Morgunblaðið - 17.10.2013, Qupperneq 20

20 FRÉTTIRInnlent
MORGUNBLAÐIÐ FIMMTUDAGUR 17. OKTÓBER 2013
ÚR BÆJARLÍFINU
Skapti Hallgrímsson
Akureyri
Komandi kjarasamningar voru
Birni Snæbjörnssyni, formanni
Starfsgreinasambands Íslands, of-
arlega í huga í setningarræðu hans á
4. þingi SGS sem hófst á Akureyri í
gær. „Samstaða og samvinna er
hornsteinn Starfsgreinasambands-
ins, sem er og á að vera vettvangur
sameiginlegrar kjarabaráttu, samtök
með meira afli en einstök félög geta
haft, til að mynda þann slagkraft sem
nauðsynlegur er í baráttu við at-
vinnurekendur og ríkisvald,“ sagði
formaður meðal annars.
  
Áherslur aðildarfélaga Starfs-
greinasambandins eru hækkun
lægstu launa sem er áhrifríkasta leið-
in til að draga úr misrétti í samfélag-
inu, að sögn Björns Snæbjörnssonar.
  
Aðrir þættir á borð við uppbygg-
ingu félagslegs íbúðakerfis verða
einnig ofarlega á baugi í kjaraviðræð-
unum, að sögn Björns, en hann segir
verkalýðshreyfinguna tilbúna „í sam-
ráð og samstarf við stjórnvöld um
húsnæðiskaupa- og leigukerfi á fé-
lagslegum grunni enda er þetta einn
stærsti útgjaldaliður heimilanna og
skiptir miklu fyrir lífsgæði og lífskjör
hvernig staðið er að húsnæðis-
málum.“
  
Birni varð tíðrætt um nýframlagt
fjárlagafrumvarp sem hann sagði
meingallað og til að hægt væri að
ljúka kjarasamningum þyrfti að fara í
töluverðar breytingar á því. Hann
hvatti stjórnvöld til samráðs við aðila
vinnumarkaðarins svo hægt væri að
skapa víðtæka sátt um það.
  
Vert er að geta þess að félags- og
húsnæðismálaráðherra, Eygló Harð-
ardóttir, tók að hluta til undir áhyggj-
ur Björns í ávarpi sínu á þinginu og
lýsti því yfir að hún mundi leggja sitt
af mörkum til að auka framlög til
vinnumarkaðsaðgerða í baráttunni
gegn atvinnuleysi.
  
Aldrei er of varlega farið í umferð-
inni. Í fyrrakvöld var ekið á dreng á
reiðhjóli á Skarðshlíð í Glerárhverfi
með þeim afleiðingum að hann féll í
götuna. Drengurinn var bólginn í
andliti og fann til í hendi, en var með
hjálm sem augljóslega bjargaði
miklu.
  
Opnuð hefur verið félagsráð-
gjafarstofa í Hrísey, þar sem ein-
göngu er boðið upp á ráðgjöf með
samskiptum í gegnum netið og síma.
Stofan heitir „Hugrekki – Ráð-
gjöf og fræðsla“ og er boðið upp á alla
almenna félagsráðgjöf en stofan sér-
hæfir sig þó í ráðgjöf við þolendur
hvers kyns ofbeldis og aðstandendur
þeirra, auk þess sem boðið er upp á
fræðslu fyrir hópa sem vilja auka
þekkingu sína á málaflokknum.
  
Ingibjörg er búsett í Hrísey og er
ráðgjöfin öll unnin þaðan. Hún ákvað
að nýta tæknina og láta um leið
draum sinn um félagsráðgjöf á netinu
rætast. Hún hefur því skapað sér at-
vinnu í Hrísey og þannig aukið fjöl-
breytni í atvinnuháttum þar.
  
Ungskáldum á Akureyri, 16-25
ára, býðst nú að taka þátt í sam-
keppni um besta ritaða textann; ljóð,
sögur, leikrit eða annað. Áhugasöm
ungskáld eiga að senda textann sinn
á rafrænu formi á netfangið ung-
skald@akureyri.is ásamt upplýs-
ingum um sjálf sig og fær einn hepp-
inn þátttakandi 50.000 kr. í verðlaun.
  
Samkeppnin er samvinnuverk-
efni Amtsbókasafnsins, Akureyr-
arstofu, Hússins (upplýsinga- og
menningramiðstöðvar í Rósenborg),
Verkmenntaskólans á Akureyri og
Menntaskólans á Akureyri. Full
ástæða er til að hvetja unga fólkið til
að ydda blýantinn og láta hugann
reika.
  
Borgardætur verða með tónleika
á Græna hattinum annað kvöld og
rokksveitin Dimma á laugardags-
kvöldið. Í kvöld treður þar hins vegar
upp Óli Trausta ásamt hljómsveit.
  
