Morgunblaðið - 17.10.2013, Blaðsíða 33
MORGUNBLAÐIÐ FIMMTUDAGUR 17. OKTÓBER 2013
✝ Fanney F.Leósdóttir
fæddist á Akureyri
22. ágúst 1944.
Hún lést á líkn-
ardeild Landspít-
alans í Kópavogi 7.
október 2013.
Foreldrar henn-
ar voru Leó F. Sig-
urðsson útgerð-
armaður á
Akureyri, f. 7.7.
1911, d. 9.3. 2002, og k.h. Lára
V. Pálsdóttir , f. 13.3. 1912, d.
24.8. 1986. Systkini Fanneyjar:
Sigurður, f. 23.8. 1934, Haukur,
f. 30.10. 1937, Sverrir f. 15.7.
1939, d. 25.6. 2009, Anna, f.
14.1. 1943 og Páll, f. 7.10. 1948.
Fanney giftist 15.11. 1969 Má
Karlssyni, f. 27.9. 1947 á Akra-
nesi. Börn þeirra eru: 1) Anna
næsta ár en var í Húsmæðra-
skóla Reykjavíkur veturinn
1962-1963. Haustið 1963 fór
Fanney til Edinborgar þar sem
hún stundaði nám í versl-
unarskóla í tvo vetur. Hún bjó í
Reykjavík 1965 til 1974 þar sem
hún var lengst ritari hjá Iðn-
aðarbankanum. Fanney og Már
fluttu til Vestmannaeyja
snemma árs 1974 og bjuggu þar
fram undir árslok 1982. Á þeim
tíma vann hún á skrifstofu
Hraðfrystistöðvar Vest-
mannaeyja. Að undanskildu er
þau bjuggu í Bandaríkjunum
1988-1990 hafa þau síðan búið í
Mosfellsbæ þar sem Fanney
gegndi í gegnum tíðina ýmsum
störfum á skrifstofum Mosfells-
bæjar. Fanney sinnti starfi Odd-
fellowreglunnar, sem hún gekk
í árið 1978, til síðustu stundar.
Útför Fanneyjar fer fram frá
Bústaðakirkju í dag, 17. októ-
ber 2013, og hefst athöfnin kl.
13. Jarðsett verður að Mosfelli.
Lára, f. 16.5. 1970,
var gift Birgi
Hrafnkelssyni, f.
1.2. 1969. Dóttir
þeirra: Fanney, f.
29.11. 1999. 2)
Birna Björg, f.
16.11. 1973, gift
Sigmari Jónssyni,
f. 14.11. 1971. Börn
þeirra: Bjarki Már,
f. 23.11. 2002 og
Hildur Hrönn, f.
26.11. 2004. 3) Karl Kári, f.
12.5. 1975, kvæntur Írisi Rut
Agnarsdóttur, f. 28.6. 1978.
Synir þeirra: Agnar Már, f.
18.1. 2010 og Fannar Davíð, f.
8.3. 2012.
Fanney lauk gagnfræðaprófi
frá Gagnfræðaskólanum á Ak-
ureyri 1961. Hún starfaði sem
ritari hjá innkaupadeild KEA
Elsku besta mamma okkar.
Þú hafðir mikið dálæti á ljóð-
um Davíðs Stefánssonar. Þetta
ljóð hans er eins og skrifað um
þig.
Þú áttir þrek og hafðir verk að vinna
og varst þér sjálfri hlífðarlaus og hörð.
Þú vaktir yfir velferð barna þinna,
þú vildir rækta þeirra ættarjörð.
Frá æsku varstu gædd þeim góða anda,
sem gefur þjóðum ást til sinna landa,
og eykur þeirra afl og trú,
en það er eðli mjúkra móðurhanda
að miðla gjöfum eins og þú.
Í augum þínum sá ég fegri sýnir
en sólhvít orð og tónar geta lýst, –
svo miklir voru móðurdraumar þínir,
þó marga þeirra hafi frostið níst.
