Morgunblaðið - Sunnudagur - 07.06.2014, Blaðsíða 40

Tíska
Sjúklega dýrir tískusokkar
*Sokkar við sandala voru áður fyrr eitt versta tískuslys sem hugsastgat. En eins og vitað er fer tískan í hringi – og eiginlega bara í ólík-legustu áttir. Það sem áður þótti ljótt er skyndilega aðaltískufyr-irbrigðið. Sokkar við sandala eru nú eitt heitasta tískufyrirbærið oghafa hátískuhönnuðir að sjálfsögðu hafið framleiðslu á sokkum.Tískuhúsið Saint Laurent er með puttann á púlsinum og hefur hafiðsölu á ökklasokum á 64.640 krónur parið. En er þetta söluvænt?
Sölustjóri vefsíðunnar net-a-porter.com, Sasha Sarokin, telur svo
vera og segir sokkana „gríðarlega vinsæla“.
Hvað er nauðsynlegt í snyrtitöskuna?
Ég kýs náttúrulega förðun. Á sumrin nota ég
léttan farða sem gefur húðinni ljóma.
Það sem er í miklu uppáhaldi hjá mér þessa
dagana er náttúrulegi, ljómandi og nærandi
farðinn frá Bobbi Brown, sólarpúðrið Soleil tan
de Chanel, svartur maskari frá Nilens Jord,
brúnn augnpensill frá Lancome, varagloss frá
Clarins og dagkrem með sólarvörn frá Dr.
Schrammeck. Ég ferðast mikið og vil því að
snyrtitaskan mín passi í handfarangurinn.
Áttu þér uppáhaldsflík eða -fylgihlut?
Já, „vintage“ pallíettubuxurnar mínar sem ég
keypti í London fyrir mörgum árum. Ég ferðast
ekki án þeirra, enda verða þær alltaf fyrir val-
inu þegar ég veit ekki hverju ég á að klæðast.
Ég er líka mjög hrifin af leðurjökkum og finn
mér alltaf ástæðu til þess að fá mér nýjan leð-
urjakka. Um helgina fann ég til dæmis „vin-
tage“ hermannagrænan ACNE-leðurjakka á
flóamarkaði. Annar leðurjakki sem er í miku
uppáhaldi hjá mér er frá BLKDNM með orðinu
FREEDOM prentað á bakið.
Hvað er uppáhaldstrendið
þitt fyrir sumarið?
Ég er mjög hrifin af víðum buxum, þær eru
bæði þægilegar, svalar og fínar. Ég á svartar
víðar buxur frá Filippu K – sem ég hef klæðst í
hverri viku síðan ég fékk þær.
Ég fíla líka röndóttu víðu buxurnar mínar í
náttfatastíl – eina vandamálið er að þær eru að-
eins of síðar …
Fyrir sumarið er ég einnig veik fyrir sundföt-
um, bæði fyrir ströndina og við önnur föt í
partíið! Fullkominn lykilfatnaður – sem þú get-
ur farið í beint af ströndinni á strandklúbbinn!
Hvaðan sækir þú innblástur?
Ég hef alltaf sótt mikinn innblástur í götustíl.
Hverju fólk klæðist og hvernig fólk raðar sam-
an áhugaverðum flíkum. Ég sæki mikinn inn-
blástur í tískuvikurnar, af götutískubloggum, in-
stagram, úr tímaritum og frá vinum mínum.
Margir af vinum mínum starfa í tískubrans-
anum og eru annaðhvort hönnuðir eða umboðs-
menn. Ég elska skandinavískan stíl og hönnun
og sæki mikinn innblástur í stíl danskra
kvenna.
Áttu þér uppáhaldsfatahönnuð?
Ég er mjög hrifin af Céline, Chanel, Alexand-
er Wang, Balenciaga og Stellu McCartney. Ég
á nokkrar töskur og skó frá stóru hönnuðunum
en ekki endilega það mikið af fötum frá þeim.
Áttu þér eitthvert gott stef, ráð eða mottó,
þegar kemur að fatakaupum?
Þú getur keypt fullt af fínum fötum en þú
getur ekki keypt stíl!
Ég er mjög hrifin af fólki sem hefur ein-
stakan, áreynslulausan og svalan stíl alla vikuna
frekar en þá sem klæða sig bara upp um helg-
ar eða fyrir rauða dregilinn. Fólk með flottan
stíl kann að blanda saman merkjum og stílum
og gera flottan alklæðnað úr nokkrum flottum
flíkum.