Sinfóníuhljómsveit Færeyja
fagnar 30 ára afmæli um þessar
mundir og heldur af því tilefni tón-
leika bæði á heimavelli og auk þess í
Hörpu og Hofi. Fyrstu tónleikar
verða einmitt í Hofi næstkomandi
mánudag, 21. október. Stjórnandi er
Bernharð Wilkinsson og með í för er
margverðlaunaður píanóleikari, Pa-
vel Raykerus frá Rússlandi.
  
Á efnisskrá færeysku sveit-
arinnar verða verk eftir Sunleif
Rasmussen, eitt þekktasta tónskáld
Færeyja, Rússann Pjotr Tjækovskí
og Edward Elgar hinn enska.
  
Meðlimir Sinfóníuhljómsveitar
Færeyja koma úr ýmsum áttum. Um
er að ræða atvinnufólk, tónlistar-
kennara, nemendur og áhugafólk.
„Slík samsetning býður upp á lifandi
og fjölbreytt samstarf enda er hljóm-
sveitin afar fjölbreytt og leikur allt
frá léttri tónlist upp í flóknar sinfóní-
ur. Aðalbækistöðvar hljómsveit-
arinnar eru í Norræna húsinu í Þórs-
höfn í Færeyjum þar sem eru
kjöraðstæður til tónleikahalds. Það
kemur þó ekki í veg fyrir að hljóm-
sveitin sé dugleg að heimsækja aðra
hluta Færeyja enda er eitt af meg-
inmarkmiðum hennar að höfða til
sem flestra og auka aðgengi fólks að
fjölbreyttri tónlist,“ segir í tilkynn-
ingu.
Ljósmynd/Þorgeir Baldursson
Fjör í firðinum Mikið er um hval í Eyjafirði þessa dagana eins og í sumar. Einar í Nesi, bátur Hafrannsókna-
stofnunar á Akureyri, var við störf norðan við Hjalteyri í gærmorgun og tveir hnúfubakar léku sér í grenndinni.
„Vettvangur
sameiginlegrar
kjarabaráttu“
Morgunblaðið/Skapti Hallgrímsson
Haust á Akureyri Ekki er víst að allt sé á niðurleið en laufin við Glerárgötu
eru handviss um hvert þau skuli stefna á þessum árstíma.
Kristján L. Möller, Samfylkingu,
Brynjar Níelsson, Sjálfstæðisflokki,
og Guðmundur Steingrímsson,
Bjartri framtíð, eru fyrstu flutn-
ingsmenn tillögu til þingsályktunar
um að lokið verði eins fljótt og unnt
er undirbúningi að byggingu nýs
Landspítala við Hringbraut í
Reykjavík. Hafist verði handa við
byggingu hans í beinu framhaldi.
Sjö Samfylkingarþingmenn eru
meðflutningsmenn á tillögunni sem
lögð hefur verið fram á Alþingi.
Þingmennirnir vilja að efnt verði til
þjóðarátaks um byggingu nýs spít-
ala.
Í tillögunni er gert ráð fyrir því
að Nýr Landspítali ohf. eða ríkis-
sjóður fái heimild til að taka lán
fyrir byggingarkostnaði. Þá er lögð
áhersla á að ríkisstjórnin veiti full-
an atbeina til að ljúka megi verk-
inu, hún inni af hendi stjórnvalds-
athafnir og leggi nauðsynleg
lagafrumvörp fram á Alþingi.
Í greinargerð er tillagan m.a.
rökstudd með því að þjónustuþörf á
spítalanum muni stóraukast á
næstu árum vegna hækkandi aldurs
þjóðarinnar. Bygging 77 herbergja
sjúkrahótels á lóð nýs Landspítala
sé í því samhengi þjóðarnauðsyn.
Þá er nefnt að miklir fjármunir
muni tapast ef ekki verði af end-
anlegri sameiningu Landspítalans
undir eitt þak. Nú fari starfsemin
fram á 17 stöðum á höfuðborgar-
svæðinu í um 100 húsbyggingum.
„Rekstrarlegur ávinningur af
endanlegri sameiningu Landspít-
alans gæti numið um það bil 2,6
milljörðum króna á ári miðað við
verðlag ársins 2010. Það samsvarar
um það bil 6,5% af rekstrarkostnaði
spítalans árið 2012, á verðlagi þess
árs,“ segir m.a. í greinargerðinni.
Vilja þjóðarátak
um nýjan spítala
 Tillaga 10 þingmanna á Alþingi
Landspítali Teikning af húsbygg-
ingum Nýs Landspítala.
Draghálsi 14 - 16
110 Reykjavík
Sími 4 12 12 00
www.isleifur.is