Sem hetja barst þú harmana og sárin,
huggaðir aðra – brostir gegnum tárin,
viðkvæm í lund, en viljasterk.
Þau bregða um þig ljóma, liðnu árin.
Nú lofa þig – þín eigin verk.
Ég flyt þér, móðir, þakkir þúsundfaldar,
og þjóðin öll má heyra kvæðið mitt.
Er Íslands bestu mæður verða taldar,
þá mun þar hljóma fagurt nafnið þitt.
Blessuð sé öll þín barátta og vinna,
blessað sé hús þitt, garður feðra
minna,
sem geymir lengi gömul spor.
Haf hjartans þakkir, blessun barna
þinna,
– og bráðum kemur eilíft vor.
(Davíð Stefánsson)
Margt kenndir þú okkur, sem
gert hefur okkur að þeim sem við
erum í dag.
Þar ber einna hæst þraut-
seigju, þolinmæði og eljusemi
sama hverjar aðstæðurnar eru.
Þannig gafst þú aldrei upp og
sýndir fram á hið ómögulega í
löngu sjúkdómsferli.
Með djúpu þakklæti drúpum
við höfði, lítum svo upp, sjáum
ljós þitt í augum barna okkar og
brosum við minningarnar um þig,
einstaka kærleiksríka móður og
ömmu.
Takk fyrir allt og allt, elsku
mamma. Við söknum þín sárt.
Þín
Anna Lára, Birna Björg
og Karl Kári.
Elsku amma.
Þú varst viðstödd komu mína í
heiminn í Bandaríkjunum og hef-
ur verið með mér síðan og ég veit
að þú munt ennþá vera með mér.
Þú hættir að vinna úti þegar við
fluttum heim til að gæta mín þar
til ég byrjaði á leikskóla þriggja
ára. Það var dýrmætur tími sem
ég man óskaplega lítið eftir, en
lagði grunninn að okkar sterka
sambandi.
Ég kom reglulega til þín eftir
skóla. Þú eldaðir alltaf grjóna-
graut handa mér, sem þú stóðst
yfir, sama hvernig heilsan var. Þú
bara náðir þér í stól og hrærðir
þannig í grautnum. Mikið þykir
mér vænt um hversu mikið þú
lagðir á þig til að elda grautinn.
Þér var umhugað um mig og
þú fylgdist vel með mér frá degi
til dags, því sem var að gerast í
skólanum og á fimleikaæfingun-
um.
Við gátum setið klukkustund-
um saman og talað um gamla
tíma frá því þú varst lítil stelpa.
Mér fannst alltaf jafn gaman að
hlusta á þig. Þú kenndir mér
margt og mikið. Eitt af því dýr-
mætasta sem þú kenndir mér er
þrautseigja og þolimæði. Þú gafst
aldrei upp. Síðasta vetur áður en
ég fermdist lærbrotnaðir þú. Þú
varst búin að segja starfsfólkinu
á líknardeildinni, þar sem þú
varst í endurhæfingu, að elsta
barnabarnið þitt væri að fara að
fermast og á fætur ætlaðir þú.
Auðvitað gerðir þú það. Ekki nóg
með það að hafa verið með mér
allan daginn, heldur gekkstu líka
upp að altarinu með mér.
Já, amma, þú ert þolinmóðasta
og þrautseigasta manneskja sem
ég hef kynnst. Þú ert hetjan mín
og ég mun alla tíð hugsa til þín og
um þig. Ég er stolt af því að bera
nafnið þitt.
Takk fyrir allt, elsku amma
mín.
Þín
Fanney.
Elskuleg vinkona mín, Fanney
Leósdóttir, er látin. Hún lauk
sinni lífsgöngu eftir langa og
hetjulega baráttu við krabba-
mein. Ég kynntist Fanneyju og
fjölskyldu hennar þegar þau
bjuggu í Vestmannaeyjum og
höfum við haldið sambandi síðan.
Fanney vann á skrifstofu Hrað-
frystistöðvarinnar hjá eigin-
manni mínum. Hann lýsti henni
sem fyrirmyndarstarfskrafti,
sem vann störf sín af alúð, var
samviskusöm, trygg og heiðar-
leg.
