Morgunblaðið - 16.05.2014, Qupperneq 66

66
MORGUNBLAÐIÐ FÖSTUDAGUR 16. MAÍ 2014
Gylfaflöt 7, Grafarvogi | Sími 587 8700 | www.krumma.is
Íslenskar hjólagrindur
fyrir íslenska veðráttu
Margar
stærðir
og gerðir
Ásgeir Ingvarsson
ai@mbl.is
Valur Rafn hefur ástæðu til að vera í
góðu skapi þessa dagana enda einn
besti sölutími ársins að ganga í garð
hjá reiðhjólaversluninni TRI við
Suðurlandsbraut.
Valur er markaðsstjóri verslunar-
innar en TRI hóf rekstur árið 2011.
„Kveikjan að stofnun verslunarinnar
var sú hugmynd að opna í fyrsta
skipti búð hér á landi þar sem hægt
væri að fá á einum stað allt sem þarf
til að æfa og stunda þríþraut. Við
seljum því vörur fyrir hlaupamann-
inn, sundmanninn og hjólreiðamann-
inn en hjólin eru í öndvegi og reið-
hjól þýska framleiðandans Cube eru
aðalsmerki verslunarinnar.“
Leggur Valur á það áherslu að úr-
valið hjá TRI er fjölbreytt og m.a.
hægt að finna þar reiðhjól af öllum
tegundum, en ekki bara fyrir keppn-
isfólk í þríþraut. „Cube er mjög
framsækið fyrirtæki, kemur inn á
markaðinn fyrir aðeins tveimur ára-
tugum, en er nú þegar orðið nokkuð
þekkt og eftirsótt merki í reið-
hjólaheiminum. Seljum við bæði
keppnishjólin þeirra og einnig borg-
ar- og fjallahjól, fyrir bæði karla,
konur og börn. Ef eitthvert tiltekið
hjól úr smiðju Cube er síðan ekki í
sýningarsalnum þá er vitanlega
sjálfsagt mál að panta hjólið til
landsins.“
Að sögn Vals eru Cube-hjólin
sambærileg við reiðhjól þekktustu
og fremstu framleiðenda. „Þessi
reiðhjól þykja vönduð smíði, létt og
falleg, með úthugsaða hönnun og
skemmtilegt litaval, til viðbótar við
vandaðar bremsur og góða gíra.“
Allir að hjóla allsstaðar
Hefur reksturinn gengið vel und-
anfarin þrjú ár og ætti varla að
koma á óvart enda hefur mikil
sprenging orðið í hjólreiðum hér á
landi. Bendir Valur raunar á að
sama þróun sé að eiga sér stað í öll-
um helstu stórborgum vesturlanda.
Um allan heim séu vinsældir hjól-
reiða að aukast og framleiðendur um
leið að koma fram með nýjar lausnir
og ný reiðhjól sem eiga að smell-
passa við breytilegar þarfir reið-
hjólafólks.
„Gott dæmi um þetta eru cyclo-
cross-hjólin sem oft er lýst þannig
að þau blandi saman í eitt eig-
inleikum fjallahjóls og götuhjóls.
Annar nýr hópur reiðhjóla eru svo-
kölluð hybrid-hjól sem blanda sam-
an mjóum dekkjum keppnishjóla og
þægilegri reiðstöðu borgarhjóla.
Hlutverk reiðhjólasölumannsins
hefur breyst í takt við þetta mikla
úrval og fer vinnudagurinn bæði í
það að mæla viðskiptavininn og
finna hjól í hárréttri stærð, og að
auki reyna að fá sem gleggsta mynd
af því hvernig hjól hentar honum
best. Er ætlunin að hjóla á stígum
eingöngu? Þarf kannski að fara af
malbikinu á leið í vinnu eða skóla og
taka stuttan spöl á malarstíg? Þá
finnum við hjólið sem hentar full-
komlega.“
Með blómlegri reiðhjólamenningu
verða neytendur líka kröfuharðari
og betur upplýstir um sérkenni
ólíkra framleiðenda, og hvað gott
reiðhjól verður að hafa til að bera.
