Morgunblaðið - 04.09.2014, Blaðsíða 48

48 FRÉTTIRInnlent
MORGUNBLAÐIÐ FIMMTUDAGUR 4. SEPTEMBER 2014
KLASSÍSK ÍSLENSK ÚR
FYRIR HANN OG HANA
Ágúst Ásgeirsson
agas@mbl.is
Spjótin hafa beinst að Mercedes-
liðinu í formúlu-1 eftir belgíska kapp-
aksturinn fyrir tæpum hálfum mán-
uði. Vegna samstuðs ökumanna þess,
þeirra Lewis Hamilton og Nico Ros-
berg á aðeins öðrum hring, með þeim
afleiðingum að Hamilton féll um síðir
úr leik, hótuðu liðsstjórarnir að grípa
til liðsskipana og koma með því í veg
fyrir kappakstur þeirra það sem eftir
var vertíðar. Það mæltist illa fyrir og
eftir að hafa tekið ökumennina tvisv-
ar á teppið á síðustu 10 dögum hefur
verið fallið frá því.
„Mercedes skuldbindur sig til
harðrar en drengilegrar keppni því
það er rétta leiðin til heimsmeist-
aratitlanna. Gripið hefur verið til við-
eigandi agaviðurlaga vegna atviksins
[í Belgíu]. Ökumönnunum hefur ver-
ið tjáð skýrt og skilmerkilega að ann-
að atvik af því tagi verður ekki liðið.
En Nico og Lewis er áfram frjálst að
keppa innbyrðis og við höfum trú á
þeim,“ segir í yfirlýsingu frá liðs-
stjórunum Toto Wolff og Paddy
Lowe eftir seinni agafundinn af
tveimur.
Þar var skuldinni af árekstrinum
afdrifaríka skellt á Rosberg og hann
hýrudreginn. Talan var ekki gefin
upp en var sögð sex stafa, þ.e. að
minnsta kosti 100.000 evrur, eða yfir
15 milljónir króna. Baðst hann afsök-
unar og játaði að dómgreindin hefði
brugðist honum í hita leiksins. Segja
þeir Hamilton að langvarandi vinátta
þeirra sé það djúpstæð að þeir muni
komast yfir þá snurðu sem hljóp á
þráðinn í sambúð þeirra við ákeyrsl-
una klaufalegu í Les Combes-
beygjunni í Spa-Francorchamps.
Sérfræðingar um formúlu-1 eru
flestir á því að spennan í titilslagnum
eigi eftir að segja til sín í mótunum
sem fram undan eru, jafnvel strax á
sunnudag í Monza á Ítalíu. Og vegna
mikils metnaðar beggja og rígs muni
fyrr eða seinna sjóða aftur upp úr. Sá
eini fyrirvari sem hefur verið hafður
á frelsi þeirra til að kljást innbyrðis
er að þeir ækju ekki hvor á annan.
Hótaði Toto Wolff þeim öllu illu
strax eftir kappaksturinn og boðaði
liðsfyrirmæli en vegna þrýstings lét
hann ekki verða af því, á yfirborðinu
alla vega því vera kann að einhverjar
ákvarðanir hafi verið teknar á aga-
fundunum sem ekki verða gerðar
opinberar.
Reiði kraumaði undir
En getur Wolff gert eitthvað til að
þetta endurtaki sig ekki? Sé gengið
út frá því að engin illgirni hafi verið
undirrót árekstursins þá vantar tals-
vert á að líkja megi honum við
glímur Alain Prost og Ayrton Senna
á brautinni forðum daga. Þá elda var
ekki hægt að slökkva eftir að þeir
fengu að kvikna – og spurning er
hvort hið sama sé að gerast hjá
Mercedes. Nóg hefur alla vega verið
af fræðingum til að segja að liðs-
stjórnin sé veik, eftir að hafa hleypt
ökumönnunum of langt í sókn þeirra
til persónulegrar frægðar og frama.
Allt þar til Rosberg og Hamilton
komu að Les Combs-beygjunni
snemma á öðrum hring í Spa hafði
mátt líkja keppni þeirra við kalt
stríð. Komið hafði til smáskæra, teflt
hafði verið á tæpasta vað, grun-
semdir verið um græsku, örlað á
fjandskap í andrúmslofti vaxandi
tortryggni. En í beygjunni voru eng-
in aðvörunarskot lengur brúkuð.
Gripið var til alvöruvopna í fyrsta
sinn. Sem gæti allt eins átt eftir að
endurtaka sig í hita leiksins og
spennu titilkeppninnar.
Þann lærdóm má draga af belg-
ísku kappaksturshelginni, að Ros-
berg virtist bera nokkurs konar
Senna/Prost-kala til Hamiltons
vegna deilna þeirra um liðsfyrirmæli
í næsta móti á undan, ungverska
kappakstrinum. Þessa hlið á Ros-
berg hinum bljúga höfðu menn aldr-
ei séð. Gramdist honum mjög að Ha-
milton skyldi ekki hlýða
liðsfyrirmælum og hleypa sér fram
úr í Búdapest. Og kunni ekki að
meta að liðsstjórarnir létu óhlýðni
Hamiltons óátalda. Kraumaði í hon-
um reiðin í þær fjórar vikur sem liðu
milli mótanna og því er rimmu
þeirra og afleiðingum hennar jafnað
við átök Senna og Prost.