Árum saman hefur Fanney
barist af æðruleysi, dugnaði og
hugrekki við vágestinn sem engu
eirir og gafst ekki upp fyrr en í
fulla hnefana. Ekki var annað
hægt en að dást að reisn hennar
og jákvæðni þrátt fyrir hvert
áfallið sem hún mátti þola og
reyndi líka verulega á fjölskyld-
una. Fanney var þakklát fyrir
hvern dag, setti sér markmið sem
einkenndust af jákvæðni og
bjartsýni. Fanney dvaldi oft á
líknardeild Landspítalans í
Kópavogi. Þangað sótti hún and-
legan, líkamlegan og félagslegan
styrk og þar leið henni vel og þar
fékk hún að kveðja. Fanney var
stolt yfir glæsilegri aðstöðu og
stækkun líknardeildarinnar, sem
var sameiginlegt verkefni Odd-
fellowreglunnar, en Fanney hef-
ur lengi verið Rebekkusystir í
Oddfellowreglunni.
Baráttu sína háði Fanney ekki
ein. Eiginmaður hennar Már stóð
sem klettur við hlið hennar. Hann
var alltaf til staðar og umvafði
hana og sýndi henni mikla um-
hyggju og nærgætni. Þannig gat
hún alltaf farið heim eftir dvöl á
sjúkrastofnunum, þar sem hún
naut aðstoðar hans og barna
þeirra Önnu Láru, Birnu Bjargar
og Kalla Kára. Fanney átti líka 5
barnabörn, sem færðu henni
mikla gleði. Það var stór stund í
vor þegar Fanney gat tekið þátt í
og glaðst með elsta barnabarni
sínu og nöfnu á fermingardaginn
hennar.
Ég og fjölskylda mín sendum
Má, börnum og barnabörnum
okkar dýpstu og innilegustu sam-
úðarkveðjur og biðjum Guð að
styrkja þau á erfiðum tíma.
Ég kveð kæra vinkonu hinstu
kveðju með erindi úr ljóði eftir
Jóhannes úr Kötlum og þakka
henni samverustundir.
Hversu þreytt sem þú varst,
hvað sem brautin var sár
þá var hugur þinn samt
eins og himinninn blár
eins og birta og dögg
voru bros þín og tár.
Og nú ljómar þín sól
bak við lokaðar brár.
(Jóhannes úr Kötlum)
Guðbjörg Matthíasdóttir.
Fanney Leósdóttir
✝ GuðmundurHalldór Jón-
atansson fæddist á
Landspítalanum
við Hringbraut 7.
apríl 1944. Hann
lést á Landspít-
alanum 28. sept-
ember 2013.
Foreldrar hans
voru Jónatan Guð-
mundsson frá
Hjörsey, f. 18.
ágúst 1914, d. 20. febrúar 2003
og Lea Kristjánsdóttir, fædd á
Bakka í Tálknafirði 11. mars
1920. Guðmundur átti þrjú
2002. 2) Helgi, f. 1971, kvæntur
Þórönnu Kolbrúnu Jónatans-
dóttur, f. 1968. Barn Helga með
fyrri sambýliskonu er Hekla
María f. 2004. Barn Guð-
mundar með fyrri sambýlis-
konu er Sandra Margrét, f.
1981, gift Júlíusi Valdimari
Finnbogasyni, f. 1975, dóttir
þeirra er Ellen Heba, f. 2011.
Guðmundur varð stúdent frá
Menntaskólanum í Reykjavík
árið 1964 og útskrifaðist síðan
sem viðskiptafræðingur cand.
oecon frá Háskóla Íslands árið
1970. Guðmundur starfaði all-
an sinn starfsferil hjá trygg-
ingarfélaginu Sjóvá, sem áður
hét Almennar tryggingar er
hann hóf störf þar 19 ára gam-
all.