Þegar kemur að því að versla er mitt ráð að
kaupa frekar einfaldar grunnflíkur og klæða
þær upp með áberandi aukahlutum eða fallegri
tösku, þú munt allavega ekki sjá eftir því. Háir
hælar gera allt flottara, meira að segja gallabx-
ur. Detoxaðu fataskápinn áður en þú ferð í
verslunarleiðangur, þannig getur þú verið viss
um að kaupa ekki sömu flíkur og þú átt nú þeg-
ar eða fatnað í lit sem þú átt ekki eftir að nota.
Hvernig myndir þú lýsa stílnum þínum?
Ég er mjög svarthvít, og fataskápurinn minn
er skipulagður eftir því. Ef ég finn til dæmis
kjól sem mér finnst flottur í svörtu spyr ég allt-
af hvort að hann sé líka til í hvítu. Stíllinn minn
er svarhvítur, örlítið „androgyne“, ég klæðist
miklu frekar buxum en kjólum og vona að það
virki áreynslulaust. Ég vil koma á óvart og til-
einka mér klassískan og jafnframt djarfan stíl.
Ég plana aldrei hverju ég klæðist fyrirfram og
mér þykir gaman að ákveða á hverjum degi
hvað ég ætla að setja saman. Ég fíla það miklu
betur að klæðast til dæmis sundbol við víðar
buxur í partí en að klæða mig upp fyrir rauða
dregilinn. Þægilegt og afslappað eru mín lyk-
ilorð. Ég fíla stutta boli og á sumrin er nauð-
synlegt að sýna örlítið meiri húð.
Hvaða tískublöð og tískublogg eru í
uppáhaldi?
Ég starfa sem ritstjóri Stylemag þannig
að ég les eins mikið af tímaritum og bloggi
og ég get. Ég er hrifin af danska blaðinu
Cover, L’Officiel, Vogue, Eurowoman
og i-D.
Hvað er það síðasta sem þú
festir kaup á fatakyns?
ACNE-jakkinn minn. Hann
hafði verið á óskalistanum lengi
og á laugardaginn síðasta fann
ég hann á flóamarkaði á 10%
upprunalegs verðs, ég var ekk-
ert smáheppin! Að endurnýta föt
skiptir mig miku máli. Það er svo
mikið úrval af fallegum end-
urnýttum fatnaði og ef þú
átt föt heima sem þú notar
ekki ættirðu að gefa þeim
áframhaldandi líf hjá fólki sem á
eftir að nota þau. Ég keypti líka Sup-
reme-hatt fyrir son minn.
Hvað er það súrrealískasta sem þú
hefur upplifað í tískuheiminum?
Þegar það var mynd af mér á for-
síðu arabíska style.com á meðan á
tískuvikunni í París stóð og á New York
Times á tískuvikunni í London.
Annað ákaflega súrrealískt augnablik var
þegar ég klæddist bleikri kápu og rauðu
dressi frá Proenza Schouler á síðustu tísku-
viku – götuljósmyndarar elska liti meira en
allt og það voru allir á eftir mér … Mjög
skrýtið.
Á síðasta ári vann ég að hönnun silkiklúta
og að sjá bloggara og stjörnur víðsvegar um
heiminn klæðast hönnun minni var mikill heið-
ur.
Celine segir
fataskápinn
samanstanda af
svörtum og
hvítum flíkum.
Soleil tan de Chanel er
í uppáhaldi hjá Celine.
SUNDBOL Í PARTÍ
Þú getur ekki
keypt stíl!
CELINE I. AAGAARD ER EINN VINSÆLASTI TÍSKUBLOGGARI Í SKANDINAVÍU.
HÚN VANN NÝLEGA TITILINN TÍSKUBLOGGARI ÁRSINS Í NOREGI FYRIR
BLOGG SITT HIPPIEHIPPIEMILKSHAKE.BLOGSPOT.COM. CELINE RITSTÝRIR
EINNIG TÍSKUTÍMARITINU STYLEMAG OG HEFUR VAKIÐ AHYGLI FYRIR
ÓAÐFINNANLEGAN FATASTÍL.
Sigurborg Selma Karlsdóttir sigurborg@mbl.is
Celine ritstýrir norska tísku-
tímaritinu StyleMag.
Úr sumarlínu tísku-
hússins Celine.
AFP
Ljósmynd/Stella Moniq