Valur segir marga sem leggja leið
sína í verslunina vera með næmt
auga fyrir smáatriðum á borð við
gæði dempara eða bremsa, hvernig
gjarðirnar eru smíðaðar eða jafnvel
hvaða slöngur eru notaðar í dekkin.
„Fólk hefur oft lagt töluverða rann-
sóknarvinnu í valið á nýju reiðhjóli,
lesið sér til á netinu og gert verð-
samanburð á milli verslana og fram-
leiðenda.“
Feimin við sterka liti
Smekkur landans á reiðhjól og
aukahluti fyrir reiðhjólið virðist líka
vera að breytast. Reyndar segir Val-
ur að Íslendingar sæki ennþá mest í
reiðhjól sem eru svört eða grá að lit,
og mættum við vera ófeimnari við að
velja litríkari hjólhesta. „En það
þykir t.d. orðið töff í dag að vera í
hjólreiðabuxum og er það ánægjuleg
þróun sem orðið hefur á mjög stutt-
um tíma. Eins þykir flott að vera
með vandaðan hjálm á kollinum og
heyrir í dag til algjörra undantekn-
inga að sjáist til hjólreiðamanns á
hraðskreiðu götuhjóli án þess að
hann sé með hjálm til að vernda höf-
uðið“
Íslendingar eru farnir að gera
mun meiri kröfur til reiðhjólanna
 Með öflugri hjólamenningu eru neytendur betur að sér um eiginleika hjóla og hafa næmt auga fyrir gæðum
Morgunblaðið/Þórður
Kröfur Valur með kollega sínum Jóhanni Sigurjónssyni í versluninni TRI. „Fólk hefur oft lagt töluverða rannsóknarvinnu í valið á nýju reiðhjóli, lesið sér til
á netinu og gert verðsamanburð á milli verslana og framleiðenda,“ segir hann. Um leið eru framleiðendur að þróa áhugaverðar nýjar útfærslur af hjólum.
Diskabremsur gjörbreyta hjólinu
Ein af greinilegustu breytingunum í smíði reiðhjóla á síðustu árum
eru bremsurnar. Þeir sem vilja aðeins það besta sætta sig í dag ekki
við annað en diskabremsur.
„Öll þekkjum við gömlu bremsurnar, svk. V-bremsur sem sam-
anstanda af tveimur gúmmípúðum sem leggjast upp að felgunni og
hægja þannig á hraðanum. Öll þekkjum við líka að slíkar bremsur eru
oft ekki mjög góðar og þarf að gera ráð fyrir því við hjólreiðarnar að
ekki sé hægt að snarstoppa. Eða hver man ekki eftir því sem barn að
hafa ekki getað stólað á bremsurnar og vera búinn að spæna upp
skóna eftir sumarið, við að reyna að hægja á.“
Diskabremsurnar eru svipaðar þeim sem notaðar eru í bílum og
hemla svo vel að sögn Vals að þarf að vara fólk sérstaklega við þegar
það sest í fyrsta skipti á reiðhjól með slíkum bremsum. „Heml-
unarkrafturinn er svo mikill að ef ekki er farið varlega er það raun-
verulegur möguleiki að hjólreiðamaðurinn kastist af hjólinu.“
Hann segir að það taki samt ekki langan tíma að venjast breyting-
unni og þá verði upplifunin af því að hjóla allt önnur. Hjólreiðamað-
urinn fái mun betra vald yfir hjólinu og það láti betur að stjórn. „Það
er ekki hægt að líkja því saman að vera á hjóli með V-bremsu og
diskabremsu. Hemlunarvegalengdir eru styttri og eiginleikar hjólsins
verða allt aðrir.“
SUMARIÐer tíminn