Útför Guðmundar var gerð í
kyrrþey frá Fossvogskapellu
10. október 2013.
systkini: Sigríður,
f. 1948, Örlygur, f.
1950 og Ragnar, f.
1957.
Eftirlifandi eig-
inkona Guðmundar
er Sigríður Guð-
mundsdóttir, f. 18.
nóvember 1944.
Börn þeirra eru: 1)
Ómar, f. 1966,
sambýliskona Guð-
rún Kristín Svein-
björnsdóttir, f. 1967. Börn Óm-
ars með fyrri eiginkonu eru: a)
Helena Sól, f. 1995, b) Aþena
Örk, f. 1998, c) Gabríel Máni, f.
Elsku bróðir minn. Mummi
stóri bróðir lést af slysförum 28.
september síðastliðinn á Land-
spítalanum. Mummi var fæddur
7. apríl 1944. Ég var 6 árum
yngri og leit því alltaf upp til
stóra bróður sem var mér alla
tíð góð fyrirmynd. Öll okkar
æskuár ólumst við upp ásamt
tveimur systkinum í Vesturbæn-
um, í Sörlaskjóli, við bestu hugs-
anlegu aðstæður í foreldrahús-
um.
Í dag á þessari yfirþyrmandi
erfiðu kveðjustundu koma
margar góðar minningar upp í
hugann, bæði frá uppvaxtarár-
unum á heimili okkar og frá
þeim árum sem ég var í sveit á
sumrin í Haukadal og Mummi
kom mikið í heimsókn. Þá var
hann mitt stóra stolt. Ég varð
unglingur og þurfti aðra sum-
arvinnu, þá fór ég með stóra
bróður á fyrrverandi sumar-
vinnustaðinn hans í byggingar-
vinnu þar sem hann kynnti mig
og fékk samstundis vinnu fyrir
litla bróður á þeim forsendum
að ég væri jafn góður til vinnu
og hann. Ég gerði mitt besta til
að uppfylla það og ég fann að
væntingar voru miklar hjá fyrri
vinnufélögum hans um góð af-
köst.
Þegar við urðum eldri var
eins og aldursmunurinn minnk-
aði og á tímabili áttum við sam-
an bíl sem skapaði okkur marg-
ar ánægjustundir. Mummi og
Sirrý kynntust ung og giftu sig
21 árs gömul. Við áttum margar
góðar stundir saman á þeim ár-
um og þá ekki síst í öllum ferða-
lögunum sem við fórum saman í.
Það var ótrúlegt hvað litli poll-
inn fékk oft að fljóta með kær-
ustuparinu í ferðalög og fleira.
Mikil breyting varð á sam-
skiptum okkar þegar ég flutti til
náms til Kaupmannahafnar
rúmlega tvítugur að aldri. Þar á
ég samt minningu um mjög
skemmtilega helgi þegar
Mummi bróðir birtist óvænt í
heimsókn og við vorum saman í
nokkra daga í stórborginni.
Ég flutti til baka að loknu
námi og við tóku fullorðinsárin
og við bræður fjarlægðumst eins
og gerist og gengur. Báðir feng-
um við okkar skammt af erfið-
leikum að kljást við, en báðir er-
um við Hjörseyingar að upplagi
og ræddum því of lítið okkar á
milli um það sem bjátaði á. Í dag
vildi ég að við hefðum gert
meira af því.
Maður reiknar aldrei með að
vera að upplifa síðustu samveru-
stundina, en síðasta samveru-
stund okkar Mumma var á af-
mælinu hans 7. apríl síðastliðinn
þegar hann varð 69 ára gamall.
Þá var hann ánægður í faðmi
fjölskyldunnar með konu sinni,
móður, systkinum, börnum og
barnabörnum og þau hjónin
horfðu fram á mörg ánægjuleg
æviár saman. Það er yfirþyrm-
andi sorglegt að þær vonir séu
teknar á einu augabragði frá
þessari góðu fjölskyldu.
Við Lára og fjölskylda send-
um Sirrý eiginkonu hans, börn-
um og barnabörnum þeirra inni-
legar samúðarkveðjur á þessum
erfiðu tímamótum.
