnframt ágætis árangur í 227
ára sögu Reykjavíkurborgar að hafa
sett upp listaverk á eins og hálfs árs
fresti.
„Mér telst til að í Grafarvogi séu 18
listaverk. Miðborgin er með flest
verk því sá hluti borgarinnar er elst-
ur. Svo eru tvö ný verk að koma í
Breiðholtið,“ segir Einar Örn, sem
telur að borgin hafi á undanförnum
áratugum ekki sinnt því nógu vel að
setja listaverk í almenningsrými.
„Það er ekki fyrr en að undanförnu
sem tillit er tekið til þess að listaverk
eigi að vera nær íbúunum en ekki
bara í Grasagarðinum, svo ég nefni
dæmi.“
Einar Örn telur það jafnframt
ámælisvert að á síðustu áratugum
hafi ekki verið í skipulagi borgarinnar
hvar setja eigi niður útilistaverk.
Móta þurfi stefnu í þá veru.
„Tillagan verður tekin fyrir í
menningar- og ferðamálaráði, þar
sem við höfum fjallað um fjölgun úti-
listaverka, sérstaklega eftir konur og
af konum. Þar hefur hallað verulega á
kvenkynið,“ segir Einar Örn, sem
bendir einnig á að samkvæmt lögum
um listskreytingarsjóð beri að verja
minnst 1% af heildarbyggingarkostn-
aði hverrar opinberrar nýbyggingar
til listaverka í henni og umhverfi
hennar.
Útilistaverk í Reykjavík
Póstnúmer
101
Póstnúmer
107
5 útilistaverk
Póstn.
103
1 útilistaverk
13 útilistaverk
Póstnúmer
104
3 útilistaverk
Póstn.
108
0 útilistaverk
Póstnúmer 116
4 útilistaverk
Póstnúmer
112
Póstn.
109
2 útilistaverk
1 útilistaverk
Póstn.
111
3 útilistaverk
Póstnúmer
110
0 útilistaverk
Póstnúmer
113
Heimild: Vefur Listasafns Reykjavíkur.
Póstnúmer
105
46 útilistaverk
16 útilistaverk
Útilistaverkin verði dreifðari
 Tillaga í borgarstjórn fer til nefndar
 Langflest útilistaverkin eru í 101
Kjartan
Magnússon
Einar Örn
Benediktsson
Ekið með styttu Ólafs?
» Ekki náðist í Jón Gnarr
borgarstjóra eða aðstoðar-
mann hans en í umræðu á
fundi borgarstjórnar lagði
hann fram formlega tillögu um
að gera brjóstmynd af Ingi-
björgu Sólrúnu Gísladóttur, fv.
borgarstjóra, og koma henni
fyrir utandyra.
» Var þeirri tillögu einnig vís-
að til menningar- og ferða-
málaráðs.
» Þá kom Jón með þá hug-
mynd að ekið yrði með styttu
af Ólafi Thors um hverfi borg-
arinnar, vefmyndavél yrði kom-
ið fyrir í haus styttunnar og
ræður Ólafs spilaðar um leið.
Smiðjuvegi 76 • Kópavogi • Sími 414 1000 • tengi@tengi.is
Baldursnesi 6 • Akureyri • Sími 414 1050 • www.tengi.is
Opið virka daga frá kl. 8-18 og laugar daga kl. 10-15
Gæði, þjónusta, ábyrgð – það er Tengi.
Baðinnréttingarnar eru fáanlegar: hvítar háglans – hvítar mattar – ljósgráar – dökkgráar – svört eik
NÝ LÍNA AF
BAÐINNRÉTTINGUMFRÁ IFÖ