Morgunblaðið - 04.09.2014, Blaðsíða 76

Morgunblaðið/Golli
Þjálfun Unni finnst upplagt að flétta saman sjósundi, jóga og hlaupum og telur það vera góða blöndu.
Bergljót Friðriksdóttir
beggo@mbl.is
É
g nýt hreyfingarinnar og
reyni að halda góðri heilsu,
sem er í raun forréttindi,“
segir Unnur B. Hansdóttir,
sérfræðingur í fjármála- og efna-
hagsráðuneytinu og áhugakona um
heilbrigt líferni. „Ég reyni að hafa
fjölbreytni í æfingunum; hleyp tvo
eða þrjá daga vikunnar, syndi í
sjónum einu sinni til tvisvar í viku,
sæki einn eða tvo jógatíma viku-
lega og fer svo í sund á hverjum
degi. Einn dag í viku hvíli ég mig.“
Aðspurð segist Unnur alltaf hafa
haft þörf fyrir að hreyfa sig. „Sem
barn og unglingur æfði ég íþróttir,
meðal annars fótbolta og fimleika.
Síðan tók við langt tímabil þar sem
ég stundaði íþróttir og útivist án
þess að velta því sérstaklega fyrir
mér. Fyrir 26 árum byrjaði ég svo
að hreyfa mig markvisst, meðal
annars af heilsufarsástæðum.“
Hún segir sjóinn alltaf hafa tog-
að í sig, kannski sökum þess að
hún sé sjómannsdóttir, en þar
finni hún orku og kraft. „Þegar ég
flutti í Vesturbæinn í Reykjavík
fyrir rúmum 30 árum byrjaði ég að
ganga reglulega meðfram sjónum,
hann laðaði mig til sín, og göngu-
ferðirnar urðu hvatinn að sjósund-
inu. Ég byrjaði reyndar ekki að
synda í sjónum fyrr en mörgum
árum seinna, ég ákvað að láta slag
standa eftir að það tóku sig upp
gömul bakmeiðsl. Veikindin reynd-
ust mér erfið þar sem ég gat ekki
stundað neina hreyfingu að neinu
marki í um það bil tvö ár. Til þess
að byggja mig upp fór ég að hjóla
og stunda sjósund úti á Seltjarnar-
nesi.
Smám saman fór ég að finna
fyrir breytingum og verkirnir tóku
að minnka. Því má með sanni
segja að sjósundið hafi haft já-
kvæð áhrif á líkamann, og í raun
og veru er það hreinn galdur.
Núna syndi ég um það bil tvisvar
sinnum í viku í sjónum, allan árs-
ins hring. Á veturna í Nauthólsvík
með vinkonum mínum en á sumrin
syndi ég oftast með vinum úr
Vesturbæjarlauginni; þá er það
spariprógrammið þegar ég hjóla
eða skokka að heiman klukkan
6:15 að morgni út á Seltjarnarnes,
sting mér í sjóinn og skokka eða
hjóla til baka og í Vesturbæjar-
laug.“
Æfingar Müllers
Unnur hefur ásamt eiginmanni
sínum, Pjetri Árnasyni, stundað
Vesturbæjarlaugina í mörg ár.
„Þar hittist kátur hópur fólks,
sundhópurinn Vinir Dóra, klukkan
7 alla virka morgna og saman iðk-
um við Müllers-æfingar og ræðum
málefni líðandi stundar í heitu
pottunum. Ég skokka tvisvar í
viku með nokkrum félögum mínum
úr sundhópnum, við leggjum af
stað frá Vesturbæjarlaug nákvæm-
lega klukkan 6:02. Við förum oft-
ast sama hringinn, sem er 7 til 8
kílómetra langur, og endum í
Müllers-æfingum og heitum potti.
Ég hef mikla ánægja af þessu og
stór hluti af því er félagsskapur-
inn.“
Hún kveðst hafa byrjað að
stunda jóga fyrir 26 árum, þegar
jógaiðkun var mörgum framandi
hérlendis. „Jóga var ekki beint í
tísku þá en ég byrjaði í Jógastöð-
inni Heilsubót og sótti tíma þar í
mörg ár, núna stunda ég hot yoga
á Seltjarnarnesi. Hugmyndafræðin
sem liggur að baki jóga hefur allt-
af heillað mig, meðal annars sam-
spil hreyfingar og mataræðis, sem
hefur áhrif bæði á líkamlega og
andlega heilsu fólks. Það er óhætt
er að segja að þessi forna hug-
myndafræði hafi staðist tímans
tönn.“
Góð blanda
Unni finnst upplagt að flétta
saman sjósundi, jóga og hlaupum
og telur það vera góða blöndu.
„Ég myndi segja að engin ein teg-
und hreyfingar væri betri en önn-
ur en hlaupin eru þó best fallin til
að bæta úthald og þol, hot yoga
eykur liðleika og veitir andlega
slökun og sjósundið er bara ólýs-
anleg sæla. Svo er það Esjan,
„fjallið mitt“, sem ég hef gengið á í
mörg ár og hver fjallganga er ný
upplifun.“
Unnur hefur hlaupið í Reykja-
víkurmaraþoni frá 2002 og tekið
þátt í ýmsum öðrum árvissum
hlaupum. „Það er gaman að fylgj-
ast með því hve þátttakendum í
Reykjavíkurmaraþoni hefur fjölg-
að mikið á liðnum árum. Ég hleyp
fyrst og fremst vegna ánægj-
unnar og þeirrar stemningar sem
myndast þennan dag. Yngsti son-
ur minn tók þátt í sínu fyrsta
Reykjavíkurmaraþoni með mér
fyrir 12 árum, þá 12 ára gamall,
og hefur hlaupið í því meira og
minna síðan.
Ég er ekki sú eina í minni fjöl-
skyldu með hreyfingu sem hluta af
lífsstílnum, við höfum öll verið
mikið í íþróttum og útivist í gegn-
um árin. Maðurinn minn var leik-
maður og þjálfari í handbolta og
þjálfaði meðal annars syni okkar
þegar þeir léku með yngri flokkum
KR. Núna stundum við öll hreyf-
ingu reglulega; fjallgöngur, hlaup,
hjólreiðar og útivist af ýmsu tagi.
Við reynum að fara að minnsta
kosti einu sinni á ári í nokkurra
daga göngu öll saman og nú hafa
tengdadæturnar bæst í hópinn og
þær eru svo sannarlega á sömu
línu.“
Heilun í hafi
 Unnur B. Hansdóttir, útivistarkona og sérfræðingur í fjármála- og efnahagsráðuneytinu, stundar sundlaug-
arnar með Vinum Dóra, gengur á fjöll, hjólar, hleypur, iðkar jóga og syndir í sjónum.
Nauthólsvík „Sjósundið er bara ólýsanleg sæla,“ segir Unnur. Friðsæld Unnur syndir hér garpslega í köldum sjó í apríl síðastliðnum.
76
MORGUNBLAÐIÐ FIMMTUDAGUR 4. SEPTEMBER 2014
4Viðhaldsfrítt yfirborð
4Dregur ekkert í sig
4Mjög slitsterkt
48, 12, 20 & 30mm þykkt
Viðarhöfða 1, 110 Reykjavík | Sími 566 7878 | www.rein.is
UTANHÚSKLÆÐNING ® BORÐPLÖTUR ® SÓLBEKKIR ® GÓLFEFNI
þolir 800°C hita og er frostþolið
Nýtt efni frá
BORÐPLÖTUR
Renndu við og skoðaðu úrvalið
HUGSAÐ UM HEILSUNAhaust 2014