Örlygur Jónatansson.
Guðmundur Hall-
dór Jónatansson
✝
Ástkær eiginmaður minn, faðir okkar, tengda-
faðir og afi,
JÓN RÚNAR GUNNARSSON
samanburðarmálfræðingur,
sem lést miðvikudaginn 9. október,
verður kvaddur frá Neskirkju föstudaginn
18. október kl. 11.00.
Margrét Jónsdóttir,
Þóra Jónsdóttir, Sveinbjörn Gröndal,
Bergljót Jónsdóttir, Arnaldur Sigurðsson,
Ásgrímur Karl Gröndal.
✝
Innilegar þakkir til þeirra sem sýndu okkur
samúð, hlýhug og vináttu við fráfall okkar
ástkæru tengdamóður, ömmu og langömmu,
GUÐLEIFAR VIGFÚSDÓTTUR,
Lyngheiði 3,
Selfossi.
Útför hefur farið fram í kyrrþey frá Selfoss-
kirkju og jarðsett í Eyrarbakkakirkjugarði.
Við viljum senda sérstakar þakkir fyrir góða umönnun til
starfsfólks Kumbaravogs.
Charlotta Halldórsdóttir,
Magnús Helgi Vigfússon, Úlfhildur Stefánsdóttir,
Andrea Heidi Giljafoss, Flemming Giljafoss,
Hanna Vigfúsdóttir, Roi Magnussen
og barnabarnabörn.
✝
Elskulegur eiginmaður minn og faðir okkar,
SIGURÐUR GUÐMUNDSSON
fyrrverandi starfsmaður Flugleiða,
Brávallagötu 50,
Reykjavík,
lést á sjúkrahúsi á Spáni sunnudaginn
13. október.
Jarðarförin verður auglýst síðar.
Hrefna Björnsdóttir,
Guðmundur Sigurðsson,
Hjördís Sigurðardóttir
og aðrir aðstandendur.
✝
Innilegar þakkir til allra þeirra sem sýndu
okkur samúð og hlýhug við andlát og útför
elskulegs eiginmanns míns, föður okkar,
tengdaföður og afa,
EINARS VILHJÁLMSSONAR
rafeindavirkja,
Marbakkabraut 18,
Kópavogi.
Sérstakar þakkir til starfsfólks Landspítala við Hringbraut,
deildar 11E og heimahjúkrunar Karitas.
Ester Jónsdóttir,
Jón Þór Einarsson, Þóra Elísabet Kjeld,
Eyjólfur Einarsson, Jóna Einarsdóttir,
Vilhjálmur Einarsson, Ester Sif Harðardóttir
og barnabörn.
✝
Elskulegur eiginmaður minn, faðir okkar,
tengdafaðir og afi,
ÁRNI PÉTUR BJÖRGVINSSON
sjóntækjafræðingur,
Kjalarsíðu 14b,
Akureyri,
sem lést aðfaranótt þriðjudagsins 8. október,
verður jarðsunginn frá Akureyrarkirkju föstudaginn
18. október kl. 13.30.
Þeim sem vilja minnast hans er bent á Heimahlynningu
á Akureyri og Krabbameinsfélag Akureyrar.
Laufey Vilhjálmsdóttir,
Vilhjálmur Árnason,
Þorgerður Helga Árnadóttir, Ingi Rafn Ingason,
Sævar Már Árnason, Gunnhildur Helgadóttir,
Helga Laufey Ingadóttir, Jökull Sævarsson,
Myrra Ísis Sævarsdóttir og Valgerður Árný Ingadóttir.
✝
Ástkær móðir okkar,
GUÐRÚN JÓNSDÓTTIR,
Lilla,
frá Fáskrúðsfirði,
verður jarðsungin frá Fáskrúðsfjarðarkirkju
laugardaginn 19. október kl. 14.00.
Jóna Bára, Sara, Svanhvít,
Ölver og Guðmundur Jakobsbörn.