Senna og Prost mun grófari
Átök þeirra í japanska kappakstr-
inum árið 1989, þegar báðir kepptu
fyrir McLaren, er einhver frægasti
árekstur formúlunnar. Á 46. hring af
53. keyrði Senna inn í bíl Prost og
báðir snerust út af brautinni. Prost
gat ekki haldið áfram keppni en það
gat Senna sem komst eftir þjón-
usturein brautarinnar aftur inn á
hana sjálfa og lauk keppni. Prost var
með nauma forystu í keppninni um
heimsmeistaratitil ökumanna fyrir
kappaksturinn en með sigrinum
blasti við að Senna tæki titilinn. Það
varð aldrei því hann var dæmdur úr
leik fyrir að hafa ekið eftir flóttaleið-
um inn á brautina. Prost var því
krýndur heimsmeistari 1989.
Þeir voru ekki lengur liðsfélagar
árið eftir þegar til lokamótsins í Su-
zuka kom, Prost farinn til Ferrari.
Aftur klesstu þeir og báðir féllu úr
leik. Senna varð meistari naumlega
og Prost annar. Senna virtist aug-
ljóslega keyra á Prost af ásetningi
en neitaði því ætíð.
Rifja má upp fleiri fræga og af-
drifaríka árekstra liðsfélaga sem þó
hverfa í skuggann af átökum Prost
og Senna. Má þar nefna árekstur
Ferrari-félaganna Clay Regazzoni
og Niki Lauda í Brands Hatch í
Englandi 1976. Árekstur McLaren-
félaganna David Coulthard og Mika
Häkkinen í Melbourne 1999 og
klessu Juan Pablo Montoya og Kimi
Räikkönen hjá McLaren í Indiana-
polis 2006. Þá munaði minnstu að
árekstur Sebastian Vettel og Mark
Webber hjá Red Bull í Istanbúl
2010, er báðir féllu úr leik, kostaði
Vettel titilinn.
Alltaf hefur þótt mega búast við
að þessi frjálslega stefna Mercedes
gæti leitt til vandræða á einhverju
augnabliki. Sem og raun varð á í
Spa-Francorchamps. Fyrir utan að
tapa annars auðfengnum stigum
sitja stjórar liðsins nú uppi með
þann hausverk að reyna að fóta sig á
því hvernig þeir ætla ná taumhaldi á
ökumönnunum, tvístirni sínu. Ofan í
kaupið sitja þeir uppi með fjölmiðla-
storm þar sem stuðningsmenn hvors
um sig læsa saman hornum.
Óviðráðanlegt ástand
Sumir halda því fram að Mercedes
hafi skapað sitt eigið Frankenstein-
skrímsli; liðið sé búið að missa stjórn
á ökumönnunum og framundan geti
gengi liðsins endað í farvegi sjálfs-
glötunar í keppninni um titla öku-
manna annars vegar og bílsmiða
hins vegar.
Toto Wolff er ekki á því að staðan
sé svo slæm en játar að liðið gæti
endað sem aðhlátursefni ef það gæti
ekki nýtt sér yfirburði bílanna til
sigurs í keppninni um titlana, sem á
þessu stigi virðast annars blasa við
liðinu.
„Við höfum sennilega ekki enn ýtt
á sjálfseyðingarhnappinn en það er
mikið í húfi og takist okkur ekki að
koma böndum á málin gæti að því
komið. Það er eitt að njóta þess að
horfa á frábæra keppni og leyfa
þeim að kljást. En standi menn uppi
sem flón í vertíðarlok þá hefur verið
til einskis unnið,“ sagði Wolff eftir
kappaksturinn í Spa. Það gjald sem
liðið gæti í versta falli þurft að
greiða er að Daniel Ricciardo hjá
Red Bull kæmist upp á milli og stæli
titlunum frá Hamilton og Rosberg.
Sá möguleiki virðist býsna fjar-
lægur og þótt Mercedes hafi orðið af
mörgum stigum í Belgíu er fátt sem
bendir til að stefna liðsins hafi verið
röng. Hefði það til dæmis gengið til
vertíðarinnar með þá reglu að öku-
mennirnir kæmu í mark í þeirri röð
sem þeir voru eftir fyrsta eða síðasta
dekkjastopp þá hefði það engu
breytt fyrir úrslit móta í ár. Þegar
öllu er á botninn hvolft hefur hvor-
ugur þeirra Rosberg og Hamilton
tekið fram úr hinum í bardaga á
brautinni, að undanskildum nokkur
hundruð metrum í Bahrain.
Vinsældir formúlunnar aukast
Keppnin í formúlu-1 hefur ekki
verið eins tilþrifamikil og skemmti-
leg í mörg ár og nú. Það er helst að
þakka rimmum Hamiltons og Ros-
berg, en þeirra vegna hafa vinsældir
formúlu-1, mælt í sjónvarpsáhorfi,
stóraukist. Vegna þessa er rætt um
Mercedes út um allar jarðir og
myndir af bílunum hanga uppi úti
um allt. Kastljósið hefur heldur aldr-
ei skinið jafn skært á ökumennina
tvo. Ef ekki væri fyrir frjálsa keppni
þeirra sætu færri fyrir framan sjón-
varpstækin í útsendingum frá form-
úlunni. Til samanburðar flýði fólk
útsendingarnar í stórum stíl þegar
Ferrari og Michael Schumacher
drottnuðu í byrjun aldarinnar. Liðs-
félagi hans og jafningi á brautinni,
Rubens Barrichello, mátti aldrei
keppa við hann eða verða á undan,
og var skipað oftar en einu sinni að
víkja og hleypa fram úr svo Schu-
macher mætti vinna.
Kalt stríð ökumanna kappakstursliðs
Mercedes harðnar til muna
AFP
Árekstur Atvikið á Spa-Francorchamps-kappakstursbrautinni í Belgíu 24. ágúst síðastliðinn þegar Nico Rosberg ók bíl sínum aftan á bíl Lewis Hamiltons.
Lewis Hamilton Liðsmenn Merced-
es ræða saman um atvikið í Belgíu.
Nico Rosberg Blaðamannafundur
eftir Belgíukappaksturinn í ágúst.